2Sa 13 | ZomZIV | STEP | Hih hun khit ciangin David’ tapa Amnon in a melhoih Absalom sanggamnu Tamar a ngai hi.

2 Samuel 13

Amnon le Tamar

1 Hih hun khit ciangin David’ tapa Amnon in a melhoih Absalom sanggamnu Tamar a ngai hi.

2 Tamar nungak bit hi-a, ama tungah bang khatpeuh hih ding piang thei lo ahi manin a sanggamnu tungah a lawhsapna hangin Amnon in a cinat lawh hi.

3 Amnon in David sanggampa Shemeah’ tapa Jonadab min nei lawm khat a nei hi. Jonadab mi lungsim khel mahmah khat ahi hi. 4 Amah in Amnon kiangah, “Bang hangin nang kumpipa’ tapa, zingsang khat khit zingsang khat gawng tektek na hi hiam? Hong gen lo ding na hi hiam?” ci-in a dong hi.

Amnon in, “Ka sanggampa Absalom sanggamnu ngai ka hi hi,” a ci hi.

5 Jonadab in, “Lupna ah pai inla a cina kineihin na pa in hong veh ciangin, ‘Ka sanggamnu Tamar hong pai-in nek ding khatpeuh hong pia hen. A sep mahmah mu in a khuttung ka nek theih nadingin an hong huansak hen,’ ci in,” a ci hi.

6 Tua ciangin Amnon luma cina a kineih hi. Kumpipa in amah a veh ciangin Amnon in, “Ka sanggamnu khuttunga ka nek theih nadingin ka sanggamnu hong pai-in ka muhin anlum a tuam mahmah in hong bawlsak hen,” a ci hi.

7 David in kumpi inn sunga Tamar kiangah thu zasak a, “Na sanggampa Amnon innah pai inla an pawlkhat huansak in,” a ci hi. 8 Tua ciangin a sanggampa Amnon inn ah Tamar pai-a, amah a na lum hi. Tuanu in annel lom la-in, meka ama muhin anlum bawlin a em hi. 9 Tua ciangin a sikbelpei la-in anlum a lui hangin a ne nuam kei hi.

“Amnon in, “Hih lai-a om khempeuh pusuaksak in,” a ci hi. Tua ciangin mi khempeuh a pusuak uh hi. 10 Tua ciangin Amnon in Tamar kiangah, “Na khut tungpan ka nek theih nadingin ka lupna inndei sungah an hong puak in,” a ci hi. Tuateh Tamar in a bawlsa anlum, a sanggampa Amnon lupna inndei sungah a puak hi. 11 Ahi hangin a nek dingin inndei sungah a paipih ciangin mancip-a, “Ka sanggamnu aw, hong pai-in hong luppih in,” a ci hi. ^a

12 Tuanu in, “Hong tuacih ke’n, hong thatang kaih kei in. Israel sungah tua bangin kigamta lo ding hi! Hih bangin gitloh gamtat kei in. 13 Kei bang suak ding ka hi hiam? Ka maizumna koi-ah sel ding ka hi hiam? Nang a bangci thu na hiam? Israel migilo a haikhat na bang ding hi. Nong hehpihna-in kumpipa kiangah gen in, nong tenpih ding hong kham lo ding hi,” a ci hi. 14 Ahi hangin a thu ngai lo a tuanu sangin amah hatzaw ahi manin a buangawp hi. ^b

15 Tua khit ciangin Amnon in thakhatin amah a mudah mahmah hi. A taktakin a itnasa sangin a mudah zaw hi. Amnon in tuanu kiangah, “Tho inla paikhia in!” a ci hi.

16 Tuanu in, “Hi kei! Kei nong sawlkhiatna, tu-a kei tungah na bawlsa khialhna sangin a lianzaw hi,” a ci hi.

Ahi hangin amah in tuanu thu a ngai nuam kei hi. 17 Ama nasem neih tuampa sam-a, “Hih numei hih mun pan nawhkhia unla a nungah kong kalh un,” a ci hi. 18 Tua ciangin a nasempa in koihkhia-a a nungah kong a kalh hi. Tuanu in puantualpi a manpha mahmah a kizem ^{▼▼13.18 Hebrew ah hih gual tang teng kician lo hi; tg.19 ah zong} a silh hi, ahang in kumpipa tanute nungak bit lai peuhmah in tua bang puan nam a silh ahi hi. 19 Tamar in a lutungah vut khu a, a silh lai a kizem puantualpi ^{▼▼13.19 Hebrew ah hih kammal kician lo} a balkek hi. A lutungah a khut khu a nakpipi-in kap kawmin a paikhia hi.

