Amo 2 | ZomZIV | STEP | Hih in TOPA gen ahi hi: “Moab-te mawhna thumte thamlo lite hangin ka thangpaihna ka dok kik kei ding hi. Bang hang hiam cih leh Edom kumpipa’ guhte suangkang hal bangin a hal uh hi.

“Moab-te mawhna thumte thamlo lite hangin
ka thangpaihna ka dok kik kei ding hi.
Bang hang hiam cih leh Edom kumpipa’ guhte
suangkang hal bangin a hal uh hi.
2 Moab ah mei ka sawl dinga,
tua in Kerioth ^{▼▼2.2 Ahikeh tuanu khuapite’} kulh muanhuaite a hultum ding hi.
Gal kidona awging le pengkul kimut ging zuazua lakah
Moab-te paisuk ding uh hi. ^b
3 Amah le a uliante le a gam-ukte ^c
ka susia khawm ding hi,” ^d

TOPA in a ci hi.

4 Hih in TOPA gen ahi hi:

“Judah-te mawhna thumte thamlo lite hangin
ka hamsiatna ka dok kik kei ding hi.
Bang hang hiam cih leh amaute in TOPA thukhamte nial uh a, ^e
ama thukipte a mang kei uh hi. ^f
Bang hanga mang lo uh hiam cihleh a pu a pate uh zuih pasian ^{▼▼2.4 Ahikeh a zuausak},
pasian-zuaute ^{▼▼2.4 Ahikeh zuauphuak} in lam a khialsak zo hi. ⁱ
5 Judah tungah mei ka sawl dinga
tua in Jerusalem kulh muanhuaite a hultum ding hi.

Israel Tungah Thukhenna

6 Hih in TOPA gen ahi hi:

“Israel-te mawhna thumte thamlo lite hangin
ka thangpaihna ka dok kik kei ding hi.
Amaute in thumaan mite ngun-in zuak uh a,
a tasamte khedapkaih bu khatin a zuak uh hi. ^j
7 Leivui lak tuat bangin mizawngte lutung
tuancil uh a, a kinengniam mite thu,
thutangin a khensak kei uh hi.
A pa le a tapa numeino khat kitangkhawm uh a,
tua bangin ka min siangtho a zahhuaisak uh hi. ^k
8 Biakna-tau gei tengah lum uh a,
sum leitawi tanga kikoih puan a kepte uh a delhphah uh hi.
Amau pasian inn sungah mi kigaam liausum tanga
a mat uh zute a dawn uh hi. ^l
9 “Amaute mai-ah tamtak banga a sang,
tawsaw sing banga a khauh
Amor-te ka susia khin hi. ^m
A tunga a gahte le
a nuai-a a thaguite ka susia khin hi. ⁿ
10 Egypt panin kong paikhiatpih a, ^o
kum sawmli sung sehnel-gam ah ^p
hong makaihin Amor-te leitang nang kong pia hi. ^q
11 Nangma tapate lak panin kamsang dingte ka lamto a, ^r
na khangnote uh lak panin Nazir-te ka teel hi. ^s
Israel mite aw, maan lo ahi hiam?”

TOPA in cikhia hi.
12 “Ahi hangin Nazir-te zu na dawnsak uh a,
kamsangte in ka thu a genkholh loh nadingun thu na pia uh hi. ^t
13 “Tua hi-a tu-in a tungah antang kiguang bawngleng a netcip bangin
no kong nengcip ding hi.
14 A manlangte suakta man loin,
a thahatte in amau thaneihzah zang man lo ding uh a, ^u
galhangte in amau nuntakna a hu zo kei ding uh hi. ^v
15 Thal tawite in do zo lo ding uh a, ^w
a taihat galkapte taikhia thei loin
sakol tuangte in a nuntakna uh a hu zo kei ding uh hi. ^x
16 Tua ni ciangin galsiam, ahangpente
nangawn guaktangin a taikek ding uh hi,”

TOPA in cikhia hi.