Ezekiel 13
Kamsangzuaute Kimawhpaih
1TOPA thu kei tungah hong tunga: 2“Mihing tapa aw, tu huna kamsang Israel kamsangte langah kam sang in. Amaute ngaihsutna-a suakte kamsanga kineite tungah: TOPA kammal za un! 3Hih in Thupipen TOPA gen ahi hi: Amaute ngaihsutna zui-a bangmah a mu lo kamsang haite ▼▼13.3 Ahikeh kheltat
aw, gimna nak thuak na nucia! 4Israel aw, na kamsangte, inn kisiasate laka se-alte tawh kibang hi. 5Israel innkuante in TOPA ni-a gal hong tun ciangin kiptaka a nan zawh nadingin kulh cimte velin na puahpha kei uh hi. 6A mangmuhna uh khial uh a, a aisanna uh zuau ahi hi. Amaute in, “TOPA gen hi,” ci uh a, TOPA in a sawl lohpi amau kammal a tangtung dingin a lamen zawlai uh hi. 7Mangmuhna maan lo na mu-in, aisanna zuau na gen uh a bangmah gen ta kei leng “TOPA gen hi,” na ci uh hi. b 8 “‘Tua ahi ciangin hih in Thupipen TOPA gen ahi hi: Amaan lo-a na thugennate uh le na mangmuhna zuaute uh hangin note langah ka pang hi, Thupipen TOPA in cikhia hi. 9Aman lo mangmu a, aman lo aisan kamsangte ka khutin a langpan hi. Thu kikum ka mite lakah amaute kihel lo ding uh a, Israel innkuante lakah a min uh kigual loin Israel gam sungah zong a lut kei ding uh hi. Tua ciangin keimah Thupipen TOPA kahilam na thei ding uh hi. c 10 “‘Amaute in ka mite lam khialsak uh a, kilemna om lopi-in, “Kilemna,” ci uh a; a muanhuai loin kulh ciang in leikang tawh zut lel uh ahi manin 11tua banga leikang tawh a zutte kiangah, cim ding hi, ci in. Guahpi zu in gialpi ka dengsak dinga pingpei hualpi in a peitam ding hi. 12Kulhpi a kicip ciangin mite in, “A tungah a kanga na zutte uh koi-ah om hiam?” hong ci lo ding uh ahi hiam?’ d 13 “‘Tua ahi ciangin hih in Thupipen TOPA gen ahi hi; ka thangpaihna tawh pingpeipi ka khahkhia dinga, ka hehna hangin a siasak thei gialpi kia in guahpi zu ding hi. 14A kanga na zut uh kulhte ka balkhia dinga, a bulpi kidawk nadingin lei tawh kicin dong ka phelkhia ding hi. Tua ▼▼13.14 Ahikeh a khuapi
a cip ciangin a sungah na kisia ding uh hi; tua hun ciangin keimah TOPA ka hilam na thei ding uh hi. 15Tua hun ciangin kulh le a kanga kizutte suksiatna-in ka thangpaihna ka zang ding hi. Note kiangah, “Kulhte a kanga zut, 16Jerusalem a tung ding genkhol a, kilem nading mang a mu ahi hanga kilemna lah a tung lo, kam a sangte le kulh a maimang ta ding hi, ‘Thupipen TOPA in cikhia hi,” kong ci ding hi,’ a ci hi. f 17 “Tu-in mihing tapa aw, amau ngaihsutna kamsanga kigen, na mite tanute lam nga in. Amaute langah kam sang inla 18‘Hih in Thupipen TOPA gen ahi hi: Mihing awk nadingin a khutdawh khempeuh uah bulh a, a lu-ua a khip ding uh a sauna kikim lo puante le ai a khuikhawm no numeite gimna na thuak ding uh hi. Ka mite nuntakna thangsiahin no nuntakna hut sawm hi lo na hi uh hiam? 19Mangbuh-ham khut dim khat le anlum them khat ngah nadingin ka mite lakah kei nong thanghuaisak uh hi. Ka mite khemin na thu uh a ngaite a si lo dingpi sisakin a hing lo dingpi na hingsak uh hi. ▼▼13.19 Jer 44:26; Eze 4:7
20 “‘Tua ahi ciangin hih in Thupipen TOPA gen ahi hi: Vasa siah banga mi na siahna uh na aitawite uh ka deih kei hi. Na ban panun tuate ka balkhia ding hi. Vasa siah banga thang na siah uh mite ka suaktasak ding hi. 21Na dialte uh ka balkek dinga, na khut panun ka mite honkhia in mi khat beek na mankha nawn kei ding uh hi; tua ciangin keimah TOPA ka hilam na thei ding uh hi. 22Kei lungkhamsak lohin thumaan mite khemin na lungkiatsak man uh le migilote a gamtat hoih lohna panun a kihei loh ding uh hanthawnin tua bangin a nuntakna uh na husak uh hi. 23Tua ahi manin a maan lo mang na mu nawn kei ding uh a, amaan lo ai na san nawn kei ding uh hi. Note khut panin ka mite ka honkhia ta ding hi. Tua ciangin keimah TOPA ka hilam na thei ding uh hi,’ ci-in gen in,” hong ci hi. h
Copyright information for
ZomZIV