1Th 1 | ZomZIV | STEP | Paul, Silas le Timothy in, Pa Pasian le Topa Jesu Christ sunga om Thessalonica Pawlpi tungah: Hehpihna le lemna no tungah om ta hen.

1 Thessalonians 1

1 Paul, Silas ^{▼▼1.1 Greek ah Silvanus, Silas mindang} le Timothy in,

Pa Pasian le Topa Jesu Christ sunga om Thessalonica Pawlpi tungah:

Hehpihna le lemna no ^{▼▼1.1 Khutgelh masa pawlkhat ah eite Pa Pasian le Topa Jesu Christ panin} tungah om ta hen.

Thessalonica-te Muanna hanga Lungdamkohna

2 Kote thungetna sungah na min uh loin note khempeuh hangin lungdam ka ko tawntung uh hi. 3 Kote in, upna in a gahsak na sepna uh itna in a sepsak na nasep gimna uh le i Topa Jesu Christ sunga lametna in a guat na thuak zawhnate uh Pa Pasian mai ah ka na phawk den uh hi. ^c

4 Pasian hong it sanggamte aw, amah in note hong teelsa ahilam ka thei uh hi; 5 bang hang hiam cih leh kote gen lungdamna-thu, a thu bekin hong tung loin vangliatna, Khasiangtho le kitheih telsakna thukpi tawh no tungah hong tung hi. Note adingin no laka ka nuntak zia uh na thei uh hi. 6 Kote le Topa etteh-a gamtate na suak uh a, nakpitakin thuak napi Khasiangtho hong piak lungnopna tawh tua thupuak na sang uh hi. 7 Tua hi-a Macedonia le Achaia a thu-umte khempeuh adingin etteh na suak uh hi. 8 Macedonia le Achaia bek hi lo, note tung panin Topa thupuak kithangkhia ta a, Pasian na upna uh mun khempeuh ah kithei zo hi. Tua ahi manin tua thu kong gen uh a kul nawn kei hi. 9 Ahang in, amaute mah in kote nong sanna zia uh hong zasak sawn uh hi. Milimte na biakna uh pan, a nungta a maan Pasian nasem dingin Pasian lama na kihei zia uh le 10 misi pana a thawhsak pa, hong tung ding thangpaihna pana eite hong suaktasak ding pa a Tapa Jesu vantung pana hong pai ding ngaka na om zia uh amaute in hong ko uh hi.