2 Samuel 14
Jerusalem ah Absalom Ciah
1Kumpipa in Absalom a ngaih lam Zeruiah’ tapa Joab in a thei hi. 2Tua ciangin Joab in Tekoa ah mi khat sawlin tua lai panin numei pil khat a kipuaksak hi. Amah in tuanu kiangah, ‘A thumthum va kineih in. Thumna puansilhte silh inla kipuahna sathau khatpeuh zang kei in. Ni tampi sung misi khat hanga a dah numei bangin va gamta in. 3Tua ciangin kumpipa kiangah pai-in hih kammalte zangin vahopih in,” a ci hi. Tuateh Joab in tuanu tungah a thugen ding teng a muam hi. 4 Kumpipa kiangah Tekoa pana numei pai ▼▼14.4 Hebrew khutgelh tampi; Septuagint Vulgate le Syriac; Hebrew khutgelh ah pau a
-in, a zahtakna-in lei lamah khuppuk suka, “Kumpipa aw, kei hong huh in!” a ci hi. 5 Kumpipa in, “Bang in hong lungkhamsak hiam?” ci-in a dong hi. Tuanu in, “Ka pasal si khin a; meigong ka hi ta hi. 6Keimah na nasemnu in tapa nih ka nei hi. Amaute lopaang ah kilai uh a, a phelh ding kuamah a om kei hi. Khat in a khat satin a si hi. 7Tua hi-a ka bawng’ buppi uh na nasemnu langah a ding uh hi; amaute in, “Ama thah a sanggampa tangin amah ka thah theih nadingun, a sanggampa a sattuk pen hong ap in; tua ciangin a gamh luah ding ka beisak vet ding uh hi,’ ci uh hi. Ka mei-am om lai sunsun mitsak ding uh a, ka pasal min le ama suante leimaitang panin phiatmang ding uh hi,” a ci hi. 8 Kumpipa in numei kiangah, “Nang thu tawh kisai thu ka pia ding hi, innah ciah in,” a ci hi. b 9 Ahi hangin Tekoa pana numei in, “Ka topa kumpipa aw, kei tung le ka pa innkuanpih tungah mawhsak-na tu henla kumpipa le a tokhom kimawhsak kei hen,” a ci hi. 10 Kumpipa in, “Mi khatpeuh in nang tungah bang khatpeuh a gen leh kei kiangah hong paipih in, amah in nang hong buaisak kik nawn kei ding hi,” ci-in a dawng hi. 11 Tuanu in, “Ka tapa a siatsak nawn loh nading le sisan phulapa kisiatsak behna panin a dalsak dingin kumpipa in ama Pasian TOPA min lo-in tomlo hen,” a ci hi. c Amah in, “TOPA’ nuntakna ka lo hi, na tapa samzang khat beek leitungah a kia kei ding hi,” a ci hi. 12 Tua ciangin numei in, “Ka topa kumpipa tungah na nasemnu kam khat hong gensak lai in,” a ci hi. “Gen in,” ci-in a dawng hi. 13 Numei in, “Tua ahileh bang hangin Pasian mite tungah tua tawh a kibang na hih sawm na hi hiam? Kumpipa in hih banga a cih ciangin amah le amah kimawhpaih ahi hi, ahang in, kumpipa in a hawlkhiatsa tapa sam kik ta ahi hiam? 14Eite i si pelmawh dinga tui buasa a kiluah theih nawn loh tawh a kibang ding hi. Ahi hangin Pasian in nuntakna a lakhiamang kei ding hi; tua sangsikin a kihawlkhia mipa amah panin a midang suak loh nadingin lampi a gelsak hi. 15 “Tua hi-a tu-in hih thu gen dingin ka to kumpipa kiangah kong paina mite ka kihtak hang ahi hi. Na nasemnu in, ‘Kumpipa ka hopih dinga, a nasemnu ngetna a pia kha ding hi. 16Pasian in kote hong piaksa gouluahna panin kei le ka tapa, khenkhiat hong sawm mite panin kumpipa in a nasemnu hong hut ding a thukim kha thei ding hi,’ ci hi. 17 “Tua hi-a tu-in na nasemnu in, ‘Ka topa kumpipa pen asia le apha a khentel thei