2 Kings 23
Josiah in Thukhun Thaksuaksak
1Tua ciangin kumpipa in Judah le Jerusalem upate khempeuh a kikhawmsak hi. 2Amah Judah mite tawh, Jerusalem mite tawh, siampite le kamsangte - aneu pen pan alian pen dong tawh TOPA biakinnpi ah a paito khawm hi. Amah in TOPA biakinnpi sunga kimu Thukhun Laibu sunga thute khempeuh amaute zakin a sim hi. 3Khuampi gei-ah kumpipa dinga, TOPA omin thukhun thaksuaksak a - TOPA le a thupiakte, zuih ding ngeinate le thukipte, a lungsim khempeuh le a hinna khempeuh tawh zuih dingin hih laibu sunga kigelh thukhun-a thute a kipsak hi. Tua ciangin mite khempeuh thukhun ah a kiciam uh hi. a 4 Kumpipa in tulpipa Hilkiah, ama zoma siampite le kongcingte in TOPA biakinnpi sung panin Baal le Asherah le aksi honte khempeuh adingin a kibawl vante khempeuh a hepkhiat nadingun thu a pia hi. Amah in Jerusalem pualam Kidron Kuampi ah tuate haltuma, a vute Bethel ah a la hi. 5Judah kumpite in Judah khuapite le Jerusalem kima om munsangte tungah gimnamtui hal dinga a seh uh milim biate’ siampite - Baal tung, nipi le khapi tung, vuklamte le aksi honpite tunga gimnamtui a halte a beisak hi. 6Amah in TOPA biakinnpi panin Asherah khuam lakhia a, Jerusalem pualam Kidron Kuam ah a haltum hi. Amah in tua pen gawivui a, mi nautangte han tungah a vuite a theh hi. 7Amah in TOPA biakinnpi sunga om biakbuknote a pasal kizuakte’ omna le Asherah adingin a siamgan numeite omna a balkhia hi. 8 Josiah in Judah khuapite panin siampite khempeuh paikhiatpih a, Geba panin Beersheba dong siampite gimnamtui halna munsangte a phiatmang hi. Amah in khuapi kongpi veilam panga om khuapi ukpipa Joshua Kongpi-a lutna-a biakbuknote ▼▼23.8 Ahikeh munsangte
zong a phelmang hi. 9Munsang a sem siampite in Jerusalem a TOPA biakna-tau ah na a sep loh uh hangin amau siampi naseppihte tawh silngo sawh loh anlum a ne khawm uh hi. 10 Amah in Ben Hinnom Kuampi a Topheth a phiatmang hi, tua ahi ciangin kuamah in Molech tungah a tanu ahi-a a tapa ahi zongin mei sunga ▼▼23.10 Ahikeh a tanu ahikeh a tapa a paisuaksak
halna-in a zang thei nawn kei uh hi. 11Amah in, Judah kumpite in nipi tunga a apsa uh TOPA biakinnpi lutna-a sakolte a hemkhia hi. Nathan-Melech min nei ulian khat inndei gei-a inntualah tuate a om hi. Tua ciangin Josiah in nipi tunga ki-apsa sakollengte a haltum hi. d 12 Amah in Ahaz inndei tungnung gei-a innkhum tunga Judah kumpite dawh biaknataute le TOPA biakinnpi tualte gel a Manasseh dawhsa biaknataute a kaipuk hi. Amah in tua lai panin hemkhia a, tennen gawpin a them teng Kidron Kuampi ah a pai hi. 13Kumpipa in, Jerusalem nisuahna lama Siatna Mual leitaw lama om Israel kumpipa Solomon in a bawl munsangte - Ashtoreth adingin a bawl Sidon-te nusian, Chesmosh-te adingin a bawl a kihhuai Moab pasian le Molech-te ▼▼23.13 Hebrew in Milcon
adingin a bawl a kihhuai Amon mite pasiante a phiatmang hi. 14Josiah in suang siangthote satzanin, Asherah khuamte phuktan a, tuate omna munte mihing guh a dimsak hi. f 15 Israel mawhna a bawlsakpa Nebat tapa Jeroboam in a bawl Bethel a biakna-tau le munsangte nangawn a phiatmang hi. Amah in a munsangte mei-in hal a gawivui-in Asherah khuam zong a haltum hi. 16Tua ciangin Josiah khuadak kawikawi a, mualpanga hante a muh ciangin tuate sunga guhte lakhia sak a, hih nate a genkhol Pasian mipa in a TOPA kammal a tangkona tawh kizui-in biakna-tau a ninsak dingin tua tungah a hal hi. 17 Kumpipa in, “Hua lai-a ka muh han suang bang ahi hiam?” ci-in a dong hi. Khuapi mite in, “Judah pana hong pai a, Bethel a biaknatau tungah a tung ding thu na hih bang tekteka a genkhol Pasian