20 A sanggampa Absalom in tuanu kiangah, “Tua na sanggampa Amnon nang tawh om ahi hiam? Ka sanggamnu aw, dai in; amah na sanggampa ahi hi. Lungsim in zong nei se dah lel in,” a ci hi. Tuateh amah a sanggampa Absalom innah ciah a numei khatguak lungsipi in a om hi.

21 Hih thu teng kumpipa David in a zak ciangin a heh mahmah hi. 22 A sanggamnu Tamar Amnon in maimawlsak ahi manin Absalom in amah mudaha, asia apha kam khat beek a genpih kei hi. ^e

Absalom in Amnon That

23 Kum nih khit ciangin Ephraim gamgi kianga Baal Hazor ah Absalom’ tuumul mette om uh a amah in kumpipa’ tapa khempeuh tua lai-ah a pai dingun a sam hi. 24 Kumpipa kiangah Absalom pai-a, “Na nasempa in gan-mulmette ka khawm khin hi. Nong hehpihna-in kumpipa le a uliante nong kihel zo ding uh hiam?” a ci hi.

25 Kumpipa in, “Hi lo hi, ka tapa aw, ka vekun kong pai kei ding uh hi; nang adingin vangik lel hi,” ci-in a dawng hi. Absalom in a kut hangin nial teitei a, ahi hangin thupha a pia hi.

26 Tua ciangin Absalom in, “Nong pai kei ding leh nong hehpihna in ka sanggampa Amnon ko tawh hong paisak in,” a ci hi.

Kumpipa in, “Bang hangin no tawh hong pai ding hiam?” ci-in a dong hi. 27 Ahi hangin Absalom in kun tentan a, tua ciangin a om lai kumpipa’ tapate le Amnon a paisak hi.

28 Absalom in a mite kiangah, “Ngai un! Amnon in zu a kham mahmah ciangin, ‘Amnon satlum un,’ kong cih ciangin that un. Lau kei un. Thu hong pia khin hi lo ka hi hiam? Kihatsakin kihangsak un,” ci-in thu a pia hi. 29 Tua ciangin Absalom mite in Absalom thupiak bangin Amnon tungah a hih uh hi. Tua ciangin kumpipa’ tapate khempeuh diangkhia uh a, laasakol ah tuangin a tai uh hi. ^f

30 Amaute lamkalah a om laitakun David tungah thu kizasak a; “Absalom in kumpipa’ tapate khat zong sit loin satlum khin hi,” a kici hi. 31 Kumpipa dingto-in a puansilhte balkeka, leitual ah a lum hi; a nasemte khempeuh puan balkeksa in a kiangah a ding uh hi.

32 Ahi hangin David sanggampa Shimeah’ tapa Jonadab in, “Ka topa in kumpipa tapa khempeuh kithat khin dingin ngaihsun kei in; Amnon bek si hi. Hih in Amnon in a sanggamnu Tamar a buansaka kipan Absalom in a sawm den ahi hi. 33 Kumpipa’ tapa khempeuh si khin a hong kiko pen thusim kei in. Amnon bek si hi,” a ci hi.

34 Tua hun laitakin Absalom a taimang hi.

Tua laitakin galvilpa a khuadak toh leh ama omna pan nitumna-lam mualpang panin mitampi paisuk a mu hi. Tua galvilpa pai-in kumpipa kiangah, “Haronaim lam mualpang ah mi ka mu hi,” ^{▼▼13.34 Septuagint; Hebrew in hih laigual nei lo hi.} a ci hi.

35 Jonadab in kumpipa kiangah, “En in, kumpipa’ tapate hiah om hi; na nasempa gen bang tektek ahi hi,” a ci hi.

36 A gen khit phetin nakpitaka kap kawmin kumpipa’ tapate a lut uh hi. Kumpipa zong kap-a a nasemte khempeuh kah cihtakin a kap uh hi.

37 Absalom tai a, Geshur kumpipa Ammihud’ tapa Talmai kiang a tung hi. Ahi hangin Kumpipa David a tapa hangin nisimin a thum hi. ^h

38 Absalom a tai khit ciangin Geshur ah pai-a, tua lai-ah kum thum a om hi. 39 Amnon sihna hangin kumpipa ^{▼▼13.39 Si Tuipi Laizial le Septuagint khutgelh pawlkhatte; Masoretic Bupi ah Ahi hangin kumpi David kha} ngaihngil ta-a a lungsimin Absalom kiangah a hawh nuam hi. ^j