Genesis 47
1Joseph pai-a Pharaoh kiangah, “Ka pa le ka sanggamte a tuuhon, a bawnghon uh le a neih khempeuh uh tawh Canaan panin hong pai uh a, tu-in Goshen ah om uh hi,” ci-in gen hi. 2Amah in a sanggamte nga tengkhia in Pharaoh mai-ah a dingsak hi. a 3 Pharaoh in a sanggamte kiangah, “Bang sem na hi uh hiam?” ci-in dong hi. Amaute in Pharaoh kiangah, “Ka pate uh mah bangin tuucing ka hi uh hi,” ci uh hi. 4Amaute in ama kiangah, “Hih lai-ah tawmvei sung a teng dinga hong pai ka hi uh hi. Bang hang hiam cih leh Canaan ah kialpi nasia lua a, na nasemte’ tuuhonte’ nek ding lonona ka nei kei uh hi. Tua ahi ciangin tu-in nong hehpihna tawh na nasemte Goshen ah hong tengsak in,” zong ci lai uh hi. b 5 Pharaoh in Joseph kiangah, “Na pa le na sanggamte na kiangah hong tung zo uh a, 6Egypt gam lah nangma thu ahi hi; leitang hoih penpenna ah na pa le na sanggamte tengsak in. Amaute Goshen ah tengsak in. Amaute lakah a tuam mahmah-a hih theihna a nei a om leh ka ganhonte uk dingin koih in,” a ci hi. c 7 Tua ciangin Joseph in a pa Jacob lutpih-a, Pharaoh mai-ah a dingsak hi. Jacob in Pharaoh thupha ▼▼47.7 Ahikeh hopih
a piak khit ciangin 8Pharaoh in, “Kum bangzah na pha ta hiam?” ci-in dong hi. 9 Tua ciangin Jacob in Pharaoh kiangah, pemta a ka om hun kum za khat le sawm thum ahi hi. Ka nuntak hun tawmin haksa-a, ka pate pemta-a a om kumte a ban zo kei hi,” ci hi. 10Tua ciangin Jacob in Pharaoh thupha ▼▼47.10 Ahikeh mangpha khak
pia-a, a mai panin paikhia hi. f 11 Tua ciangin Joseph in Pharaoh thupiak bangin a pa le a sanggamte gam hoih penpenna mun Rameses gamkhen amau adingin pia-a, tengsak hi. 12Joseph in a pa le a sanggamte le a pa’ innkuanpihte khempeuh amau tate phazah tawh kizui-in an zong vak hi. g Joseph le Kialpi
13 Kialpi nasia lua ahi manin tua gam kual bupah an a om peuhmah kei hi; kialpi hangin Egypt le Canaan a nih in a kial khawm hi. 14Joseph in Egypt le Canaan a sum om khempeuh an manin ngah khina, Pharaoh’ innah a puak hi. 15Egypt-te le Canaan-te sum a bei ciangin Egypt-te Joseph kiangah pai uh a, “Kote an hong pia in, ka sum teng uh bei ta hi. Na muhna-ah bang hanga si ding ka hi uh hiam?” ci uh hi. h 16 Joseph in, “Tua ahileh na gante uh hong puak un. Na sum teng uh a bei khit nungsang an lei nadingin na gante uh kong sang ding hi,” ci hi. 17Tua ciangin amaute in a gante uh Joseph kiangah puak uh a, a sakolte uh, a tuute uh, a keelte uh, a ganhonte uh le a laate uh khekna in an a pia hi. A gante khempeuh uh khekna-in tua kum sung tawntung amaute an pia hi. 18 Tua kum a bei ciangin a om lai kum dangte ah zong ama kiangah va pai uh a, “Ka sum neih teng uh a bei khitna ka topa uh tungah kong im thei kei uh a, ka gante uh lah nang na tang khin hi. Ka topa kong puak ding uh ka pumpi uh le ka leitang uh longal a om nawn peuhmah kei hi. 19Bang hangin kote le ka leitangte uh nang muhna-ah kisia khawm ding ka hi uh hiam? Kote le ka leitang uh an in hong khek inla ko le ka leitang uh Pharaoh’ sal ka suak ding uh hi. Kote si lo a ka nuntak theih nadingun anci hong pia in; tua hileh leitang a hawmmang kei ding hi,” ci uh hi. 20 Tua ciangin Joseph in Egypt a leitang khempeuh Pharaoh adingin a lei hi. Egypt mite in kialpi thuaklah lua uh ahi manin a vekpi un a lote uh a zuakmang khin kiuhkeuh uh hi. Leitangte Pharaoh aa suaka, 21Egypt mong khat pan mong khat-a mite Joseph in salin a kai ▼▼47.21 Samaritan Pentateuch le Septuagint (Vulgate zong en in); Masoretic Bute ah amah in mite khuapi sungah a kikhinsak hi
hi. 22Ahi zongin siampite’ leitang a lei kei hi, bang hang hiam cih leh amaute in Pharaoh tung panin a hunhunin a kiciangtan zah ngah den uh a, Pharaoh in amaute an a piakzah a kham uh hi. Tua hangin leitang a zuak kei uh hi. 23 Joseph in mite kiangah, “Tu ni-in note le na leitang uh Pharaoh adingin kong lei khin hi. Hih lai ah leitanga na cin ding uh khaici om hi. 24Ahi zongin an lak ciangin seh nga suah seh khat Pharaoh na pia ding uh hi. A om lai seh nga suah seh li pen, lo-a na tuh ding uh anci ding le no le na innkuanpihte uh le na tate uh an dingin na tang ding uh hi,” ci hi. 25 Amaute in, “Ka nuntakna uh nong honkhia zo hi; ka topa uh maipha nong ngahsak leh Pharaoh salin hong omsak in,” ci uh hi. j 26 Tua ciangin Joseph in Egypt leitang tawh kisai ngeina kip khatin bawla, tuni dongin a piang peuhmah - sehnga suah seh khat Pharaoh aa ahi hi. Siampite leitangte bek Pharaoh aa a suak kei hi. 27 Tu-in Egypt gam Goshen kualah Israel mite teng uh hi. Amaute in tua lai-ah neihsa tampi nei uh a, cipha-in pung mahmah uh hi. k 28 Egypt ah Jacob kum sawm le sagih sung tenga, ama nuntak hun sung kum zakhat le sawmli le sagih ahi hi. 29Israel a sih ding a nai mahmah ciangin a tapa Joseph sama, “Nang muhna ah maipha ka ngah leh ka phei nuai-ah na khut koih inla, kei tungah nong migit nading le nong thumaan nading kiciam in. Kei Egypt ah hong vui kei in; 30ahi zongin ka pate tawh ka tawlngak khawm ciangin Egypt panin hong puakhia inla, amaute kivuina ah kei hong vui in,” ci hi. Amah in, “Na cih bangin ka hih ding hi,” ci hi. 31 Amah in, “Kei tungah kiciam in,” ci hi. Tua ciangin Joseph ama tungah kiciama, Israel in a ciangkhut ▼▼47.31 Ahikeh Israel a lupna lukhungah a kunsuk hi
dawnah kingamsa-in a bia hi. m
Copyright information for
ZomZIV