Ecc 12 | ZomZIV | STEP | Na lungkham ding hun hong tun ma, “Amaute ah nuam sa ke’ng” na cih ding kum in hong phak ma,

Ecclesiastes 12

1 Na lungkham ding hun hong tun ma, ^a
“Amaute ah nuam sa ke’ng”
na cih ding kum in hong phak ma,
2 ni le khuavak, khapi le aksite mialin,
guahzu khina meii ah kileh kikma
na khangno hunin nang hong Piangsakpa phawkin; ;
3 tua hun pen inn ngakte lingin,
mi thahatte a maikun ciang,
angawite tawm uh ahi manin a khawl ciang,
kongvangneu a khuadakte muhna a mial ciang;
4 kongzinga kongkhakte kikhakin
angawina a gin nawn loh ciang;
vasa ham in mite phawng napi
a hamte uh a ginngaih nawn loh ciang; ^b
5 mite in khosang kihta-in
lamdung lauhuai a sak ciang;
almond kung pak ta in
kauphe amah le amah tuan dinga,
a deih bangmah a om nawn loh ciang ahi hi. ^c
Tua ciangin mipa a tawntung inn ah pai ta dinga, ^d
a thumte in kong zing zui ta ding uh hi. ^e
6 Ngun khauhual a kitah ma,
kham kuang-uk a kitap ma,
tuikhuk ah tuibeel kia-a a kitapzan ma
tuibem a lengpei a kitap ma
7 le hong kuankhiatna leivui ah a ciah kik ma,
a piapa Pasian kiangah kha a ciah kik ma-in amah phawk in. ^f
8 Siapa ^{▼▼12.8 Ahikehkikhawm mipite makaipa tg. 9 le 10 ah zong} in,
“A mawknapi! A mawknapi! ^h
na khempeuh a mawknapi hi” a ci hi. ⁱ

Thukhupna

9 Siapa a pil bek hi loin a theihna mi tungah zong a hawmsawn hi. Amah in ngaih sunsunin zongkhia a, paunak tampi a banbanin gual hi. 10 Siapa in thumaan bekbek zongkhia a, a gelhsate thumaanin thutang hi.

11 Mipilte thugente gan-ciangkhut tawh kibanga, a kammal khopte uh a kikhenkip siktukkilhte bangin - Tuucingpa khat piak ahi hi. 12 Ka ta aw, hihte banah theih beh ding tampi om lai hi.

Laibu tampi kibawl taleh bei hun nei lo a, tampitak simna in pumpi a gimsak hi. ^j

13 Tu-in a vekin i za khin hi;
hitakah thukhupna a om hi:
Pasian kihta inla a thupiakte zui in, ^k
ahang in mihing masuanpi in hih ahi hi. ^l
14 Ahang in, a sia ahi-a a pha ahi zongin a kihihsimte nangawn - ^m
a kisem khempeuh tungah
Pasian in thu a khen ding hi.