2 Kings 25
1Tua ciangin Zedekiah in a uk a kum kuana, a kha sawmna a ni sawmna ni-in Babylon kumpipa Nebuchadnezzar, Jerusalem sim dingin a galkap buppi tawh a kuan hi. Amah in khuapi pua-ah giahphual sat-a a kimkot tengah umcihna a bawl hi. 2Zedekiah uk a kum sawm le khatna dong khuapi ki-um cip hi. 3A kha lina ▼▼25.3 Jer 52:3 en in
a ni kuana ni-in khuapi sungah kialpi nasia tun lua ahi manin mite nek ding an a om kei hi. 4Tua ciangin khuapi kulh kitovang a, Babylon-te ▼▼25.4 Ahikeh Chaldea-te tg.13, 25 le 26 ah zong
in kulh a umcih uh hangin kumpipa huan gei-a kulhte gel kikal tawnin galkap buppi zanin a taikhia uh hi. Amaute Arabah ▼▼25.4 Ahikeh Jordan kuam
lam manawhin a tai uh hangin, 5Babylon-te ▼▼25.5 Ahikeh Chaldea-te tg.10 le 24 ah zong
in kumpipa nungdelh uh a, Jericho zangleite ah a pha uh hi. A galkapte khempeuh ama kiang pan kikhenkhia in kithehthang uh a, 6amah kiman hi. Amah Libnah a Babylon kumpipa kiangah kipuak a, tua lai-ah ama tungah thu a kikhen hi. 7Amaute in Zedekiah tapate ama muhin a that uh hi. Tua ciangin a mitte khelkhia uh a, sumngo kol bulhin Babylon ah a paipih uh hi. 8 Babylon kumpipa Nebuchadnezzar a kum sawm le kuana, a kha ngana, a ni sagihna ni-in Babylon kumpipa ulian khat ahi amah cingte ukpa Nebuzaradan Jerusalem ah a pai hi. 9Amah in TOPA biakinnpi, kumpi-inn le Jerusalem a inn khempeuh mei-in a hal hi. Inn thupi peuhmah a haltum hi. 10Kumpi cingte ukpa khutnuai-a Babylon galkap buppi in Jerusalem kimkot ah kulhte a phelkhia uh hi. 11A cingte ukpa Nebuzaradan in khuapi sunga a om lai mite, mi omlai peuhmah le Babylon kumpipa tungah tokaisate khempeuh tawh salin a kai khawm hi. 12Ahi hangin a ukpa in lote le lenggui-lote a kho dingin gammi a zawng pente pawlkhat a nusia hi. e 13 Babylon-te in sumngo khuampite, TOPA biakinnpi a om sumngo Tuipi le a kikhin thei a dinnate satkham uh a, a sumngo Babylon ah a pua uh hi. 14Amaute in beelte, vutluahnate, taitehte, kuangte le biakinnpi sunga nasepna-a kizang sumngo vanzat khempeuh a lamang uh hi. 15Kumpi cingte ukpa in biakna veinate le tui thehna kuang-ukte - kham ahikeh ngun-a kibawl khempeuh a lamang hi. 16 TOPA’ biakinnpi adingin Solomon in a bawl khuampite gel, Tuipi le a kikhin thei a dinnate a sumngote a gikna teh zawh ding hi lo hi. 17Khuampite khat teh pi sawmnih le sagih ▼▼25.17 Hebrew in tong sawm le giat (meter 8.1 bang)
sang hi. Khuampi khat, a dawn a sumngo lubawk pi li ▼▼25.17 Hebrew in tong thum (meter 1.3 bang)
le a lang sanga, a kimkot ah sumngo kiphan le sumngo mangkawlsing gahin a kizem hi. Adang khuampi khat tawh zong a kiphanzia kibang hi. 18 A cingte ukpa in siampi makaipa Seraiah le ama zoma siampipa Zephaniah le kongpi cing mi thumte salin a kai hi. 19Tua khuapi sunga a omlaite panin galdo mite a uk ulianpa le kumpipa thudot mi ngate a man hi. Amah in gam mite laka aana-a paltan dongte a uk thuvanpipa le khuapi sunga kimu ama mi sawmgukte zong a man hi. 20A cingte ukpa Nebuzaradan in amaute khempeuh paipih a Riblah a Babylon kumpipa kiangah a puak hi. 21Tua lai Hamath gam sung Riblah ah kumpipa in amaute a thatsak hi. h Tua bangin ama gam pan Judah salin kikai hi. i 22 Nebuchadnezzar in Judah-a a nusiat mite a uk dingin Shaphan tapa, Ahikam tapa Gedaliah a koih hi. 23Galkap mangte le amau mite khempeuh in, Babylon kumpipa in Gedaliah ukpi-a a koih lam a zak uh ciangin Mizpah a Gedaliah kiangah Nethaniah tapa Ishmael, Kareah tapa Johanan, Netophat-te Tanhumeth tapa Seraiah, Maacath-te tapa Jaazaniah le amau mite a pai uh hi. 24Amaute le amau mite a khamuan nadingin Gedaliah a kiciam hi. Amah in, “Babylon uliante kihta kei un. Gam sungah hong lal unla Babylon kumpipa na sem un; no adingin hoih ding hi,” a ci hi. 25 Tua hi napi a kha sagihna sungin kumpi sisan mah ahi, Elishama tapa Nethaniah, tapa Ishmael a mite sawm tawh kuanin Mizpah a om Gedaliah le amah tawh a om khawm Judah mite le Babylon mite zong a suamlum hi. 26Tuateh amaute in Babylon-te kihta uh ahi manin aneu pen pan alian pen dongin galkap uliante tawh Egypt ah a tai uh hi. j Jehoiachin Kikhahkhia
27 Judah kumpipa Jehoiachin sal-a a kikaih zawh a kum sawmthum le sagihna kumin Babylon ah Evil - Merodach ▼▼25.27 Amel-Marduk zong kici
kumpi suak-a a kha sawm le nihna, a ni sawmnih le sagihna ni-in Jehoiachin thong sung panin a khahkhia hi. 28Amah kamnemin hopih a, Babylon ah amah tawh a omkhawm kumpi khempeuh sangin pahtawina tutphah sangzaw ah a tusak hi. 29Tua ciangin Jehoiachin in a thong puante suahkhia-a, tua huna kipan a nuntak laiteng kumpi sabuai-ah an a ne hi. 30Jehoiachin a nuntak laisiah kumpipa in nisimin a zattawm ding manmanin a pia hi. l
Copyright information for
ZomZIV