Ezr 1 | ZomZIV | STEP | Persia kumpipa Cyrus kumpi a suah zawh a kum khatna kumin, Jeremiah tunga TOPA thugen a tangtun nadingin TOPA in Persia kumpipa Cyrus lungsim ah suaksak a, a kumpi gamsung khempeuh ah tangkosak in lai-a gelhsa-in a koihsak hi:

Ezra 1

Cyrus in Saltangte Ciah Nading Huh

1 Persia kumpipa Cyrus kumpi a suah zawh a kum khatna kumin, Jeremiah tunga TOPA thugen a tangtun nadingin TOPA in Persia kumpipa Cyrus lungsim ah suaksak a, a kumpi gamsung khempeuh ah tangkosak in lai-a gelhsa-in a koihsak hi: ^a

2 “Persia kumpipa Cyrus gen hih ahi hi:

“‘TOPA vantung Pasian in leitunga kumpi-gam khempeuh kei hong pia a, Judah gam Jerusalem ah ama adingin biakinnpi khat lam dingin kei hong seh hi. 3 Note laka om ama mi peuhmah - a Pasian in ompih henla, Judah gama Jerusalem ah paito-in, TOPA, Israel Pasian - Jerusalem a om Pasian biakinnpi lam hen. 4 Tuateh a suakta lai-te in tuhuna a tenna munmun panun amah huh uh henla, ngun tawh, kham tawh, nate le ganhingte tawh, le utthu-a biaknate tawh Jerusalem a Pasian biakinnpi lampih uh hen,’ ci in,” a ci hi. ^b

5 Tua ciangin Judah le Benjamin innkuan makaite, siampite le Levi-te - Pasian in a lungsima a phawksak peuhmah - paito in Jerusalem a TOPA inn lam dingin a kithawi uh hi. 6 A vengte khempeuh un ngun le kham tawh kibawl vanzatte, nate le ganhing le utthu-a biaknate khempeuh banah letsong manphate tawh a huh uh hi. 7 Tua tham loin Nebuchadnezzar in Jerusalem panin puakhia-a ama pasian ^{▼▼1.7 Ahikeh pasiante} biakinn a, a koih, TOPA biakinnpi tawh kisai vanzatte Kumpi Cyrus in a pusuahkhia hi. 8 Persia kumpipa Cyrus-in sumkempa Mithredath puaksak a Judah ukpa Sheshbazzar kiangah a simsak hi. ^d

9 Tua nate hih teng ahi hi:

kham kuang 30
ngun kuang 1,000
ngun kuangdai ^{▼▼1.9 Hih kammal Hebrew ah kician lo} 29
10 kham kuang-uk 30
ngun kuang-uk tuamtuam 410
vanzat dangte 1,000

11 Ngun le kham vanzat khempeuh a vekin 5,400 ahi hi. Sheshbazzar in, saltangte Babylon pan Jerusalem ah a paitoh ciangin hihte khempeuh a puakto hi. ^f