2Sa 8 | ZomZIV | STEP | Hih hun khit ciangin David in Philistia-te zo-a, amaute nuaisiah-in Philistia-te ukna panin Metheg Ammah a la hi.

2 Samuel 8

David Gualzawhnate

1 Hih hun khit ciangin David in Philistia-te zo-a, amaute nuaisiah-in Philistia-te ukna panin Metheg Ammah a la hi.

2 David in Moab-te zong a zo hi. Amah in amaute leitual ah lumsak a, khauzang khatin a teh hi. A tehna khauzang tan nih sima om peuhmah thatin a tan thumna-a omte a hawi hi. Tua ciangin Moab-te David nasem suak uh a, siah a puak uh hi. ^a

3 Tua tham loin David in Euphrates Gun dung teng uk kik dinga kuan Zobah’ tapa Hadadezer a do hi. 4 David in a sakolleng tulkhat, sakolleng hawl ^{▼▼8.4 Septuagint (Si Tuipi Laizialte le 1Kh.18:4 en in) Masoretic Bupi ah a sakol-tuangte tul le za sagih a matsak hi} tul sagih le khe galkap tul sawmnih a matsak hi. Amah in lengkai sakol za khat longal a zagui a attat khin hi.

5 Zobah kumpipa Hadadezer huh dingin Damascus a Aram-te a kuan uh ciangin David in amaute tul sawmnih le tulnih a vatlum hi. 6 Amah in Damascus a Aram kumpi gamah khuapi cingte koih a, Aram-te amau nasem suakin siah a puak uh hi. David a paina peuhpeuh ah TOPA in a gualzosak hi.

7 David in kham-a kibawl Hadadezer uliante’ lumte laksak a Jerusalem ah a pua hi. 8 Hadadezer neihsa khuapi Tebah ^{▼▼8.8 Septuagint khutgelh pawlkhat en in (1Kh.18:8 zong en in); Hebrew ah Betah} le Berothai-te panin kumpi David in sumngo tampitak a la hi. ^d

9 David in Hadadezer galkap buppi zo khin hi ci-in Hamath kumpipa Tou ^{▼▼8.9 Hebrew ah Toi, Tou tawh kilamdang lo tg. 10 ah zong.} in a zak ciangin, 10 Tou tawh a kido ngei Hadadezer tawh Kumpi David kido-a a zawhna hangin amah hopih ding le a lungdampih dingin Tou in a tapa Joram ^{▼▼8.10 Hadoram tawh kilamdang lo.} a paisak hi. Joram in ngun le kham le sumngo-a kibawl vanzatte a puak hi.

11 Kumpi David in a zawhsa minamte khempeuh ngun le khamte mah bangin hih vanzatte TOPA tungah ap hi; a zawhsa minamte: - 12 Edom ^{▼▼8.12 Hebrew khutgelh pawlkhat ah, Septuagint le Syriac (1Kh.18:11 zong en in) Hebrew khutgelh khempeuh ah Aram} le Moab, Ammon-te le Philistia-te le Amalek-te ahi hi. Amah in Zobah kumpipa Rehob’ tapa Hadadezer aa a laksak vante zong a ap hi. ^h

13 David in Ci Kuam ah Edom-te ^{▼▼8.13 Hebrew khutgelh tawmkha, Septuagint le Syriac (1Kh. 18:12 zong en in); Hebrew khutgelh khempeuh ah Aram (tua pen Aram mite)} tulsawm le tulgiat that khin-a a ciah ciangin a minthang hi. ^j

14 Amah in Edom buppi ah khua cingte koih a, Edom-te khempeuh David nasem a suak uh hi. David a paina peuhpeuh ah TOPA in a gualzosak hi. ^k

David’ Uliante

15 David in Israel khempeuh uk a, a mite khempeuh tungah thutangin a thumaan hi. 16 Zeruiah’ tapa Joab in galkap khempeuh uk a; Ahilud’ tapa Jehoshaphat thu ciamteh hi-in; 17 Ahitub’ tapa Zadok le Abiathar’ tapa Ahimelech-te siampi hi uh a; Seraiah thuvanpi hi-in; 18 Jehoiada’ tapa Benaiah in Kereth-te le Peleth-te uk a; tuateh David’ tapate kumpi thudotpite ^{▼▼8.18 Ahikeh siampite} ahi uh hi.