Ezekiel 44
Gam-ukpa, Levi-te le Siampite
1Tua ciangin mipa in nisuahna lam a nga munsiangtho puanung kongpi ah hong paipih kik a, a kikhak hi. 2TOPA in kei kiangah, “Hih kongpi a kikhakcip ding ahi hi; a kihong peuhmah kei ding hi; tua lai tawnin kuamah a lut thei kei ding hi. TOPA Israel-te Pasian tua kongpi tawnin tum khin ahi manin kikhakcip den ding hi. 3Tua kongpi sung TOPA omna munah gam-ukpa bek an ne dingin tu thei ding hi. Amah talaap omna lampi panin tum dinga tua lam mah ah a pusuakkhia ding hi,” hong ci hi. a 4 Tua ciangin mipa in leilu-lam kongpi tawnin biakinnpi mailam ah hong paipih hi. Ka et leh TOPA biakinnpi sungah TOPA minthanna a dim ka mu a, ka khup lamin ka boksuk hi. b 5 TOPA in kei kiangah, “Mihing tapa aw, limtakin enin ngai gige inla, TOPA biakinnpi tawh kisai-in kong gen ding ngeinate le na khempeuh thupi sim in. Biakinnpi sunga lutnate le munsiangtho a pusuahnate khempeuh thupi sim in. 6A lehdo Israel innkuante tungah, “Hih in Thupipen TOPA gen ahi hi: Israel innkuante aw, a kihhuai na gam-tatnate uh kicing ta hi. 7A kihhuai na gamtatna khempeuh uh na behlapna un ka munsiangtho sungah lungtang le silesa a vun at loh gamdang mite na tumpih uh a an, sathau le sisan nong piak laitakun ka biakinnpi buahsakin ka thukhun na palsat uh hi. 8Ka van siangthote kemin na sep dingte uh na sep sangsik un, ka mun siangtho sung midang na uksak uh hi. 9Hih in Thupipen TOPA gen ahi hi: Ka munsiangtho sungah lungtang le silesa-a vun at loh gamdang mite a tum thei kei ding uh hi. Israel-te laka teng gamdang mite nangawn a tum thei kei ding uh hi. c 10 “‘Kei kiang panin taikhia-a a milimte uh nung a zui Levi-te in amaute mawhna a banbanin a thuak ding uh hi. 11Amaute in ka munsiangtho ah na sem thei ding uh a, biakinnpi kong cingin a sungah na a sem ding uh hi; meihal biakna gante go thei ding uh a, mite ading biakna-in pia-in mite mai-ah dingin amaute na a sem thei ding uh hi. 12Ahi zongin amaute in milimte mai mah ah na sem uh a, Israel innkuante mawhna sungah puksak uh ahi manin a mawhnate uh a thuak ding uh ka khut lamto in ka kiciam hi, Thupipen TOPA in cikhia hi. 13Amaute siampi nasem ding ahi a, a siangtho nate khatpeuh kiang nai-ah hong pai ding ahi a, ka biakna siangtho pente tawh ahi zongin kei kiangah hong pai kei ding uh hi; amaute kihhuai gamtatnasate uh hangin a maizum ding uh hi. 14Tua hi napi biakinnpi sunga nasemte ka uksak dinga sep ding khempeuh a sem ding uh hi. 15 Ahi hangin Israel-te kei kiang pan a manthan hun sung teng Levi-te le Zadok suan siampite in ka munsiangtho a nasepte muanhuaitakin sem ding uh a, ka mai-a nasem dingin ka kiangah hong pai-in biakna-a kipia sathaute le sisante pia-in ka mai-ah a ding diing uh hi, Thupipen TOPA in cikhia hi. 16Ka munsiangtho sungah amaute bek tum thei ding uh a, ka sabuai kiangah ka na sem dingin amaute bek ka mai-ah hong pai thei ding uh hi. d 17 “‘Tual sungnung ah amaute a lut uh ciangin saihadial puan silh ding uh a, huang sungnung ahi a biakinnpi sung ahi zongin kongpite ah na a sep uh ciangin samul puan khatpeuh a silh peuhmah kei ding uh hi. 18A lu uah saihadial puan khimin a puan tualpi nuai-uah sahadial puan a teng ding uh hi. A khua-ul uh a suaksak thei ding na khatpeuh a silh kei ding uh hi. 19Mipite omna apua lam tual ah a paikhiat uh ciangin a sunga a nasep lai-ua a silh uh puante suahkhia-in inndei siangtho sungah nusia ding uh a, amau puansilh tawh mite a siansuah theih loh nadingun puan dang a silh ding uh hi. e 20 “‘Amaute in a sam uh sausak loin lah a mettol kei ding uh hi; ahi hangin a sam uh a theu ding uh hi. 21Tual sungnunga lut ding siampi peuhmah in zu a dawn kei ding hi. 22Meigong numei le a pasal tawh kikhensa numeite a tenpih kei ding uh hi; Israel suan nungak bitte le siampite zi meigongte bek tenpih thei ding uh hi. 23Amaute in ka mite a siangtho le mawhnate hilh ding uh a, asiang le anin bangci khen ding cih lak ding uh hi. f 24 “‘Siampite in kisiatna khatpeuh ah thu khen ding uh a, ka khunsa ngeina zui-in thu a khensat ding uh hi. A kisehsa pawi khempeuh ah ka thukhamte le ka thukipte zui ding uh a, ka Sabbath-te siangthosak ding uh hi. 25 “‘Siampi khat misi kiangah a paina hangin a kininsak kei ding hi. Ahi zongin a misi pen a nu, a pa, a tanu, a tapa, a kimokhak nai lo a sanggamnu ahileh kininsak thei hi. 26Amah a kisiansak khit nung ni sagih a ngak pelmawh ding hi. 27Mun siangtho ah nasem dingin mun siangtho-a tual sungnung ah a lut ni-in amahmah adingin mawhna hanga biakna a pia ding hi, Thupipen TOPA in cikhia hi. g 28 “‘Siampite in a luah uh kei bek ka hi hi. Israel gamah neihsa bangmah na pia kei ding uh hi. Amaute neihsa keimah ka hi ding hi. 29Amaute in an-a biaknate, mawhna hanga biaknate le khialhna hanga biaknate ne ding uh a, Israel gam sunga TOPA tunga ki-ap peuhmah ▼▼44.29 Hebrew lai-in TOPA
tang ding uh hi. 30“’Gahmasa khempeuh laka a hoihpente le a tuam vilvel a na piakte uh siampite in tang ding uh hi. No innkuan sungah thupha khat a om theih nadingin lei pana na ngah uh ante lak panin a khen masa amaute na pia ding uh hi. 31Siampite in a sisa-a kimu le gamsate nekbaang vasate le gamsate a ne peuhmah kei ding uh hi. i
Copyright information for
ZomZIV