a1Sa 23:19
c1Sa 24:2
d1Sa 17:55
e2Sa 10:10; Thk 7:10-11
f1Sa 31:6; 2Sa 1:14; Tp 31:14
gPc 2:21; 15:12
h1Sa 24:16
i1Sa 24:9, 11-14

1 Samuel 26

David in Saul Nuntakna Hawisak Leuleu

1Gibeah a om Saul kiangah Ziph-te pai uh a, “Jeshimon tawh kimaingat a Hakilah mualtungah David bu hi lo ahi hiam?” a ci uh hi. a

2 Tua ciangin Saul, a kitengkhia Isreal mi tulthum tawh David zong dingin Ziph Sehnel-gam ah a kuansuk uh hi. 3Saul in Jeshimon maingata om Hakilah mualtung lampi gei-ah giahphual sat-a, ahi hangin sehnel gamah David a om hi. Saul in tua lai-ah amah a sulzuih lam a theih ciangin 4thumakante sawlkhia a, Saul a tun khit lam ciantakin ▼
▼26.4 Ahikeh Nacon ah tung khin
 a thei hi. c

5 Tua ciangin David kuankhia-a, Saul giahphual satna munah a pai hi. Amah in Saul le Ner’ tapa galkap mangpa Abner lupna mun a mu hi. Giahphual sungah Saul luma, ama kimkotah galkapte in giahphual a sat uh hi. d

6 Tua ciangin David in Hit-te Ahimelech le Joab’ sanggampa Zeruiah’ tapa Abishai kiangah, “Giahphual sunga Saul omna ah kua in kei hong zui ding na hi uh hiam?” ci-in a dong hi. e

Abishai in, “Ken kong zui ding hi,” a ci hi.

7 Tua ciangin galkapte omna ah zanin David le Abishai pai uh a, tua lai giahbuk sunga a lukhungah teipi phutsa in Saul a ihmu hi. A kimkotah Abner le a galkapte a lum uh hi.

8 Abishai in David kiangah, “Tuni-in Pasian in na galpa na khut sungah hong pia zo hi. Tu-in ka teipi tawh khatvei sutin lei tawh hong suncipsak in; nihvei sut kul kei,” a ci hi.

9 Ahi hangin David in Abishai kiangah, “Amah siasak dah in! TOPA sathau nilhsa tungah khut nga-a midik kua om ahi hiam? 10TOPA nuntakna lo a kong cih inah, TOPA mahmah in amah sat na ding hi; ama hun a tun ciangin amah si dinga, ahikeh gal sungah kuanin a mangthang ding hi. 11TOPA sathau nilhsa tungah ka khut ka ngak ding TOPA in hong kham hi. Tu-in a lukhunga teipi le a tuithawl la-in pai ni,” a ci hi. f

12 Tua ciangin David in Saul lukhunga teipi le tuithawl la-a, a paisan uh hi. Tua banga a hih uh a mu ahi-a, a thei ahi zongin khat beek om lo a; a phawk zong khat beek a om kei uh hi. TOPA in amaute kikhimsak ahi manin a ihsip laitak uh ahi hi. g

13 Tua ciangin David a galkhatah galkah a, amau tawh kigamla simsim mualno tung khatah a ding hi; amaute kikal ah mun zapi khat in a hal hi. 14Amah in galkapte le Ner’ tapa Abner otsan a, “Abner, hong dawng lo ding maw?” a ci hi.

Abner in, “Kumpipa a sam kua ahi hiam?” ci-in a dawng kik hi.

15 David in, “Pasal hi buang lo na hiam? Israel sungah nang bang kua om ahi hiam? Bang hangin na topa kumpipa cing lo na hi hiam? Na topa kumpipa siasak dingin mi khat hong pai hi. 16Na gamtatnasa hoih peuhmah lo hi. TOPA nuntakna lo a kong cih inah TOPA sathau nilhsa na pu cing lo na hi manin nang le na mite thah dingin na hoih uh hi. Na kimkot uh en dih un. Kumpipa lukhunga a teipi le a tuithawl koi-ah om ahi hiam?” a ci hi.

17 Saul in David aw ahilam thei a, “Ka tapa David aw, nang aw ahi hiam?” a ci hi. h

David in, “Kei aw ahi hi, ka topa kumpipa aw,” a ci hi. 18Amah in, “Bang hangin ka topa in a na nasempa delh ahi hiam? Ke’n bang hih a bang khialhna nei ka hi hiam? 19Tu-in ka topa kumpipa in a nasempa thugen na ngai in. TOPA in kei langa pang dingin nang hong kun ahileh biakna hong sang hen. Ahi zongin mihing sep ahileh amaute in TOPA mai-ah hamsiatna thuak uh hen! Tu-in TOPA gouluah ka tanhna panin kei hong hawlkhia uh a, ‘Pai inla pasian dangte na sem in,’ hong ci uh hi. 20Tu-in TOPA omna mun tawh a kigamla leitungah ka sisan taksak kei un. Mi khat in mual lianpi kawmah vakin vaka a bet bangin - Israel kumpipa uili zong dingin hong kuankhia na hi hiam?” ci-in a dawng hi. i

21 Tua ciangin Saul in, “Ka mawh zo hi. Ka tapa David aw hong ciah kik in. Tuni dong ka nuntakna manpha na sakna hangin nang kong nasak nawn kei ding hi. Mihai bangin ka gamta-a, ka khial mahmah hi,” a ci hi.

22 David in, “Hih lai-ah kumpipa teipi a om hi. Na tangvalte khat a la dingin hong paisak in. 23TOPA in mi peuhmah a thumaanna le a muan-huaina tawh kizui-in pahtakman a pia hi. Tuni-in TOPA in ka khut sungah nang hong pia napi TOPA sathau nilhpa tungah ka khut ka nga kei ding hi. 24Tuni-a na nuntakna ka manneihsak bang tektekin TOPA in kei nuntakna man neisak henla lungkhamna khempeuh panin hong hu ta hen,” a ci hi.

25 Tua ciangin Saul in David kiangah, “Ka tapa David aw, thupha hong kipia hen; na lianpi na sem dinga na gualzo taktak ding hi,” a ci hi.

Tua ciangin David a pai nading ah pai a, Saul a innah a ciah hi.
Copyright information for ZomZIV