2Ch 27 | ZomZIV | STEP | Jotham kumpi a suahin kum sawmnih le nga pha a, Jerusalem ah kum sawm le guk sung a uk hi. A nu min Jerusha hi-a Zadok tanu ahi hi.

2 Chronicles 27

Judah Kumpi Jotham

1 Jotham kumpi a suahin kum sawmnih le nga pha a, Jerusalem ah kum sawm le guk sung a uk hi. A nu min Jerusha hi-a Zadok tanu ahi hi. 2 A pa Uzziah sepsa bang tektekin TOPA muhna ah a maanin na sem a, ahi hangin amah tawh kibang loin TOPA biakinnpi ah a lut kei hi. Ahi zongin mite in a gamtatsiate uh a zomlai uh hi. 3 Jotham in TOPA biakinnpi Kongpi Tungnung lampha a, Ophel muala kulh tungah lampi a bawlbeh hi. 4 Amah in Judah mualte ah khuapite lam-a sing phatna lamah kulhte ciangin tausangte a dawh hi. ^a

5 Jotham in Ammon-te kumpipa do-a a zo hi. Tua kumin Ammon-te in ngun talent ^{▼▼27.5 Tua in, seng 62,000 bang hi thei (kilolitre 2,200 bang)} zakhat, mangbuh cors ^{▼▼27.5 Hebrew khutgelh khat, Septuagint le Vulgate (2Ku. 16:7 zong en in); Hebrew khutgelh a tampen ah kumpite} tulsawm le mangbuh-ham cors tulsawm mah amah a pia uh hi. Ammon-te in a kum nihna le a kum thumna zong tua zah mah a pia uh hi. ^d

6 TOPA ama Pasian mai-ah Jotham kiptakin kalsuan ahi manin a vanglian hi. ^e

7 Jotham uk sunga a nasep dangte, a galsimna khempeuh le a sep dangte Israel le Judah kumpite laibu sungah a kigelh hi. 8 Amah kumpi a suahin kum sawmnih le nga pha a, Jerusalem ah kum sawmnih le guk sung a uk hi. 9 Jotham a pate tawh tawlnga khawma David Khuapi ah a kivui hi. Tuateh a tapa Ahaz in a kumpi za luah a kumpi a suak hi. ^f