Eze 4 | ZomZIV | STEP | “Mihing tapa aw, tu-in leiseek pek khat la-in na mai-ah koih inla a tungah Jerusalem khuapi suai in.

Ezekiel 4

Jerusalem Ki-umcih nading Lim

1 “Mihing tapa aw, tu-in leiseek pek khat la-in na mai-ah koih inla a tungah Jerusalem khuapi suai in. 2 Tua ciangin a umcihna bawl in. A langah a umcihna tung in. A tungah a kawmna bawl inla a langah giahphual bawlin a kimkotah kulh khawhkhapnate koih in. 3 Tua ciangin sikpek khat la inla nang le khuapi kikalah sikkulh bangin tung inla na mai tua lam ngat in. Tua pen ki-umcih dinga nang na umcih ding hi. Hih in Israel innkuan adingin lim hi ding hi.

4 “Tua ciangin na veilam delphahin lum inla Israel innkuante mawhna nang tungah ^{▼▼4.4 Ahikeh nang lamah} koih in. Na siklup hun tantan amaute mawhna na thuak ding hi. 5 Amaute mawh kum zah na thuak ding ni ka seh khin hi. Tua ahi ciangin ni 390 sung Israel innkuante mawhna na thuak ding hi. ^b

6 Hih banga na hih na man khit ciangin na taklam delhphahin lum leuleu inla Judah innkuante mawhna thuaksak in. Ni khat ciangin kum khat a kiseh ni 40 ka sehsa ahi hi. 7 Jerusalem ki-umna lam maingat inla na ban dawksakin a tunga thupiang ding genkhol in. 8 Na umcih na man mateng na kihei theih loh nadingin khau-in kong hencip ding hi. ^c

9 “Mangbuh, mangbuh-ham, be, beli, tang le mangbuh-man la inla mekmanna kuang sungah koihin tuate anlum bawlna-in zang in. Na siklup hun ni 390 sungteng tua na ne ding hi. 10 Ni khat an ding shekel ^{▼▼4.10 Tua in ounce 8 bang (kilogram 0.8 bang)} sawmnih teh inla ahun ciangtanin na ne dng hi. 11 Tui zong hin ^{▼▼4.11 Tua in quart 2/3 bang (litre 0.6 bang)} khat sehguk suah sehkhat tehkhia inla a hun ciangtanin na dawn ding hi. 12 Mangbuh-ham moh nek bangin an ne in; mihing ek keugaw cih inla mite muhin em in,” hong ci hi. 13 TOPA in, “Israel mite in amaute ka hawlkhiatna minamte lakah an sianglo a ne ding uh hi,” hong ci hi. ^f

14 Tua ciangin, “Tua bang hi thei lo ding hi Thupipen TOPA aw! Kei le kei ka kininsak ngei kei hi. Ka neutunga kipan tu dong a sisa a kimu ahikeh gamsate thahsate ka ne ngei kei hi. Ka kam sungah sa sianglo a tumsuk nai kei hi,” ka ci hi.

15 Amah in, “Hoih mahmah hi, mihing ek tangin bawng ekin na anlum kong emsak ding hi,” hong ci hi.

16 Tua ciangin kei kiangah, “Mihing tapa aw, Jerusalem-te an ngahna ka khaktan ding hi. Mite in ciangtansa an lauthawngsa-in ne ding uh a, tui zong ciangtansa mah in lunggimpi-in a dawn ding uh hi, 17 ahangin, an le tui haksa mahmah ding hi. Amaute khat le khat lauthawngsa in ki-entuah ding uh a, amaute ^{▼▼4.17 Ahikeh panin} mawh na hangin a gawngtaam ding uh hi. ^h