Pasian van sawltak tawh kibang ahi manin ka topa kumpipa kammal in kei hong tawldamsak ding hi. TOPA nangma Pasian in hong ompih ta hen,’ kong ci hi,” a ci hi. d 18 Tua ciangin kumpipa in numei kiangah, “Tu-a nang kong dot ding a dawnna hong im kei in,” a ci hi. Numei in, “Ka topa kumpipa in hong gen in,” a ci hi. 19 Kumpipa in, “Hihte khempeuh Joab khut suak ahi na?” ci-in a dong hi. Numei in, “Ka topa kumpipa, nang nuntakna ka lo hi, ka topa kumpipa aw, ka topa kumpipa gente panin kuamah in veilam ahi-a taklam ahi zongin a pialsak thei kei hi. Himah hi, hih banga hih dingin lam hong lak na nasempa Joab hi a, na nasemnu gen khempeuh amah in na nasemnu hong muap ahi hi. 20Tu laitaka omzia khel nadingin na nasempa Joab in a hih ahi hi. Ka topa in leitunga a piang khempeuh a thei - Pasian van sawltak khat bangin pilna na nei hi,” ci-in a dawng hi. e 21 Kumpipa in Joab kiangah, “Hoih mahmah hi, ka sem ding hi. Pai inla tangvalpa Absalom va sam kik in,” a ci hi. 22 Amah a zahtakna lakin Joab khup bawh suka, kumpipa thupha a pia hi. Joab in, “Kumpipa in ama nasempa ngetna pia na hi manin na nasempa in na mai-ah maipha ngah ahi lamtak tuni-in a thei hi, ka topa kumpipa aw,” a ci hi. 23 Tua ciangin Geshur ah Joab pai a, Jerusalem ah Absalom a ciahpih kik hi. 24Ahi hangin kumpipa in, “Ama inn ah a pai kul ding hi; ka maitang a mu peuhmah kei ding hi,” a ci hi. Tua ciangin Absalom ama innah pai-a kumpipa maitang a mu kei hi. 25 Israel khempeuh sungah Absalom zah a pasal mel hoih a kiphat mi khat beek a om kei hi. A luzanga kipan a khenuai dongin genbanna a om kei hi. 26Amah in a lu-a sam gik lua a sak hunhun in met a - a sam a met simin tehin - kumpi tehna in shekel ▼▼14.26 Tua in 5 pound bang (kilogram 2.3 bang)
zanih a gik hi. g 27 Absalom in tapa thum le tanu khat a nei hi. A tanu min Tamar hi a, numei melhoih khat ahi hi. h 28 Kumpipa maitang mu loin Jerusalem ah Absalom kum nih a teng hi. 29Tua ciangin kumpipa kiangah paisak nuamin Absalom in Joab a vaikhak hangin Joab ama kiangah a pai nuam kei hi. Tua ciangin a nihveina vaikhak a, amah a pai nuam tuan kei hi. 30Tua ciangin amah in a nasemte kiangah, “En un, kei lo le Joab lo a kigizawng hi a, tua lai-ah mangbuh-ham a nei hi. Pai unla mei-in halsak un,” a ci hi. Tua ciangin Absalom nasemte in a lo a halsak uh hi. 31 Tua ciangin Absalom inn ah Joab pai a, ama kiangah, “Bang hangin na nasemte in ka lo hong halsak uh ahi hiam?” a ci hi. i 32 Absalom in Joab kiangah, “En in, nang kong thukhak a, ‘Kumpipa kiangah hong sawlin, “Bang hangin Geshur panin hong ciah ka hi hiam? Tua lai-ah om lai leng kei adingin a hoihzaw ding hi!” ci-a nong dotsak ding ka deih hi. Tua hi-a tu-in kumpipa maitang ka mu nuam hi, na khatpeuh a khial ka hileh amah hong thatsak in,’ ci-in kong dongsak nuam hi,” a ci hi. j 33 Kumpipa kiangah Joab pai-a a va gen hi. Tua ciangin kumpipa in Absalom samsak a, amah a sungah tumin kumpipa mai-ah leilam nga-in a kunsuk hi. Tuateh kumpipa in Absalom a nam hi. k
Copyright information for
ZomZIV