mipa han ciamtehna ahi hi,” a ci uh hi. 18 Amah in, “Tua bek hawi un, ama guhte kuamah khoihkhasak kei un,” a ci hi. Tua ciangin amaute in ama guhte le Samaria pana hong pai kamsangte guhte bangmah a cih kei uh hi. g 19 Josiah in Bethel ah, a hih bang tektekin Israel kumpite in Samaria khuapite a, a bawl uh TOPA a hehsakna uh munsang tunga biakbuknote khempeuh phelkhia in a buahsak uh hi. 20Josiah in munsanga biaknataute tungah siampite golum a, tuate tungah mihing guhte a hal hi. Tua ciangin Jerusalem ah a ciah kik hi. 21 Kumpipa in mite khempeuh tungah, “Thukhun laibu sunga kigelh bangin TOPA note Pasian tungah Paisan Pawi bawl un,” ci-in thu a pia hi. 22Thukhente in Israel a makaiha kipan le Israel kumpite le Judah kumpite hun sung khempeuh ah tua bangin Paisan a kibawl ngei kei hi. 23Ahi hangin Kumpi Josiah a kum sawm le giatna kumin Jerusalem ah TOPA tungah hih Paisan pawi a kibawl hi. 24 Tua tham loin Josiah in vankahte sikha kamsangte, innkuan pasiante, milimte, le Judah le Jerusalem sunga kimu a kihhuai dang khempeuh a phiatkhia hi. Siampi Hilkiah in TOPA biakinnpi sunga a muhkhiat laibu a kigelh thukham deihna a tangtun nadingin amah in a hih ahi hi. 25Josiah nung le ama ma ah amah tawh kibangin TOPA lamah kihei a - Moses thukham tawh kituakin a lungsim khempeuh, a hinna khempeuh le a hatna khempeuh tawh na a sem kumpi dang khat beek a om kei hi. h 26 Tua hi napi Manasseh in amah phina a hehsakna khempeuh hangin Judah tungah TOPA lungsona dai nai lo-a, a lungsim a hei tuan nai kei hi. 27Tua ahi ciangin TOPA in, “Ka ompihna pan Israel ka hepkhiat bangin Judah zong ka hemkhia dinga, ka teelsa khuapi Jerusalem le, ‘Tua lai-ah ka Min a om ding hi,’ ka cihna hih biakinnpi ka nolh ding hi,” ▼▼23.27 1Ku. 8:29
a ci hi. 28 Josiah in a uk sunga thupiang dangte le ama sepsate, Judah kumpite khangthu ciamtehna laibu sungah kigelh khin hi lo ahi hiam? 29 Josiah in kumpi a sep laitakin Assyria kumpipa huh dingin Egypt kumpipa Pharaoh Neco Euphrates Gunpi lam ah kuanto hi. Kumpi Josiah amah tawh kituak dingin kuankhia a, ahi hangin Neco in amah maituah in, Megiddo ah a that hi. 30Josiah nasemte in Megiddo pan Jerusalem ah sakolleng in a luang pua-a ama neihsa hanah a vui hi. Tuateh gam mite in Josiah tapa Jehoahaz a pa munah sathau nilh uh a kumpi a suaksak uh hi. j Judah Kumpi Jehoahaz
31 Jehoahaz kumpi a suahin a kum sawmnih le thum pha a, Jerusalem ah kha thum a uk hi. A nu min Hamutal hi-a, Jeremiah tanu hi-in Libnah pan ahi hi. 32Amah in a pate hihsa bang tektekin TOPA mit ah a sia in a gamta hi. 33Amah in Jerusalem a uk theih loh nadingin Pharaoh Neco in Hamath ▼▼23.33 Hebrew; Septuagint (2Kh 36:3 zong en in) Hamath sunga Riblah ah Neco in amah khinkhia a
gam sung Riblah ah amah kolbulh a, Judah tungah ngun talent zakhat ▼▼23.33 Tua in ton 3 ¾ bang (metric ton 3.4 bang)
le kham talent khat ▼▼23.33 Tua in pound 75 bang (kilogram 34 bang)
siah a dong hi. 34Pharaoh Neco in a pa Josiah munah Josiah tapa Eliakim kumpi suaksak a, Eliakim min khelin Jehoiakim a ci hi. Ahi hangin amah in Egypt ah Jehoiahaz paikhiatpih a, tua lai-ah a si hi. 35Jehoiakim in Pharaoh Neco kalh zah ngun le kham a pia hi. Tua banga a piak theih nadingin gam sungah siah donga amau neihzah tawh kituakin mite tung pan ngun le kham a laksak hi. n Judah Kumpi Jehoiakim
36 Jehoiakim kumpi a suahin a kum sawmnih le nga pha a, Jerusalem ah kum sawm le khat sung a uk hi. A nu min Zebidah hi a, Pedaiah tanu hi-in amah Rumah pan ahi hi. 37A pate hihsa bangin TOPA mit ah amah a sia-in gamta hi. o
Copyright information for
ZomZIV