Ecclesiastes 10
1Tho sisa in paknamtui a namsiatsak bangin,haina neuno khat in pilna le pahtawina leek zo hi.
2 Mipil’ lungsim taklam ah awn-a,
ahi hangin mihai lungsim veilam ah awn hi.
3 Mihaite in ngaihsut nei loin
a lampai kawm nangawnun
amau haitatna miteng a lak uh hi. a
4 Gam-uk khat nang tungah a heh leh
na dinmun nusia kei in; b
daih khikhena in khialhna lianpi daisak thei hi. c
5 Sunni nuai-ah gitlohna khat ka mu-a,
gam-ukte pana ngaihsut khialhnate pawl ahi hi.
6 Mihaite dinmun sang tampi-ah kikoih a, d
mihaute in dinmunniam a ngah uh hi.
7 Silate sakol tungah tuang uh a,
gam-ukte sila bangin a khe-un a pai uh ka mu hi. e
8 Gum tote, gum sungah kia thei a; f
kulh tovangte gul in tu thei hi. g
9 Suangtum tote tuate mah in liam thei uh a;
singtum ekte tuate mah in liamsuah thei hi.
10 Hei kungh a,
kitat hiam kei leh
thatang san ding kisam a,
ahi hangin siamna in hong zosak ding hi.
11 Gul in a kikhim ma-in hong tuk leh
a khimpa adingin metna om lo hi. h
12 Mipilpa thugen zaknophuai a, i
ahi hangin mihaipa ama kam in valhtum hi.
13 A kam patna haihuai a;
a kamtawpna gitlohna suakin -
14 mihaipa in kam tampi pauthuah hi. j
Kuamah in hong tung ding theikhol lo a -
ama nunga piang ding kua in genthei ahi hiam? k
15 Mihai nasep in amah gimsak a;
khuapi zuatna lampi a thei kei hi.
16 Nasem ▼
▼10.16 Ahikeh naupang kumpi a nei
khat kumpi-in nei a,zingsanga pawi bawl gam-uk a nei gam aw,
gimna na thuak ding hi. m
17 Nampite kumpi in nei a, ahun manin ne a -
kham nading hi loin hat nadingin a ne uliante a nei gam aw,
thupha ngah na hi hi. n
18 Mi khat a thadah leh a innsun kuai a,
a khut a zawt leh a inn keh hi. o
19 Nuih nadingin pawi kibawl hi-a,
zu in nuntak nuamsakin,
ahi hangin na khempeuh suma kilei ahi hi. p
20 Na lungsim nangawn ah kumpipa phuisam kei in, q
ahikeh na lupna inndei ah mihaupa hamsiat kei in,
bang hang hiam cih leh huihlak vasa khat in na thugen puak thei dinga,
vasa leng khat in na thugen va ko thei ding hi.
Copyright information for
ZomZIV