2 Kings 17
Israel Kumpi Nunungpen Hoshea
1Judah kumpipa Ahaz a kum sawm le nihna kumin Elah tapa Hoshea Samaria ah Israel kumpi suaka kum kua sung a uk hi. 2Amah TOPA mit ah a sia-in a gamtat hangin ama ma-a Israel kumpite a bang kei hi. 3 Hoshea sim dingin Assyria kumpipa Shalmaneser a kuanto hi; Hoshea pen Shalmaneser inntengpa hi-a amah siah a pia zo hi. 4Ahi hangin Hoshea in Egypt kumpipa So ▼▼17.4 Ahikeh Sais kiangah; So pen Osorkon a tomlakna hi thei ding hi
kiangah palaite sawl khina Assyria kumpipa tungah kum sima a piak siah puak nawn lo-in amah a lehtatna Assyria kumpipa in a phawkkhia hi. Tua ahi ciangin Shalmaneser in amah mana thong sungah a khum hi. 5Assyria kumpipa in gam bupin sima, Samaria do-in pai-a kum thum sung a umcihsak hi. 6Hoshea a kum kuana kumin Assyria kumpipa in Samaria la zo a, Israel-te Assyria ah a nawhkhia hi. Amaute Halah, Habor Gunpi tunga Gozan le Medes khuapite ah a tengsak hi. b Mawhna Hangin Israel Saltaang
7 Bang hangin hih teng piang hiam, cih leh Egypt kumpipa Pharaoh khutnuai Egypt panin amaute a paikhiatpih a Pasian uh TOPA tungah Israel-te a mawh uh hi. Amaute in adang pasiante bia uh a, 8Israel kumpite in a lamlahsa uh gamtatnate zui in TOPA in amaute mai-a a hawlkhiat minamte gamtat bangin a gamta uh hi. 9Israel-te TOPA amau Pasian tungah amaan loin simtat uh hi. Amaute in galvilna bukte a kipan kulh a ki-um khuapite dongin amaute khuapite khempeuh ah amau adingin munsang a lam uh hi. 10Amaute in suang siangthote le Asherah khuamte mualsang khempeuh le sing hiangzau nuai khempeuh ah a phut uh hi. 11TOPA in amaute mai-a a hawlkhiat minamte hih bangin munsang omna peuhpeuh ah gimnamtui a hal uh hi. Amaute in a hoih lo gamtatna tawh TOPA phinin a hehsak uh hi. 12TOPA in, “Hih na na sem peuhmah kei ding uh hi,” ▼▼17.12 Pk 20:4, 5
ci napi amaute in milimte a bia uh hi. 13TOPA in ama kamsangte le thumute khempeuh tungtawnin Israel le Judah vauhilh a: “Na gitlohnate panun kikhel un. Na pate un aman dingin ka piak thukham khempeuh tawh kituakin a man ding uh le ka nasem kamsangte tungtawnin no tungah kong theihsak ka thupiakte le ka thukipte zui un,” a ci hi. d 14 Ahi hangin amaute in thu ngai lo uh a, TOPA amaute Pasian a muang lo a pate uh bangin ngawng khauh uh hi. 15Amaute in a pate uh tawh a bawl ama thukipte, a thukhunte le a vauhilhnate a nial uh hi. Amaute in kimanna nei lo milimte zui uh a, amau mah kimanna nei lo a suak uh hi. TOPA in amaute tungah, “Amaute hih bangin hih kei un,” ci-in thu pia napi amaute in a kim a pam ua om minamte sun uh a, TOPA in amaute sep ding a khamte a sem uh hi. 16 Amaute in TOPA amaute Pasian thupiakte khempeuh taisan khin uh a, amau mahmah in bawngno lim kisung milim nih le Asherah khuam a bawl uh hi. Aksi honpite khempeuh lamah kunin Baal a bia uh hi. 17Amaute in a tanu a tapate uh mei sungah ▼▼17.17 Ahikeh amaute in a tanu a tapate uh a paisuaksak uh hi.
