2Sa 23 | ZomZIV | STEP | Hihte in David kam nunungte ahi hi: “Jesse’ tapa David thusuak, Sangpenpa tawisang mipa thusuak, Jacob’ Pasian sathau nilhpa, Israel’ lasapa’ late :

2 Samuel 23

David Kam Nunungte

1 Hihte in David kam nunungte ahi hi:

“Jesse’ tapa David thusuak,
Sangpenpa tawisang mipa thusuak,
Jacob’ Pasian sathau nilhpa, ^a
Israel’ lasapa’ late ^{▼▼23.1 Ahikeh Israel’ it lasapa}:
2 “TOPA’ Kha kei tungtawnin pau a; ^c
a kammalte ka leii ah a om hi.
3 Israel’ Pasian pau a,
Israel’ Suangpi in kei tungah: ^d
‘Mi khat in mite tungah thumaanna tawh a uk ciangin, ^e
amah in Pasian kihtakna tawh a uk ciangin ^f
4 amah meii kai loh ni zingsang,
zing nisuaktung khuavak tawh kibangin, ^g
guah zuk khit cianga leipan lopa
a selkhiasak tawh kibang hi.
5 “Ka innkuan Pasian tawh kizopna man hi lo ahi hiam?
Amah in kei tawh tawntung thukhun bawl khin a,
a khen kimin kipsak hi lo ahi hiam?
Ka hotkhiatna gahsuah loin
ka deih khempeuh hong pia loin om ding hiam?
6 Ahi hangin migilote ahileh
khutin kikhawm lo a kihemkhia lingte tawh kibang hi.
7 Lingkung a lawng peuhmah in
sik nazat khat ahikeh teipi tonglam zang uh hi;
amaute a omna ah kihaltum hi,”

David Mithahatte

8 Hihte in David mi thahatte ahi hi: ^h

Tahkemon-te ^{▼▼23.8 Hacmon-te tawh kilamdang lo kha ding (1Kh.11:11 zong en in)} Josheb-Basshebeth ^{▼▼23.8 Hebrew; Septuagint pawlkhatte ngaihsutna ah Ish-Bosheth tua in Esh-Baal (1Kh 11:11 Jashobeam).} Thumte a ukpa; amah in mi zagiatte langah a teipi liika kido khatin a that ^{▼▼23.8 Septuagint khutgelh pawlkhat (1Kh. 11:11 zong en in) Hebrew le Septuagint khutgelh dangte ah Three; tua in Adino Ezni-te mi zagiat a thatpa} khin hi. ^l

9 Ama zom Ahoh-te Dodai’ tapa Eleazar ahi hi. Amah mi thahat thumte lakah khat hi a; Pas Dammim ^{▼▼23.9 1Kh 11:13 en in; Hebrew in tua lai-ah kikhawm uh hi.} ah Philistia-te galsim dinga kikhawm amaute in to uh a amah David tawh a omkhawm hi. Tua ciangin Israel nungkik uh a, 10 ahi hangin amah a dinna munah dingkipin a khut a kham dong le namsau le a khut a kimatcip dongin Philistia-te a satpa ahi hi. Tua ni-in TOPA in gualzawhna lianpi a tungsak hi. Eleazar kiangah galkap honte a kileh kik uh hangin misite van khawm ding bek ahi hi.

11 Ama zomah Harar-te Agee’ tapa Shammah ahi hi. Zawngbe a dimna lopaang khatah Philistia-te a kikaihkhawpna panin Israel galkapte a taikek uh hi. 12 Ahi hangin lo laizang takah Shammah a pang hi. Amah in nang tentan a Philistia-te sattukin TOPA in gualzawhna lianpi a pia hi.

13 Anlak hunin, ukpi sawmthum lak pan thumte Adullam suang-hawma David kiangah paisuk uh a, tua hun laitakin Philistia-te hon khat in Rephaim Kuam ah giahphual a sat uh hi. 14 Tua hunin kulh sungah David oma, Philistia khuacingte Bethlehem ah a om uh hi. 15 David in tui duh a, “Bethlehem kongpi gei-a tuikhuk a tui mi khat in hong suah leh ut si’ng maw!” a ci hi. 16 Tua ciangin mi thahat thumte in Philistia-te galpanna phuletin Bethlehem kongpi gei-a tuikhuk ah tui va tawi uh a David a puak uh hi. Ahi hangin amah’n a dawn nuam kei hi; a dawn tangin TOPA mai-ah a sung hi. 17 Amah in, “TOPA aw, hih tui ka dawn peuhmah kei ding hi, a nuntakna khama paite sisan hi mawk lo hiam?” a ci hi. Tua hi a David in a dawn kei ding hi. ⁿ

Mi thahat thumte hatzia a hici ahi hi.

