2 Samuel 15
Absalom Sawmsimna
1Hih hun khit ciangin Absalom in a mai-a tai ding sakolleng khat le sakolte le mi sawmnga a kithawisak hi. 2Amah thobaih a khuapi kongpi zuatna lampi gei-ah a ding hi. Kumpipa mai-ah thukhensak ding lungkimlohna a nei mi pai khatpeuh a om ciangin Absalom in sama, “Nang koi khua pan na hiam?” ci a, amah in, “Na nasempa Israel beh khat pan ka hi hi,” ci-in a dawng hi. 3En in, na thuneih dikin kician sinsen hi, ahi hangin na thu hong sit dingin kumpipa in mi a koih kei hi,” a ci hi. 4Tuateh Absalom in, “Gam sungah kei thukhenin hong kiseh le maw! Lungkimlohna a nei ahikeh thu nei peuhmah hong pai dinga thutangin a thu ka khensak ding hi,” a cih beh hi. a 5 Mi khatpeuh in ama lam manawh in a mai-ah a kunsuk leh Absalom in a khutin zama, amah lenin a nam hi. 6Absalom in kumpipa tunga thutang dong dinga pai Israel-te khempeuh tungah hici bangin bawla, hih bangin Israel mite lungsim a gukhia hi. b 7 Kum li ▼▼15.7 Septuagint khutgelh pawlkhat, Syriac le Josephus; Hebrew ah sawmli
a cin ciangin Absalom in kumpipa kiangah, “Hebron ah hong paisak inla, TOPA tunga ka kiciamna hong tangtunsak in. 8Aram a Geshur ah na nasempa ka ten lai-in: “TOPA in kei Jerusalem ah hong puak kik leh Hebron ▼▼15.8 Septuagint khutgelh; Hebrew in Hebron ah cih nei lo
ah TOPA ka bia ding hi,” ci-in ka kiciam hi.” a ci hi. e 9 Kumpipa in, “Lungnuamin pai in,” ci hi. Tua ciangin Hebron ah a pai hi. 10 Tua ciangin Absalom in Israel behte sung khempeuh ah kamtai sawlsim a, “Pengkul ging na zak phetun, ‘Hebron ah Absalom kumpi ahi hi,’ ci un,” a cisak hi. 11Jerusalem panin Absalom in mi zanih a tonpih hi. Amaute mawhpeng hi-in lengla bang lel-a kisam hi a, bangmah thu a thei kei uh hi. 12Absalom in biakna a piak laitakin David thu kuppihpa Gilon-te Ahithophel zong ama gam khuapi Giloh pan a pai nadingin a vaikhak hi. Tua bangin sawmsimna thahatin Absalom nungzui a khang semsem hi. f David Galtai
13 David kiangah kamtai khat pai a, “Israel mite lungsim Absalom in zo khin hi,” ci-in a gen hi. 14 Tua ciangin David in Jerusalem a, a ompih a ulian khempeuh tungah, “Hong pai un! I tai kei leh Absalom in eite khat beek hong suaktasak lo ding hi. Thakhatin i nusiat pak kei leh manlangin hong kuan dinga eite hong zoin hong siasak ding uh a, namsau-in khuapi a vat ding uh hi,” a ci hi. g 15 Kumpipa’ uliante in, “Ka topa uh kumpipa in a tel peuhpeuh a sem dingin na nasemte kithawisa-in ka om uh hi,” ci-in a dawng uh hi. 16 Kumpipa paikhia-a, a innkuanpih khempeuh in amah a zui uh hi; ahi hangin amah in a kumpi inn kem dingin a zinote sawm a nusia hi. 17Tuaci-in kumpipa paikhia-in, a mite khempeuh in zui uh a, a gamla simsim mun khatah a khawl uh hi. 18A mite khempeuh in amah makhelh uh a, Kereth-te khempeuh, Peleth-te khempeuh le Gath pana a tonpih mi zagukte a vekun kumpipa mai-ah a pai uh hi. h 19 Kumpipa in Gath mi Ittai kiangah, “Bang dia ko hong zui na hi hiam? Ciah kik inla Kumpi Absalom tawh om in. Nang gamdang mi na hi a, na gam pana hong kihawlkhia