Galatians 3
Upna ahikeh Thukham Zuihna
1No Galatia mihaite! No kua in hong bumhai ahi hiam? Jesu Christ a kilhlup bangin a kiteltakin note mitmuh tektek ah hong kilak hi. 2Note tung pan na khat bek ka thei nuam hi. Thukham zuihna hangin Kha na ngah uh hiam, ahikeh na zakte uh na upna uh hangin na ngah uh hiam? 3Tua zahta a hai lawmlawm na hi uh hiam? Kha tawh na pat khit nungun mihing nasepna tawh na ngim na tup uh tangtun sawm na hi uh hiam? 4A mawkna-in tua zahta thuak na hi uh hiam, a mawkna taktak himawk ding hiam? 5Pasian in thukham na zuihna uh hangin note, ama Kha hong pia in note lakah nalamdangte hong bawl ahi hiam, ahikeh na zaksa uh na up hang uh hizaw hiam? a 6 Abraham ngaihsun un: “Amah in Pasian uma, ama adingin tua mah thumaanna in kisimsak hi,” ▼▼3.6 Pc. 15:6
7Tua ciangin a umte Abraham tate suak cih theitel un. 8Pasian in upna hangin Gentile-te dik tangsak nuam cih Laisiangtho in mukhol a, Abraham kiangah, “Nang tungtawnin minam khempeuh thupha kipia ding hi,” ▼▼3.8 Pc. 12:3; 18:18; 22:18
ci-in lungdamna-thu na magen hi. 9Tua ahi ciangin a umte khempeuh, upna nei mipa Abraham tawh thupha kipiakhawm hi. d 10 Thukham zuihna-a kingate khempeuh hamsiatna nuai-a om lai uh ahi hi. Ahang in: “Thukham Laibu sunga kigelhte khempeuh a zuikim suak zolote peuh mah hamsiat ahi uh hi,” ▼▼3.10 Tp. 27:26
ci-in kigelh zo hi. 11A teltakin thukham hangin Pasian mai-ah kuamah diktansak ahi kei hi. Bang hang hiam cih leh, “Mi thumaante upna hangin a nungta ding hi,” ▼▼3.11 Hab. 2:4
12Upna tungah thukham kibulphuh lo hi; tua tawh kilehbulh in, “Tuate a hih mi, tuate hang mahin a nungta ding hi.” ▼▼3.12 Sp. 18:5
13Eite tang dingin Christ hamsia hong suakin thukham hamsiatna panin hong tan zo hi. Ahang in, “Sing tunga kikhai peuhpeuh hamsiat ahi hi,” ▼▼3.13 Tp. 21:23
ci-in kigelh hi. 14Eite in upna hangin a kiciamsa Kha i ngah theih nadingin Abraham tunga kipia tua thupha, Christ Jesu tungtawnin Gentile-te tungah hong tun theih nadingin amah in eite hong tan zo hi. i Thukham le Thuciam
15 Sanggamte aw, nisim nuntakna panin gentehna khat kong gen ding hi. A kikipsaksa mihing thukhun pen, kuamah in paikhia thei loin a behlap thei kei hi. Hih thu ah zong tua mah bang ahi hi. 16Abraham le a suan a khak tungah thuciamnate kipia hi. Laisiangtho in mi tampi a gennopna-in “na suan na khakte tungah zong” ci loin Christ ahi mi khat genna in, “na suan na khak tungah” ▼▼3.16 Pc. 12:7; Pc 13:15; Pc 24:7
ci zaw hi. 17Ka gennop hih ahi hi: A beisa huna Pasian in a kipsaksa thukhun pen tua khit kum 430 a kipia thukham in tua thuciam a phiat tuan kei hi. 18Ahang in, thukham tungah gouluahza kinga hileh thuciam tunga kinga ahi kei ding hi. Ahi hangin Pasian in a hehpihna hangin thuciam tungtawnin gouluahna Abraham a pia hi. k 19 Tua hi mawk leh, thukham bang ngimna ahi hiam? Thukham pen thuciam in a na gen tua Ci-le-sa hong tun mateng adingin khialhnate hanga kipia thuah ahi hi. Tua thukham pen vansawltakte tungtawn in palai khat zanga kikipsak ahi hi. 20Ahi zongin mi pawlkhat bek tangin palai a ding kei hi; ahi hangin Pasian khat ahi hi. 21 Tua ahi manin thukham in Pasian thuciamte a langpan hiam? Langpan peuhmah lo hi! Ahang in, nuntakna a pia thei thukham kipia hileh thukham hangin thumaanna hong tung khin takpi ding hi. 22Ahi hangin a kikamciam pen Jesu Christ upna tungtawna kipiasa, a um mite tungah a kipiak thei nadingin Laisiangtho in leitung buppi mawhna thong kiapa ahi hi, ci-in genkhia hi. l 23 Hih upna hong tun ma-in thukham in eite khempeuh thongah hong khia a, upna hong kilat mateng hong khumcip hi. 24Tua ahi ciangin upna hangin dik tansak i hi thei nadingin Christ kiangah eite hong pi ding ▼▼3.24 Ahikeh Christ hong tun khit mateng hong cing
in tua thukham hong ki-uksak hi. 25Tu-in tua upna tungta ahi manin thukham in hong uk kha nawn kei hi. Pasian Tapate
26 Christ Jesu upna tungtawnin note khempeuh Pasian tapate na hi uh hi; 27ahang in, Christ sunga kibaptise note khempeuh Christ a silh na hi ta uh hi. Jew mi, 28Greek mi a om kei hi; sila, sila lo a om kei hi; numei pasal a om kei hi. Ahang in, note khempeuh Christ Jesu sungah khat na hi uh hi. 29Note Christ aa na hi uh leh Abraham suan na hi uh a, thuciam bangin gouluahte na hi uh hi.
Copyright information for
ZomZIV