18 Zeruiah’ tapa Joab sanggampa Abishai, thumte ^{▼▼23.18 Hebrew khutgelh khempeuh (1Kh. 11:20 zong en in): Hebrew khutgelh nih le Syriac Sawmthum} ukpa ahi hi. Amah in mi zathumte a teipi-in do a zo ahi manin mi Thumte zahin a minthang hi. 19 Mi Thumte sangin kipahtawi zaw hi lo hiam? Amaute lakah a kihelkhak loh hangin amaute ukpa a suak hi. ^p

20 Kabzeel pana Jehoiada’ tapa Benaiah galdo siam mahmah a, a tuampianpipi a sem hi. Amah in Moab-te’ mi hoihpente nih a that hi. Vukkiat ni khatin zong leihawm khatah paisuk a humpinelkai khat a that hi. 21 Egypt-te mi thalian mahmah khat a that hi. Egypt-pa in teipi tawi napi Benaiah in khetbuk khat tawi-in a kuan hi. Egypt-pa khut pan a teipi bawhkhiatsaka ama teipi mahin a lehthah hi. 22 Jehoiada’ tapa Benaiah thahatna hici bang hi-a, amah zong mi thahat thumte zah mahin a minthang hi. 23 Amah sawmthumte khatpeuh sangin kipahtawi zaw napi Thumte lakah a kihel kei hi. Tua hi-a David in amah cingte ukpa in a koih hi. ^q

24 Sawmthum laka kihelte:
Joab sanggampa Asahel Bethlehem pan
Dodo’ tapa Elhanan,
25 Harod-te Shammah,
Harod-te Elika,
26 Palti-te Helez, ^r
Tekoa pan Ikkesh’ tapa Ira,
27 Anathoth pan Abiezer,
Hushah-te Mebunnai ^{▼▼23.27 Hebrew; Septuagint khutgelh pawlkhat (1Kh. 11:29 zong en in) Sibbecai},
28 Ahoh-te Zalmon,
Nethophath-te Maharai,
29 Nethophath-te Baanahi’ tapa Heled ^{▼▼23.29 Hebrew khutgelh pawlkhat le Vulgate (1Kh. 11:30 zong en in) Hebrew khutgelh khempeuh ah Heleb},
Benjamin a Gilead pan Ribai’ tapa Ithai,
30 Pirathon-te Benaiah,
Gaash kuampite pan Hiddai ^{▼▼23.30 Hebrew; Septuagint khutgelh pawlkhat (1Kh 11:32 zong en in) Huri
,}, ^v
31 Arbath-te Abi-Alban,
Barhum-te Azmaveth,
32 Shaalbon-te Eliahba,
Jashen’ tapate, Harar-te
33 Shammah’ tapa ^{▼▼23.33 Septuagint khutgelh pawlkhat (1Kh. 11:34 zong en in) Hebrew in a tapa cih nei lo} Jonathan,
Harar-te Sharar’ tapa ^{▼▼23.33 Hebrew; Septuagint khutgelh pawlkhat (1Kh. 11:35 zong en in) Sacar} Ahiam,
34 Maacath-te Ahasbai’ tapa Eliphelet, ^y
Gilon-te Ahithophel’ tapa Eliam, ^z
35 Carmel-te Hezro,
Arb-te Paarai,
36 Zobah pana Hagri ^{▼▼23.36 Septuagint khutgelh pawlkhat (1Kh 11:38 zong en in) Hebrew ah Haggadi} tapa, ^ab
Nathan’ tapa Igal,
37 Ammon-te Zelek,
Zeruiah’ tapa Joab galhiam puapa Beeroth-te Naharai,
38 Ithri-te Ira, ^ac
Ithri-te Gareb,
39 le Hit-te Uriah
A vekin sawmthum le sagih ahi hi.