Genesis 21
Isaac Suahna
1TOPA in a gensa bangin Sarah tungah thukhual mahmah a, TOPA in a ciamsa pen Sarah adingin a hihsak hi. 2Sarah gai-a, Abraham a tek nungpi-in Pasian in amah a ciam hun lianin tapa khat a neisak hi. 3Abraham in Sarah tawh a neih tapa min Isaac ▼▼21.3 Isaac pen amah nui cihna
phuak hi. 4A tapa Isaac ni giat a phak ciangin Pasian in amah a thupiak bangin Abraham in a vun atsak hi. 5A tapa Isaac a suahin Abraham kum za khat a upa ta hi. 6 Sarah in, “Pasian in kei hong niusak ta hi; hih thu a za peuhmah in hong nuihpih ding uh hi,” ci a, 7“Kua in Abraham tungah, ‘Sarah in nau don ding hi,’ ci ngei ahi hiam? Hi ta leh a tek nungin amah tawh tapa khat ka nei hi,” cih beh lai hi. Hagar le Ishmael Kihawlkhia
8 Naupang khanga nawi a ne nawn kei hi; Isaac in nawi a nek nawn loh ni-in Abraham in pawi lianpi khat a bawl hi. 9Ahi hangin Sarah in Egypt mi Hagar tawh Abraham in a neih tapa in a zahpih mu-a, 10Abraham kiangah, “Tua sila nu le a tapa hawlkhia in, ahang in, tua sila nu’ tapa in ka tapa Isaac tawh gou a luahkhawm ngei kei ding hi,” a ci hi. b 11 Tua thu a tapa tawh kisai ahi manin Abraham a lungzing mahmah hi. 12Ahi hangin Pasian in ama kiangah, “Nang le na nasemnu hangin lungzing lua kei in. Sarah hong gen bangbang mang in, bang hang hiam cih leh Isaac tungtawnin na khanggui ▼▼21.12 Ahikeh ci
kisim ding hi. 13Nang suan-le-khak ahi manin na nasemnu tapa panin zong minam khat ka bawl ding hi,” ci hi. d 14 A zing ciang zingtungin Abraham in an pawlkhat le savun tuithawl khat Hagar pia hi. Amah in tuate tuanu liangko-ah suana naupangpa tawh a paikhiasak hi. Tuanu pai-a, Beersheba sehnel-gamah vak kawikawi hi. e 15 Savun thawl sunga tui a bei ciangin sawlbawk nuai khatah naupang koih hi. 16Tua ciangin tuanu paikhia in a pam thal lot khatna bangah tu a, “Naupang sih mu nuam kei si’ng,” ci-in a ngaihsun hi. Tuaci-in a gei-ah tuanu ▼▼21.16 Hebrew; Septuagint ah naupang
a tut kawmin a kidik hi. 17 Pasian in naupangpa kah za in, Pasian’ vansawltak in vantung panin Hagar sama, “Hagar aw, bang thu hiam? Lau kei in; Pasian in hua lai-a lum naupang kah za zo hi. 18Naupang phong inla a khutin kai in; ahang in, amah minam lian khatin ka bawl ding hi,” ci hi. g 19 Tua ciangin Pasian in tuanu mit honsaka, tui omna tuikhuk khat a mu hi. Tua ciangin amah pai-a savun-thawl ah tui dimin naupangpa dawnsak hi. h 20 Naupang a khan tawh kizui-in Pasian in ompih hi. Amah gamlakah tenga, thalkappa a suak hi. 21Amah Paran Sehnel-gama a ten laitakin a nu in a zi ding Egypt panin va la hi. i Beersheba a Thukimna
22 Tua hun laitakin Abimelech le a galkap mangpa Phicol in Abraham kiangah, “Na sepna khempeuhah Pasian in hong ompih hi. 23Tu-in hih lai Pasian mai-ah kei tung ahi zongin, ka tu ka tate tung ahi zongin a man lopi-in nong bawl loh nading kei tungah hong kiciam in. Nang tunga ka migitna kong lah bangin kei le tu laitaka mikhuala na tenna gam tungah na migitna hong lak in,” ci hi. j 24 Abraham in, “Ka kiciam hi,” a ci hi. 25 Tua ciangin Abraham in Abimelech tungah Abimelech’ nasemte in a suh uh tuikhuk thu a lungkimlohna a gen hi. 26Ahi hangin Abimelech in, “Hih pen kua hih hiam, ka thei kei hi. Nang lah nong gen kei a, hih thu tuni bekin ka za pan hi,” a ci hi. 27 Tua ciangin Abraham in Abimelech tuu le bawng pia-a a nih un thukimna a bawl uh hi. 28Abraham in a ganhon sung panin tuuno a nu sagih a tuam koih hi; 29tua ciangin Abimelech in Abraham kiangah, “Tuate lak pana tuuno a nu sagih na tuam koih, a cihnopna bang ahi hiam?” ci-in a dong hi. k 30 Amah in, “Hih tuikhuk kei tawhsa ahina ka teci dingin ka khut panin hih tuu sagih hong sang in,” ci-in a dawng hi. 31 Tua ahi manin tua mun Beersheba ▼▼21.31 Beersheba pen tuikhuk sagih ahikeh thuciam tuikhuk cihna hi kha ding
kici hi, bang hang hiam cih leh tua lai-ah mi nihte kiciam uh hi. m 32 Beersheba ah thukimna a bawl khit uh ciangin Abimelech le a galkap mangpa Phicol, Philistia-te gamah ciah uh hi. 33Abraham in Beersheba ah makeng kung khat suana, tua lai-ah TOPA, Tawntung Pasian tungah thu a ngen hi. 34Philistia-te gam ah Abraham sawtpi teng hi. n
Copyright information for
ZomZIV