biakna-in a pia uh hi. Amaute in aisan in khongkhai uh a, TOPA mit ah gitlohna sem dingin amau mah kipia tawm uh a, amah phinin a hehsak uh hi. f 18 Tua ciangin Israel tungah TOPA heh mahmah a, ama omna panin a hemkhia hi. Judah beh bek om lai-a, 19Judah nangawn in TOPA amaute Pasian thupiakte a zui kei hi. Amaute in Israel bawlsa gamtatnate a zui zaw uh hi. 20Tua ahi ciangin TOPA in Israel khempeuh nial hi; amaute hingimsakin, ama ompihna pan a hepkhiat dongin amaute a sutgawpte khut sungah a pia hi. 21 Amah in David innkuan panin Israel a balkhiat ciangin amaute in Nebat tapa Jeroboam kumpi in a nei uh hi. Jeorboam in TOPA zuihna panin Israel zolkhia a, a mawhna lianpi a bawlsak hi. 22Jeroboam mawhnate khempeuh Israel-te in zomsuak uh a, tuate a taisan kei uh hi. 23TOPA in a nasem kamsangte khempeuh tawnin a vauhilhsa bangin ama ompihna panin a hepkhiat mateng a tuaci gamtat uh hi. Tua ahi ciangin Israel mite amau gam leitang panin Assyria ah salin kikai-a, amaute tua lai-ah a om lai uh hi. g Samaria ah Kitengkik
24 Assyria kumpipa in Babylon, Cuthah, Avva, Hamath le Sepharvaim-te pan amite Israel-te mun a luah dingin Samaria khuapite ah a puak hi. Amaute in Samaria luah khin uh a, amaute khuapite ah a teng uh hi. 25Amaute tua lai-ah a ten masak lai-un TOPA a bia kei uh hi; tua ciangin amah in amaute lakah humpi sawla tuate in mi pawlkhat a that hi. 26Tua thu Assyria kumpipa tungah kizasak a: “Samaria khuapite sungah na puak a, na tensak mite in tua gama pasian in bang deih hiam cih a thei kei uh hi. Amah in mite lakah humpite sawla, mite in ama kisap thei lo uh ahi manin tuate in amaute that hi,” a ci hi. h 27 Tua ciangin Assyria kumpipa in, “Samaria panin sal-a na kaih uh siampite khat tua lai-ah tengsak kik unla, tua gam a pasian in bang deih hiam cih mite hilhsak un,” ci-in thu a pia hi. 28Tua ciangin Samaria panin sal-a kikai siampite khat pai-in Bethel ah tenga amaute in TOPA a biak ding zia uh a hilh hi. 29 Tua hi napi khuapi tuamtuam a amaute tenna uh ah amau minam ciat in pasiante bawl uh a, Samaria mite in a bawlsa uh munsanga biakbuknote ah a koih uh hi. 30Babylon pana mite in Succoth Benoth bawl uh a, Cuthah pana mite in Nergel bawlin Hamath pana mite in Ashima a bawl uh hi; 31Avvi-te in Nibhaz le Tartak bawl uh a, Sepharvaim-te in Sepharvaim pasiante ahi Adramme-lech le Anammelech biakna-in a tate uh mei-in a hal uh hi. 32Amaute in TOPA bia napi munsang tunga biakbuknote ah siampi nasem dingin amau miciat mi namkim a koih uh hi. 33Amaute in TOPA bia napi amaute a kipuak khiatna minamte ngeina tawh kizui-in amau pasiante ciat na a sem uh hi. i 34 Tuni dongin amaute in a hihsa uh a zomsuak uh hi. Amaute in TOPA lah bia lo, TOPA in Israel min a phuah Jacob suante tunga a piak thukipte, zuih ding ngeinate, thukhamte le thupiakte lah a zui tuan kei uh hi. 35TOPA in Israel tawh thukhun a bawl lai-in amaute tungah: “Adang pasian khatpeuh bia loin a mai-ah kun kei unla, a na sem loin amaute tungah biakna pia kei un. 36Ahi hangin a thahat a vangliatna le a zankhiat a banin Egypt pana hong paikhiatpih TOPA bek na biak pelmawh ding uh ahi hi. Ama tungah na kun ding uh a, ama tungah biakna na pia ding uh hi. 37Amah in note adingin a gelh thukipte, zuih ding ngeinate, thukhamte le thupiakte limtakin na zui tawntung ding uh hi. Adang pasiante bia kei un. 38Note tawh ka bawl thukhun mangngilh kei unla, pasian dangte bia kei un; 39TOPA note Pasian bia un, na galte khempeuh uh khut panin hong hukhia ding pa amah ahi hi,” a ci hi. j 40 Tua hi napi amaute in thu ngai lo uh a, a ma-a a hihsate mah uh zomsuak uh hi. 41Hih mite in TOPA a biak kawmkawmun amau milimte na a sem uh hi. Tuni dongin a tate uh le a tute un a pate uh sep bangin a zomsuak lai uh hi. k
Copyright information for
ZomZIV