ahi hi. 20Zana hong tung pan bek na hi hi. Tua hi a, ka pai nading mun ka theih lohna ah tuni in nang hong kawivakpih ding ka hi hiam? Ciah kik inla na khuapih mite tonpih in. Migitna le muanhuaina no tawh om ta hen,” a ci hi. 21 Ahi hangin Ittai in kumpipa kiangah, “TOPA nuntakna le ka topa kumpipa nuntakna lo in ka gen hi, sih nading ahi-a hin nading ahi zongin ka topa kumpipa omna peuhpeuh ah na nasempa ka om ding hi,” ci-in a dawng hi. i 22 David in Ittai kiangah, “Pai ou leh,” a ci hi. Tua ciangin Gath mi Ittai a mite khempeuh le ama tonpih a innkuanpihte in a zuisuak uh hi. 23 Tua mite khempeuh nawkna khuaneu-a mite khempeuh a kapkhia uh hi. Kumpipa in zong Kidron Kuam kantana mite khempeuh in sehnel-gam lam a manawh uh hi. j 24 Zadok zong tua lai-ah kihel a, ama ompih Levi-te khempeuh in Pasian thukhun singkuangpi a pua uh hi. Amaute in Pasian singkuangpi nga uh a, mite khempeuh khuapi pan a pusuah khit matengun Abiathar in biakna ▼▼15.24 Ahikeh Abiathar paito
a pia hi. l 25 Tua ciangin kumpipa in Zadok kiangah, “Pasian singkuangpi khuapi sungah puak kik un. TOPA maipha ka muh leh kei hong puak kik dinga, tuateh a tenna mun hong musak kik ding hi. 26Ahi hangin amah in, ‘Nang tungah ka lungkim kei hi,’ a cih leh kei a kigingsa ka hi hi; kei tungah hoih a sak bangbang hong hih ta hen,” a ci hi. m 27 Kumpipa in siampi Zadok kiangah zong, “Thumukhol khat hi lo na hi hiam? Na tapa Ahimaaz le Abiathar’ tapa Jonathan tawh lungnuamtakin khuapi ah ciah kik un. Nang le Abiathar in na tapate gel uh tonpih un. 28Sehnel-gam sunga ngahmun ah no hong zaksakna ka zak mateng ka na ngak ding hi,” a ci hi. 29Tua ciangin Zadok le Abiathar in Jerusalem ah Pasian singkuangpi pua kik uh a tua lai-ah a om uh hi. n 30 David ahileh Olive Vum ah paito lai-a, a pai kawmin a kap hi; a lu khuha a khe guakin a pai hi. Ama tonpihte khempeuh in zong a lu uh khuh uh a, a paitoh kawmun a kap uh hi. 31Tua hunin David kiangah, “A lehdo mite lakah Absalom tawh Ahithophel kipawl hi,” ci-in a kigen hi. Tua ciangin David in thu ngen a, “TOPA aw, Ahithophel kuppihnate haina suaksak in,” a ci hi. 32 Mite in Pasian biakna muna a zat uh mualdawn ah David a tun ciangin amah tawh kimu dingin Ark mi Hushai na om-a a puantual kibalkekin a lutungah leivui a khu hi. 33David in ama kiangah, “Kei nong zuih leh nong gimsak ding hi. 34Ahi hangin khuapi ah kileh kik inla Absalom kiangah, ‘Kumpipa aw, na nasem kong suak ding hi; a beisa hunin na pa’ nasem ka hi hi; tu-in nang nasem kong suak ding hi,’ va ci lecin Ahithophel ngaih-sutpihna lawhsamsakin kei nong huh thei ding hi. 35Siampite Zadok le Abiathar tua lai-ah nang tawh om ding hi lo ahi hiam? Kumpi inn sunga na zak khempeuh amau ko in. 36Amau tapa nihte, Zadok’ tapa Ahimaaz le Abiathar’ tapa Jonathan-te amau tawh tua lai-ah a omkhawm uh hi. Zak khatpeuh na neih uh ciangin kei kiangah hong sawl un,” a ci hi. o 37 Tua ciangin khuapi ah Absalom a lut laitakin Jerusalem ah David lawmpa Hushai a tung hi. p
Copyright information for
ZomZIV