Ecc 7 | ZomZIV | STEP | Paknamtui hoih sangin minpha hoihzaw a, suahni sangin sih ni hoihzaw hi.

Ecclesiastes 7

Pilna

1 Paknamtui hoih sangin minpha hoihzaw a, ^a
suahni sangin sih ni hoihzaw hi.
2 Mi khempeuh tawpna, sihna hi a, ^b
a nungta laite in a lungsimah ciamteh ding ahi manin
pawibawlte inn a hawh sangin
a dahte inn a hawh hoihzaw hi.
3 Nuihna sangin dahna hoihzaw hi, ^c
bang hang hiam cih leh lungtang adingin dahmai a hoih hi.
4 Mipilte lungsim a dahte inn ah om a,
ahi hangin mihaite lungsim nopna inn ah a om hi.
5 Mihaite lasak ngaih sangin,
mipil khat hong taina thusim hoihzaw hi. ^d
6 Beltaw nuai-a lingkung puak zuahzuah bangin ^e
mihaite nuih puak zuahzuah hi.
Hih zong a mawknapi mah ahi hi.
7 Amaan lo-a ngahna in mipilpa haisak a,
golhsum in lungsim nawngkaisak hi. ^f
8 Thu khat a kipatna sangin a tawpna hoihzaw a,
kiphatsakna sangin lungduaina hoihzaw hi. ^g
9 Mihaite lungtang ah hehna teng ahi manin ^h
na hehna zah dongin lungtom kei in. ⁱ
10 “Bang hangin tanglai mite, hihte sangin hoihzaw hiam?” ci kei in, ^j
ahang in, hih bang dotna pilvai lo hi.
11 Gouluah khat bangin pilna hoih a, ^k
ni a mute a hampha ahi hi. ^l
12 Sum in hong liah bangin
pilna in hong liah hi,
ahi hangin theihna a hoihzawkna in:
pilna in a neipa nuntakna hutsak hi.

13 Pasian nasepsate ngaihsun dih in: ^m

a kawisaksate
kua in mamsak thei ahi hiam?
14 Hun a hoih ciangin, lungdam in;
hun a siat ciangin ngaihsun in:
Pasian in ni khat le nidang khat
a kibanga a bawl ahi hi. ⁿ
Tua ahi ciangin mi khat in
a mailam thu ding bangmah a mukhia thei kei hi.

15 Hih a mawknapi a ka nuntak sungin, hihte gel ka mu khin hi:

a thumaan mi a thumaanna ah mangthang a,
a gilo mi a gilosapi mahin sawtpi a nungta hi.
16 Thumaan lua kei inla lah pil lua kei in -
bang hangin nang le nang
kisusia ding na hi hiam?
17 Gilo lua kei inla lah hai kei in -
bang hangin sihhun ma-in
si ding na hi hiam?
18 A khat lencipin a khat pen zong
khah tuan loh ding hoih hi.
Pasian a kihta peuhmah in a uanglua khempeuh pel uh hi. ^{▼▼7.18 Ahikeh tuate gel a zuikhawm ding hi}
19 Pilna in, khuapi khat sunga gam-uk sawm sangin
mipil khat vangliansak zaw hi.
20 Leitungah a maana gamta a mawh ngei lo ^p
a thumaan mi kuamah a om kei hi. ^q
21 Mi thugen peuhmah thusim pahpah kei in,
tua hi kei leh na nasempa hong hamsiatna na za kha ding a -
22 na lungsim sungah nang zong
midangte tamveipi na hamsiat lam na thei hi.

23 Hihte khempeuh pilna tawh ka sittel hi-a,

“Pil ka sawm hi,” ^r
ahi hangin hih in kei theih zawh loh ahi hi.
24 Bangbang ahi zongin pilna gamla lua a,
a thuk penpen ahi hi -
kua in mukhia thei ding ahi hiam?
25 Tua ciangin theihtelna lamah ka lungsim ka hei a,
pilna le nate ngimna le kheltatna ^s
a telhakna le haina a haihuaizia telkan ding le
a zongkhia dingin ka lungsim ka hei hi.
26 Thang nam khat ahi numei,
a lungsim thang kamsa hi-a,
a khut sikkhainiang ahi numei,
sihna sangin a khaat zawk lam ka phawk hi. ^t
Pasian a lungkimsakpa numei panin suakta dinga,
ahi hangin mawhneipa tuanu thangah a awk ding hi. ^u

27 Siapa ^{▼▼7.27 Ahikeh kikhawm mipite makaipa} in, “En un, ka muh khiat hih ahi hi:

Nate a ngimna theih nadingin na khat tungah
adang khat ka gawma -
28 ka zonzon lai mahin ka mu tuan kei hi -
pasal tul khat lakah a thutang khat ka mu a,
numei khempeuh lakah
numei thutang khat zong ka mu kei hi.
29 Hih bekbek ka mu hi:
Pasian in mite a thutang dingin bawla,
ahi hangin mite in ngimna tampi a zongkhia uh hi.