Ezekiel 10
Minthanna in Biakinnpi Nusia
1Ka en a, cherub-te lutung a van kuumpi tungsan ah sapphire ▼▼10.1 Ahikeh lapis lazuli
a kibawl kumpi tokhom tawh a kibang khat ka mu hi. 2TOPA in saihadial puan silhpa kiangah, “Cherub-te nuaisan a lengpeite lakah pai in. Cherub-te pana mei-am na khut dimin pham inla khuapi tungah theh in,” a ci hi. Ka vil gige leh amah a sungah a tum hi. b 3 Tua laitakin biakinnpi pualam ah cherub-te ding uh a, tua mipa a tum ciangin a tual sungnung teng dimin meiipi khat a kaii hi. 4Tua ciangin cherub-te tung lamah TOPA minthanna kahto a biakinnpi kong lamah a kikhin hi. Biakinnpi sung dimin meiipi kai-a, a tual khempeuh TOPA vang in a tan hi. 5Thahatpen ▼▼10.5 Hebrew in El-Shaddai
Pasian a pau cianga awging kizak bangin cherub-te kha ging biakinnpi tual a puanung dongah kiza hi. 6 TOPA in saihadial puan silhpa kiangah, “Lengpei-te lak le cherub-te lak panin mei la in,” ci-a thu a piak ciangin mipa tumin lengpei gei-ah a ding hi. 7Tua ciangin cherub-te khat in amaute laka om mei a khutin a zamphei hi. Mei pawlkhat la-in saihadial puan silhpa khutah pia a, tuapa in sangin a paikhia hi. 8(Cherub-te kha nuai-ah mihing khut tawh a kibang khat kimu thei hi.) d 9 Ka et ciangin cherub-te pangah lengpei li, cherub khat pangah lengpei khat ciat ka mu hi. Tua a peite chrysolite suang bangin a tee hi. 10Tua lite a pianzia uh kibang kimin lengpei khat sunga pei dang khat a om tawh kibang hi. 11Cherub-te a pai uh ciangin cherub-te maingatna lamlam, a pai nopna peuh ah pai thei hi; cherub-te paina zui-in a peite a kihei tuan ▼▼10.11 Ahikeh kipumpei
kei hi. Cherub-te a pai nopna lamlam uh a maingatna peuhpeuh ah a pai kawmun kihei kul loin pai thei hi. 12A pumpi tung khempeuh uh a nunglam, a khutte, a khate uh le a pei lite tung khempeuh ah mittang bekbek a dim hi. 13A pei, “Pingpei kipumpei,” a kicih ka za hi. 14Cherub-te khat in maitang li nei ciat in: maitang khat cherub maitang hi a, a nihna mihing maitang hi-in, a thumna humpinelkai maitang hi-a, a lina muvanlai maitang ahi hi. 15 Tua ciangin cherub-te a tunglam ah a kilaam to hi. Hihte pen Kebar Gun gei-a ka muh a nungta ganhingte mah ahi hi. 16Cherub-te a tat uh ciangin a panga peite zong tanga, cherub-te lei pan kikhaangto dingin a kha a zak uh ciangin a peite in a omna lampang a lawi tuan kei hi. 17Cherub-te a khawl ciangin tuate zong a khawl uh hi; cherub-te a din uh leh amau tawh a ding khawm uh hi. Bang hang hiam cih leh amaute sungah a nungta ganhingte’ kha a om hi. f 18 Tua ciangin TOPA’ minthanna in biakinnpi lutna nusia a, cherub-te omna tungah a khawl hi. 19Ka et gige laitakin cherub-te in a khate uh zaakin lei panin kaangkhia to uh a, a pei zong amaute tawh a pai hi. Amaute TOPA inn nisuahna lama lutna kongpi ah khawl uh a, Israel-te Pasian’ minthanna amau tungah a om hi. g 20 Hihte Kebar Gun gei-a Israel’ Pasian nuai sana ka muhsa a nungta ganhingte hi-a amaute cherub-te a hilam ka thei hi. 21Amaute in maitang li, kha li le a kha nuai-uah mihing aa tawh kibang khutte a nei ciat uh hi. 22Amaitang uh Kebar Gun gei-a ka muhsate tawh kisun hi. Amau mailam ah tangtakin a pai ciat uh hi. h
Copyright information for
ZomZIV