Exodus 34
Suangpek Thakte
1TOPA in Moses tungah, “A masate tawh kibang suangpek nih sui in; tuate tungah na sukkhap sa a masa suangpekte tunga kigelhte ka gelh ding hi. 2Zingsangin kithawi inla tua ciangin Sinai Vum dawnah kahto in. Mual dawnah kei kiangah nang mahmah hong kilak in. 3Kuamah nong tonpih kei dinga, mual tungah kuamah a om kei ding hi; tuuhonte le bawnghonte nangawn mual mai ah a gamta kei ding hi,” a ci hi. a 4 Tua ciangin Moses in a masate tawh a kibang suangpek nih sui a, TOPA in amah a thupiaksa bangin zingsang tungin Sinai Vum tungah a kah to hi; amah in a khutin suangpekte gel a tawi hi. 5Tua ciangin meiipi lakah TOPA kumsukin amah tawh tua lai-ah ding khawma, ama min TOPA a tangko hi. 6Tua bangin Moses maitang nawkin, “TOPA, TOPA, khuatuah siam le hehpih siam Pasian, a hehhak, itna le muanhuaina tawh kidim, 7a tul tampite a it pa, gitlohna, langdona le mawhna a maisakpa ahi hi. Tua hi napi amah in mawhna a bawlte dan tuaksak loin a om kei hi. Amah in pate mawhna tate tung le amaute tate tung, khang thum khang lina dongin dan a tuaksak hi,” ci-in a tangko hi. b 8 Thakhat-in Moses lei lakah kunsuk pah-a, a bia hi. 9Amah in, “TOPA aw, na mai-ah maipha ka ngah leh Topa ko tawh hong ton- sak in. Hih mipite ngawngkhauh ahi ta zongin ka gitlohnate uh le kote mawhna hong maisak inla, nang luah dingin hong sang in,” a ci hi. c 10 Tua ciangin TOPA in, “Nang tawh thukhun khat ka bawl ding hi. Na mite khempeuh mai-ah leitung khempeuh a, minam khatpeuh tunga ka bawl nai loh a lamdangte ka bawl ding hi. Amaute laka na tenna mite in, nang adinga keimah TOPA in ka hih dingte a kihtakhuai mahmahna a mu ding uh hi. 11Tuni-a nang kong thupiak hong mang in. Na mai-a Amor mite, Canaan mite, Hit mite, Periz mite, Hiv mite le Jebus mite ka hawlkhia ding hi. 12Note pai nading gama teng mite tawh thukimna bawl ding na kidop kei uh leh note lakah, amaute thang kamsa ahi ding uh hi. 13A biakna-taute uh suksiatsakin a suang siangthote uh sutam unla, a Asherah khuamte ▼▼34.13 Tua pen Asherah pasian numei milim
uh phukpai un. 14Ama min Aam ahi TOPA, a aam Pasian ahi manin pasian dang khatpeuh bia kei un. e 15 “Tua gam sunga teng mite tawh thukimna bawl ding kidawm un; ahang in, a pasiante uh kiangah, kizuakin kitoihna-a a kipiak uh ciangin amaute in note hong sam ding uh a, a kitoihnate uh na ne kha ding uh hi. 16Na tapate uh zi dingin amaute tanu pawlkhat na tel uh a, tua tanute, amau pasiante tungah a kizuak uh ciangin amau hih mah a hih dingin na tapate uh a makaih ding uh hi. 17 “A kisung milimte bawl kei in. 18 “Silngo-sawhloh Anlum Pawi bawl un. Note kong thupiaksa bangin ni sagih sung silngo sawh loh anlum ne un. Hih pen Abib kha a kiseh hunin hih un, ahang in, tua kha-in Egypt pan na paikhia uh hi. f 19 Naubu a hong masa pen - na ganhingte uh ta masate bawnghonte le tuuhonte dongin a pa peuhmah kei aa ahi hi. 20Laa tacil tuuno khatin tan un, ahi zongin na tat kei uh leh a ngawng kuaitan un. Na tapa uh a upa pente khempeuh tan un. g “Ka mai-ah khutguakin kuamah hong pai kei ding hi. h 21 “Niguk sung na na sem ding uh a, ahi hangin a ni sagihna ni-in na khawl ding uh hi; lokhawh hun le anlak hun nangawnin na khawl pelmawh ding uh hi. i 22 “Mangbuh a gahmasa pen tawh Nipikalte Pawi le kum kihei hun ▼▼34.22 Tua pen sikhiau sung
ciangin Ansangkhum Pawi na bawl ding uh hi. 23Na mite pasal khempeuh Thuneipen TOPA Israel-te’ Pasian mai-ah kum khatin thumvei a kilak ding hi. 24Na mai-ah mi namte ka hawlkhia dinga, na gamgi khanin TOPA note Pasian mai-ah kilak dinga kum sima thumvei na paitoh uh ciangin na gam uh kuamah in hong deihgawh kei ding hi. k 25 “Silngo kihel na khatpeuh biakpiakna sisan tawh kei tungah hong piakhawm kei inla, Paisan Pawi-a biakna-a kipia khamval khatpeuh zingsang dong omsak kei un. l 26 “Na leitang panua piang anpal a limci pen TOPA note Pasian, tungah hong puak un. m “Keelno a pi nawizu in huan kei un,” a ci hi. n 27 Tua ciangin TOPA in Moses tungah, “Hih thute tawh kizui-in nang le Israel tawh kikalah thukhun khat bawl khin ka hi manin hih thute gelh in,” a ci hi. 28Moses tua lai-ah an ne lo, tui dawn loin ni sawmli le zan sawmli sung TOPA tawh a omkhawm hi. Amah in thukhun kammal - Thupiak Sawmte suangpekte tungah a gelh hi. A Tee Moses Maitang
29 Sinai Vum pan, Tecipanna suangpek nihte tawi kawmin Moses a paisuk ciangin, TOPA tawh a kiho mana a maitang atee a hilam a thei kei hi. 30Aaron le Israel mite khempeuh in Moses a muh uh ciangin a maitang tee-a, a kiangah a pai ngam kei uh hi. 31Ahi hangin Moses in amaute a sam hi; tua ciangin Aaron le mihonpite’ makaite khempeuh ama kiangah kileh kik uh a, amah in amaute a hopih hi. 32Tua khit ciangin Israel-te khempeuh in a kiang va naih uh a, amah in Sinai Vum tunga TOPA in a thupiaksate khempeuh amaute a pia hi. 33 Moses in amaute a hopih khit ciangin a maitang maikhuhna khat a khuh hi. 34Ahi hangin TOPA omna-ah a hopih dinga a lut ciangin a paikhiat dong tua maikhuhna a hemkhia hi. Amah paikhia-a, amah thu a kipia teng Israel-te tungah a gen ciangin, 35amaute in atee ama maitang a mu uh hi. Tua ciangin Moses in TOPA hopih dinga a lut kik mateng a maitang maikhuhna in a khuh kik hi. o
Copyright information for
ZomZIV