a1Sa 15:7; 27:8
bPk 17:4; Ph 56:3-4
c1Sa 22:20; 23:2
d1Sa 27:2
eThk 15:19
fJos 14:13; 2Sa 8:18
gMs 31:27; Jos 22:8
hPc 33:11
iJos 13:16; 14:13; Thk 1:17

1 Samuel 30

David in Amalek-te Susia

1David le a mite a nithum ni-in Ziklag ah a tung uh hi. Tua hunin Amalek-te in Negev le Ziklag a sim uh hi. Ziklag sim khin uh a 2halin numei teng le a sunga om teng a moi a hamin a man khin uh hi. Amaute in khat beek that lo uh a, ahi hangin a paina-uah a puakhiamang uh hi. a

3 David le a mite Ziklag a tun uh ciangin mei-in na kihal a, a zite uh le a tanu a tapate uh a kimat lam a mu uh hi. 4Tua ciangin David le a mite a tha bei dongun a kapkhia uh hi. 5David’ zite gel - Jezreel a Ahinoam le Carmel a Nabal meigongnu Abigail zong kiman hi. 6A tanu a tapate uh hangin lungkham lua mahmah ciat uh a, David suanga den dingin gen uh ahi manin David a lung dong mahmah hi. Ahi hangin David pen TOPA a Pasian, sungah a kithakhauhsak hi. b

7 Tua ciangin David in Ahimelech’ tapa siampi Abiathar kiangah, “Siampi puan hong paipih in,” a ci hi. Abiathar in amah pia-a, 8David in TOPA kiangah, “Hih hong luhte ka nungdelh ding hiam? Amaute ka pha ding hiam?” ci-in a dong hi. c

Amah in, “Amaute delh in. Amaute pha-in na hukia zo taktak ding hi,” ci-in a dawng hi.

9 David le a kithuahpih mi zagukte a nunung pawlkhatte omna Besor Guampi tung uh hi, 10tua lai-ah guam galkahna hanga gimlua mi zanih a om hi. Ahi hangin David le mi zali in a delhdelh lai uh hi. d

11 Amaute in lopaang ah Egypt-te khat mu uh a, David kiangah a paipih uh hi. Amaute in dawn ding tui le an pia uh a - 12thei-ho moh le lenggah phekkeu beute a pia uh hi. Amah an ne lo tui dawn loin sun thum le zan thum om khin ahi manin tuate a nek ciangin a tha a tho kik hi. e

13 David in, “Nang kuate hi a, koi pana hong pai na hi hiam?” ci-in a dong hi.

Amah in, “Kei Egypt-te ka hi-a, Amalek-te khat sila ka hi hi. Tu nung nithum lai-in ka ci a nat ciangin ka pu in hong nusia hi. 14Kereth-te a Negev le Judah-te gam teng le Caleb a Negev ka sim uh hi. Tuateh Ziklag ka hal uh hi,” a ci hi. f

15 David in, “Hih galsim pawl kiangah nong makaih thei diam?” ci-in a dong hi.

Amah in, “Kei tungah, nong thah loh nading le ka pu tungah nong piak kik loh nadingin Pasian maiah kiciam peuh lecin amaute omna ah kong puak ding hi,” ci-in a dawng hi.

16 Amah in David makaih suka amaute Philistia-te gam le Judah panin a lak uh van tampitakte hangin ne-in dawnin nuamsa-in khuaneute ah a kikhenthang laitak uh ahi hi. 17David in amaute khuamial kuana kipan a zingciang nitak dong sim a, kala-oh tungah tuangin a tai tangval zali longal khat beek a khahsuah kei uh hi. 18David in Amalek-te laksa a zi nihte a kipan na khempeuh a ngah kik hi. 19A moi a ham, numeino pasalno le a laksa uh van dangte khempeuh a pelhem bangmah a om kei hi. David in na khempeuh a pua kik hi. 20Amah in tuuhonte le bawnghonte hawla a mite in a ganhing dangte mai-ah hawl uh a, “David na lakte,” a ci uh hi.

21 Tua ciangin a gimlua a, amah a zui zolo mi zanihte a nusiatna uh Besor Guampi ah David a tung hi. Amaute in David le ama kuanpihte a dawn uh hi. David le a mite in amau lam a manawh laitakun amah in amaute a hopih hi. 22Ahi hangin David a zuite lakah a gilote le buaina a bawlte khempeuh in, “Amaute ei tawh hong kuan khawm lo uh ahi manin i ngah kik vanlakte ei tawh tangkhawm thei lo ding uh hi. Ahi zongin amau zi ciat le a tate ciat uh a tonpih thei ding uh hi,” a ci uh hi.

23 David in, “Sanggamte aw, TOPA in eite hong piaksa nate tua bangin na hih peuhmah kei ding uh hi. Amah in eite hong hu a, ei hong sima hong kuan galte ei khut sungah hong pia hi. 24Kua in no gen hong ngai ding ahi hiam? Vanngaka omte le galsima kuante a tanh uh a kibang ding hi. A vekin a ngah uh a kikim ding hi,” ci-in a dawng hi. 25David in hih pen tua ni-a kipan tuni dong Israel zuih ngeina kip a suaksak hi. g

26 Ziklag ah David a tun ciangin a lawm Judah upate van mat pawlkhat khak a, “TOPA’ galte pana vanmat no kong khak hi,” a ci hi. h

27 Amah in Bethel Ramoth Negev le Jattir a omte tung; 28Aroer, Siphmoth, Eshtemoa a omte tung 29le Racal a omte tung Jerahmeel-te le Ken-te khuapi-a omte tung; 30Hormah, Bor Ashan, Athach a omte tung 31le Hebron a omte tung; le David le a mite a pai kawikawina muna omte khempeuh tungah a khak hi. i

Copyright information for ZomZIV