Genesis 35
Bethel ah Jacob Kileh
1Tua ciangin Pasian in Jacob kiangah, “Bethel ah paito inla tua lai-ah teng in. Tua lai-ah na sanggampa Esau pana na tai lai-a hong kilang Pasian tungah biakna-tau khat dawh in,” ci hi. a 2 Tua ciangin Jacob in a innkuanpihte le amah tawh a omte khempeuh tungah, “Na kep uh gamdang pasiante paikhia unla, no le no kisiansuahin na puansilh uh khek un. 3Tua khit ciangin hong pai un, ka lungkham laitaka hong dawng, ka painasa tenga hong ompih Pasian tungah biakna-tau khat ka dawhna Bethel ah pai to ni,” ci hi. 4Tua ciangin amaute in a neih uh gamdang pasiante khempeuh le a bilbahte uh Jacob pia uh a, Jacob in Shechem a tehno sing nuai-ah a phum hi. 5Tua ciangin amaute dingkhia uh a, kuamah in amaute a delh loh nadingin amaute kima om khuate ah Pasian in lauhuaina a tungsak hi. 6 Jacob le amah tawh a omkhawm mi khempeuh Canaan gama Luz (tua pen Bethel) tung uh hi. 7Tua lai-ah biakna-tau khat dawha, tua mun El Bethel ▼▼35.7 El Bethel pen Bethel Pasian cihna
a ci hi; bang hang hiam cih leh a sanggampa pana a tai lai-in tua lai-ah Pasian mahmah ama tungah kilaak hi. c 8 Tu-in Rebekah cingnu Deborah si a, Bethel a tehno phung nuai-ah kivui hi. Tua ahi ciangin tua mun Allon Bacuth ▼▼35.8 Allon Bacuth pen kahna tehno kung cihna
kiphuak hi. e 9 Paddan Aram ▼▼35.9 Hih pen Mesopotamia Sak-nitumna tg. 26 ah zong
pan Jacob a kileh khit ciangin ama tungah Pasian kilak kik a, thupha pia hi. 10Pasian in ama kiangah, “Na min Jacob ▼▼35.10 Jacob pen amah khetul len tentan cihna (amah in khem cihna lim)
ahi hi; ahi hangin Jacob na kici nawn kei ding hi; na min Israel ▼▼35.10 Israel pen amah Pasian tawh kilai cihna
hi ding hi,” ci hi. Tua ahi ciangin ama min Israel a phuak hi. i 11 Tua ciangin Pasian in a kiangah, “Keimah a Thahatpen ▼▼35.11 Hebrew ah El-Shaddai
Pasian ka hi hi; cipha unla khangin tampi pha un. Nang panin minam khat le minam hon khat piang dinga, na pumpi sung panin kumpite piang ding hi; 12Abraham le Isaac ka piaksa leitang, nang zong kong pia-a, nang nunga na suan-le-khakte ka pia hi,” ci hi. 13Tua ciangin amah a hopihna mun ama kiang pan Pasian a paito hi. k 14 Pasian in amah a hopihna munah Jacob in suangkhuam khat phuta, tua tungah dawn theih biakna a buak hi; tua tungah sathau zong buak hi. 15Jacob in Pasian in amah a hopihna mun min Behtel ▼▼35.15 Bethel pen Pasian inn cihna
phuak hi. m Isaac le Rachel Sihna
16 Tua ciangin Bethel pan kikhinkhia uh a Ephrath pan a gamla sim a tun laitakun Rachel suak dingin kithawi-a haksa sa mahmah hi. 17A nausuahna haksa a sak mahmah laitakin naudomnu in ama kiangah, “Tapa dang nei na hi manin lau kei in,” ci hi. 18Amah in si dinga - a husan nunung penin - a tapa’ min Ben-Oni ▼▼35.18 Ben-Oni pen ka lungkhamna tapa cihna
phuak hi. Ahi hangin a pa in ama min Benjamin ▼▼35.18 Benjamin pen ka tapa muan cihna
a phuak hi. p 19 Tua ciangin Rachel si-a, Ephrath (tuapen, Bethlehem) zuatna lampi-ah kivui hi. 20Jacob in a han tungah khuam khat phut a, tuni dongin tua khuam pen Rachel han ciamtehna ahi hi. 21 Israel kikhin leuleu a, Migdal Eder galah puanbuk lam hi. 22Tua kual tengah Israel a ten laitakin Reuben lut-a a pa’ zino Bilhah luppih in, Israel in tua thu a za hi. Jacob in tapa sawm-le-nih nei hi: 23 Leah’ tapate:Jacob ta masa Reuben, q
Simeon, Levi, Judah, Issachar le Zebulun. r
24 Rachel’ tapate:
Joseph le Benjamin.
25 Rachel’ nasemnu Bilhah’ tapate:
Dan le Naphtali.
26 Leah’ nasemnu Zilpah’ tapate:
Gad le Asher. s
Hihte, Paddan Aram a suak Jacob’ tapate ahi hi. t 27 Abraham le Isaac tennasa Kiriath Arba (tua pen, Hebron) kiang Mamre a, a pa Isaac omna innah Jacob ciah hi. 28Isaac kum za le sawm giat nungta hi. 29Tua ciangin a hu nunung pen sangin si a, putekin kum tampi pha a, ama mite kiangah a kigawm hi. A tapate Esau le Jacob in amah vui uh hi.
Copyright information for
ZomZIV