2Ch 4 | ZomZIV | STEP | Amah in a dung tong sawm nih a vai tong sawm nih, a sanna tong sawm a pha sumngo biakna-tau khat a dawh hi.

2 Chronicles 4

Biakinnpi Vanzatte

1 Amah in a dung tong sawm nih a vai tong sawm nih, a sanna ^{▼▼4.1 Tua in pi 30 bang (meter 9 bang) sau-in zai a, pi 15 bang (meter 4.5 bang) sang hi.} tong sawm a pha sumngo biakna-tau khat a dawh hi. 2 Amah in daal sungin Tuipi bawl a, a bemsak hi; a geivial pan a geivial khat dong tong sawm pha a, tong ^{▼▼4.2 Tua in pi 7 ½ bang (meter 2.3 bang)} nga a sang hi. A gei kimkot tong ^{▼▼4.2 Tua in pi 45 bang (meter 13.5 bang)} sawmthum a pha hi. 3 A geivial nuai-ah bawngtal limte in umcih a - tong ^{▼▼4.3 Tua in, pi 1 ½ (meter 0.5 bang)} khatah sawm ta a om hi. Bawngtalte gualnih in Tuipi tawh a kisung khawm ahi hi. ^e

4 Bawngtal sawm le nih tungah Tuipi kinga-a, thum leilu-lam nga-in, thum nitumna-lam nga-a, thum leitaw-lam nga-in, thum nisuahna-lam a nga hi. Tuate tungah tuipi kinga a, kinungngat dimdiam in a om hi. 5 A sahna zapek ^{▼▼4.5 Tua in letmat 3 bang (centimeter 8 bang)} khat hi a, hai bangin geivial nei a, unok pak tawh kibang hi. Bath ^{▼▼4.5 Tua in gallon 17,500 bang (kilolitre 66 bang)} tulthum a ta hi.

6 Tua ciangin amah in kisil nading kuangpi sawm bawl-a, leilu-lam ah nga koiha, leitaw-lam ah nga a koih hi. Tuate sungah meihal biakna vanzatte kisawp sianga, Tuipi ahileh siampite kisilna-a zat ding ahi hi. ^h

7 Amah in a kigeelsa bangin kham meivak tunna sawm bawl-a, biakinnpi sung leitaw-lam pangah nga koihin, leilu-lam pangah nga a koih hi. ⁱ

8 Amah in sabuai sawm bawl-a, biakinnpi sung leitaw-lam pangah nga koihin leilu-lam pangah nga a koih hi. Amah in tuithehna kham kuang-uk zakhat zong a bawl hi. ^j

9 Amah in siampite inntual le inntual zapi umin inntual kongkhakte bawla, a kongkhakte sumngo a luan hi. 10 Amah in leitaw-lam pang leitaw nisuahna lam kiu ah Tuipi a koih hi. ^k

11 Amah in beelte, vutluahnate le tuithehna kuang-ukte zong a bawl hi.

Tua ciangin Pasian biakinnpi sunga dingin Kumpi Solomon in a bawlsakte Huram in bawl khin ta a: ^l

12 Khuampi nihte;
khuampi dawna a zepna kuang-uk lim nihte;
khuampi dawna a zepna len banga kiphan le kuang-uk lim nihte;
13 len phan banga kiphan kop nihte adingin a kibawl mangkawlsing lim zalite (khuampite ludawn zepna-in len banga kiphan khatah mangkawlsing gah gualnih ta ahi hi);
14 tuikuangpite le a tunnate;
15 Tuipi le a nuai-a a tuna bawngtal sawm le nihte;
16 beelte, vutluahnate, sathukna sikkeukate le vanzat kisam khempeuh ahi hi.

TOPA biakinnpi-a zat ding Kumpi Solomon adinga Huram-Abi in a bawl na khempeuh sumngo nawtngil vive ahi hi. 17 Jordan zanglei-a om Succoth le Zarethan ^{▼▼4.17 Hebrew ahZeredatha; Zerethan tawh kilamdang lo hi.} kikala beellei ah kumpipa in hihte a sungsak hi. 18 Solomon bawl hih nate khempeuh tam lua ahi manin sumngote gihna zah kithei zo lo hi.

19 Solomon in Pasian biakinnpi sunga vanzat khempeuh zong bawl a:

kham biakna-tau;
Ompihna anlum koihna sabuaite;
20 a kigeelsa bangin biakbuk sungnung sunga meivak ding kham meivakte le a tunnate; ⁿ
21 kham kibawl pak le meivakte le taitehte (tuate kham citak ahi hi);
22 tuithehna kuang-ukte, sikkeu liangsaute le biakna veinate; le kham a kibawl biakinnpi kongkhakte: Mun Siangtho Pen paina inn sungnung kongpite le innpi kongkhak-te ahi hi. ^o