Hebrews 9
Lei Biakbuk-a Biakna
1Thukhun masa in biakna-a zat ding zuihtawm ngeina le leitung mun siangtho zong a nei hi. 2Biakbuk khat a kilam hi. Tua buk dei masa ah meivak tunna, sabuai le a ki-apsa anlum om a, Mun Siangtho kici hi. 3Puanzak nihna nungah Mun Siangtho Pen kici inndei khat a om hi. 4Tua mun ah gim namtui halna kham biakna-tau le kham a kizut thukhun singkuang a om hi. Hih sing kuang sungah manna koihna kham bel, asel Aron ciangkhut le thukhun kigelhna suangpekte a om hi. 5Singkuang tungsan ah thoihdamna mun limsunin Minthanna cherub-te ▼▼9.5 Tang ngeina-in lainatna tokhom
a om hi. Ahi hangin hih nate tu-in i sut ditdet zo kei ding hi. 6 Hih bangin na khempeuh a kigualh diudeu khit ciangin siampite a nasepna uh sem dingin dei puanung sungah a hunhunin a lut den uh hi. 7Ahi hangin inndei sung nung pen sungah tulpipa bek lut-a, kum khatin khatvei bek lutin amahmah ading le mite in a theih loh man-ua a bawl uh mawhnate tang dingin sisan a tawi lo ngei kei hi. 8Hih thu hangin biakbuk masa pen a om laiteng Mun Siangtho paina lampi kilak nai lo tadih hi, cih Khasiangtho in hong lak hi. 9Hih pen tu hun ading etsakna hi-a, letsongte le biakpiakna-a kipiate in hih biakna a piate kitheihna lungsim a siangsak thei kei hi, cih lahna ahi hi. 10Tuate nek le dawn a kisitna ngeina tuamtuam lel hi-a, biakna ngeina thak hong tun mateng-a zat ding zuihtawm ngeina bek ahi hi. b Christ Sisan
11 Hih lai-a omsa a na hoihte tawh tulpi dinga Christ hong pai lai-in ▼▼9.11 Khutgelh masa pawlkhatah hong tung ding
piansak na laka kihel lo, mihing khuta kibawl lo, a lianzaw le a kicianzaw biakbuk sungah a lutsuak hi. 12Amah, keelte le bawngnote sisan tawh lut lo-a, ama sisan mahmah tawh khatvei-a cin ding, tawntung tatkhiatna ngahsa in Mun Siangtho Pen ah a lut hi. 13Biakna ngeina-a a sianglote tungah keelte, bawngtalte sisan le bawngla-vute kithehin amaute kisian suah a, tua bangin a puatham uh a siang hi. 14Tua ahileh tawntung Kha tungtawnin amahmah kawk baang lo a; Pasian tunga kipia Christ sisan in sihna hong tun nasepna ▼▼9.14 Ahikeh amawkna gelna panin
panin a nungta Pasian na i sep theih nadingin i lungsim kitheihna hong siangsak zawtham lo ding ahi hiam! e 15 Hih thu hang mahin thukhun thak palai Christ hong hi-a, a kisam mite in a kiciamsa tawntung gouluahna a ngah theih nadingun, thukhun masa nuai-a a bawlsa uh mawhnate pan a suaktasak dingin tu-in tatman dingin amah hong si zo hi. f 16 Thusiah ▼▼9.16 Greek lai-a tawh kibang thukhun; tg. 17 ah zong
tawh kisai peuhmah ah, a thusiahpa a sihna theihcian ding kisam hi; 17bang hang hiam cih leh a thusiahpa a sih khit ciang bekin a thusiah kizang thei pan hi; a thusiahpa a nuntak sungin a kizang thei ngei kei hi. 18Thukhun masa na ngawn zong sisan lo-a a na hih theih lohna hih thu hang mah ahi hi. 19Moses in mite khempeuh tungah thukham in a piak thu teng a tangko lai-in, bawngnote sisan le tui, samul dupsan le puknah hiangte in laizial le mite khempeuh theh khawm hi. 20Amah in, “Hih in Pasian in note zuih dinga hong piak thukhun sisan ahi hi,” ▼▼9.20 Pk. 24:8
ci hi. 21Tua mah tawh kibangin, biakbuk le biakna ngeina-a kizang na khempeuh sisanin a theh hi. 22A taktakin thukham in na khempeuh phial sisan tawh siansak dingin kal-a, sisan kibua loin mawh maisakna a om kei hi. i 23 Tua ciangin hih biakpiaknate zangin vantunglam nate kibatpihte siansuah a kul ahi hi. Ahi hangin vantunglam nate mahmah, hihte sanga biakpiakna hoihzaw ahi hi. 24Ahang in, Christ ahileh a taktak tawh a kisun bek, mihing bawl a siangtho mun ah a lut kei hi; Pasian mai-ah eite tanga a va kilang dingin vantung mahmah ah a lut khin zo hi. 25Tulpi in ama sisan ahi lo sisan tawisa in Mun Siangtho Pen ah kum simin a lut bangin vantungah Christ a lut kikkik kei hi. 26Tua bang hi hileh leitung kipiansak nungsang Christ in tamveipi a na thuak kul ding hi. Ahi hangin tu-in khanghunte bei hunin khatvei-a kimang den mawh maisak nadingin amahmah biakpiakna-in hong kilang zo hi. 27Mihing adingin khatvei sih ding laitansa hi-a, tua khit ciangin thukhenna a thuak ding hi. 28Tua bang tektek in Christ zong mi tampi mawhnate lakhiamang dingin khatvei biakpiakna in kipia zo hi; tua hi-a mawhna a pua ding hi nawn lo, amah a ngak mite hotkhiatna puak dingin a nihveina hong kilang ding hi. j
Copyright information for
ZomZIV