Hab 1 | ZomZIV | STEP | Kamsang Habakkuk ngah thusuak.

Habakkuk 1

1 Kamsang Habakkuk ngah thusuak. ^a

Habakkuk Phunna

2 TOPA aw, ken nong huh ding bangtan vei hong ngenin, ^b
nang hong za lo lailai ding na hi hiam? ^c
Ahikeh, “Ngongtatna” ci-a kong kiko hangin
hong hon lo na hi hiam? ^d
3 Bang hangin thutanglohnate hong musak na hi hiam?
Bang hangin thukhial thuak keikai na hi hiam? ^e
Siatna le ngongtatna ka maingat hi. ^f
Kitotna le kilangneihna in hong umcih hi. ^g
4 Tua ahi ciangin thukham in thu nei nawn loin ^h
thumaanna a tungnung ngei kei hi.
Thutang a kikawnghek theih nadingin
migilote in thumaan mite a umcih uh hi.

TOPA’ Dawnna

5 “Minamte enin vil dih un -
lamdang na sa mahmah ding uh hi.
Ahang in, note tungah hong kigen taleh
na uploh ding uh thu, ⁱ
no hunin kong tungsak ding hi.
6 A cikzia lo, a hiamgamh mi Babylon-te ^{▼▼1.6 Ahikeh Chaldea-te} ka tawisang dinga, ^k
amaute in leitung khempeuh zo khinin ^l
amau aa ahi lo mite tenna munte nangawn ^m
a laksak ding uh hi.
7 Amaute kihtak huai-in a mulkimhuai mi hi uh a, ⁿ
amau mah thukham hipahin
amau kipahtawina a thupisak uh hi.
8 A sakolte uh gialbem sangin manlangzaw a,
khuamial kuana keivom sangin kihtakhuai zaw hi.
A sakol tuangte uh gamlapi panin hong kipan uh a,
a sakolte un a khecin uh phutin a kop dian uh hi.
Amaute, sa ne dinga bawhsuk musane lengte tawh kibang uh hi,
9 a vekun a ngongtatsa-in a kuan uh hi.
Sehnel-gama huih bangin a sakolte ^{▼▼1.9 Hebrew in hih kammal a khiatna kician lo hi.} un mainawt uh a,
sehnel bangin thongkiate a khawm uh hi. ^p
10 Kumpite ciamnuihbawl uh a,
gam-ukte a selpho uh hi. ^q
Kulh a ki-um khuapite nuihsan uh a,
lei sungvumin laziau uh hi. ^r
11 Tua ciangin huih nung bangin paisuak uh a -
amau hatna pasian-a a nei mikhialte ahi uh hi,” ci-in a dawng hi.

Habakkuk Nihveina Phun

12 TOPA aw, mong nei lo hi lo na hi hiam? ^s
Ka Pasian, keima Siangtho Pa, ka si kei ding uh hi. ^t
TOPA aw, kote thukhen dingin amaute na seh hi; ^u
ka Suangpi aw, amaute dan pia dinga na kipsak ahi hi. ^v
13 Gitlohna et nadingin na mitte ciim lua-a, ^w
khialhna na thuak zo kei hi.
Tua ahileh bang hangin a zuautatte thuakzo lai na hi hiam? ^x
Bang hangin migilote in
amaute sanga a thumaanzawte a valhtum laitakun dai hithiat na hi hiam? ^y
14 Nang in tuipi sunga ngasa bangin mite na bawla,
a uk om lo tuipi sunga ganhing bangin na bawl hi.
15 A gilo a galte un a vekun ngathang tawh kaikhia uh a,
a len uh tawh huai khinin,
a domlen un a khawm uh hi;
tuateh amah nuamin a lungdam hi.
16 Tua ahi ciangin a len ah ki-ap a,
a domlen gimnamtui a hal hi; ^z
ahang in, a len uh hangin noptat zo uha,
an a duh bangbang uh a ne uh hi.
17 Amah in minamte lainat het lo a, ^aa
susiasia-in a lente hawmsak lailai ding ahi hiam?