1 Samuel 24
David in Saul Nuntakna Hawisak
1Philistia-te a delhna pan Saul a ciah kik ciangin ama kiangah, “En Gedi Sehnel-gam ah David om hi,” ci-in kigen hi. 2Tua ciangin Saul in Israel khempeuh pana kitengkhia mi tulthum tonpiha, Sathak Kenpi kianga om David le a mite zong dingin a kuan uh hi. a 3 Amah lampi dunga tuu-khawkte a tung hi. Tua lai-ah kawhawm khat om a, tua sungah Saul a tawlnga hi. David le a mite tua suanghawm tawng pekah a om uh hi. 4Mite in, “TOPA in nang hong hopih lai in, ‘Na galpa na ut bangbanga na bawl theih dingin na khut sungah kong pia ding hi,’ ▼▼24.4 Ahikeh Tuni-in TOPA
a cih tuni tektek ahi hi,” a ci uh hi. Tua ciangin David awmtal a, a phawk loh kalin Saul puantualpi mong a atkhiatsak hi. c 5 Tua khit ciangin ama puanmong a tankhiatsak David a kisuangtaak mahmah hi. 6A mite kiangah, “Ka pu TOPA sathau nilhsa ahi manin tua banga TOPA sathau nilhsa tungah ka hih ding ama langah ka khut ka liik ding ahi zongin TOPA in kham hi,” a ci hi. 7David in hih kammalte-in a mite tai-a, amaute in Saul a do ding uh a phal kei hi. Tuateh suanghawm panin Saul a paikhia hi. d 8 Tua khit ciangin suanghawm sung panin David pusuakkhia a, “Ka topa kumpipa!” ci-in Saul a sam hi. Saul in a nunghei ciangin David kunsuk a, leitungah a khupbawhsuk hi. 9Amah in Saul kiangah, “Bang hangin mite in, ‘Nang siat nading David in zong hi,’ a cih ciangin a thu uh ngai na hi hiam? 10Tuni-in suanghawm sungah TOPA in nang ka khut sungah hong piak lam na mitin na mu khin hi. Pawlkhat in nang that dingin hong kun uh hi. Ahi hangin nang kong hawi lai a, ‘Ka pu TOPA sathau nilhsa ahi manin ama tungah ka khut ka liik kei ding hi,’ ka ci hi. 11Ka pa aw, hih ka khut sunga na puantualpi mong en in! Na puan mongkiu ka atkhiat hi napi kong that kei hi. Tu-in hong theitel inla nang tungah khial loin kong lehdo loh lam theician in. Nang tungah kong khialh loh hangin kei hong that nuamin nong beng niloh hi. 12Nang le kei kikalah TOPA in thu khen ta hen. Kei tunga na khialhnasa khempeuh phu TOPA in hong la hen, ken ka hileh na tungah ka khut ka nga kei ding hi. 13Khangluite in, ‘A gilote mah gilo,’ a cih bang ahi hi; tua ahi ciangin nang tungah ka khut ka nga kei ding hi. e 14 “Israel kumpipa kua langah pangin hong kuankhia na hi hiam? Kua ahi hiam na delh? Ui sisa khat maw? Uili khat maw? 15Eite thukhenpa TOPA hi henla i kikal thu amah’n khen ta hen. Ka thu hong ngaihsutsak henla, hong lenkip hen; na khut pana hong hutna tawh ka thu khensiang ta hen,” a ci hi. f 16 David in hih teng a gen a man ciangin Saul in, “Ka tapa David, nang aw mah ahi hiam?” ci-in a dong hi. Tuateh nakpi-in a kap hi. 17Amah in, “Kei sangin na thumaan zaw hi. Hoihtakin nong bawl hangin ke’n a sia-in kong bawl hi. 18Kei tungah a hoih nong bawlna tu-in nong gen khin hi; TOPA in na khut sungah kei hong pia napi kei nong that kei hi. 19Mi khat in a galpa a muh ciangin nasak loin khahkhong ahi hiam? Tuni-a kei tungah nong bawlna TOPA in a hoihin hong thuk ta hen. 20Nang kumpi na suah ding ka thei taktak a, Israel kumpi-gam na khutah a kip ding hi. 21Tu-in kei suante beisak loin ka pa’ innkuante panin ka min na phiat loh nadingin TOPA lo inla kei tungah hong kiciam in,” a ci hi. g 22 Tuaci in Saul tungah David a kiciam hi. Tua ciangin Saul innah ciah kik-a, David le a mite ahileh mun muanhuai ah a paito uh hi. h
Copyright information for
ZomZIV