Hosea 1
1Judah kumpi Uzziah, Jotham, Ahaz le Hezekiah-te a man laitak le Israel kumpi Jehoash ▼▼1.1 Hebrew Joash pen Jehoash tawh kilamdang lo
a tapa Jeroboam a man laitakin Beeri tapa Hosea tungah TOPA thu tunga: b Hosea’ Zi le A Tate
2 TOPA in Hosea tungtawna thugen a kipat ciangin TOPA in ama kiangah “TOPA kiang panin kihemkhia-in hih gamah kizuakna nasia lua ahi manin nang mahmah pai inla a angkawm zi le a muanhuai lo tate la in.” a ci hi. 3Tua ciangin amah in Diblaim tanu Gomer tenpih a tuanu gai-in amah tawh tapa khat a nei hi. 4 Tua ciangin TOPA in Hosea kiangah, “Amah Jezreel ci in, bang hang hiam cih leh Jezreel ah mi phengthahna hangin Jehu innkuante dan ka tuaksak baih dinga Israel kumpi gam ka beisak ding hi. 5Tua ni ciangin Jezreel Kuam ah Israel thalpeu ka kuaitan ding hi.” a ci hi. c 6 Gomer in nau paii kik a, tanu khat a nei hi.Tua ciangin TOPA in Hosea kiangah, “Keimah in Israel innkuan tungah ka itna lak nawn loin maisak nawn peuhmah lo ding ka hi manin tuanu min Lo-Ruhamah ▼▼1.6 Lo-Rubamah pen it lo cihna
ci in. 7Ahi zongin Judah innkuan tungah ka itna ka lak ding hi; amaute ka hon ding hi - thal tawh hi lo, namsau ahikeh galsimna tawh hi lo, sakolte le sakol-tuangte tawh hi loin, TOPA a maute Pasian tawh ka hon ding hi,” a ci hi. e 8 Lo-Ruhamah nawi a dek khit ciangin Gomer in tapa dang khat a nei hi. 9Tua ciangin TOPA in,”Note ka mite na hi kei uh a, keimah note Pasian hi lo ka hi manin ama min Lo-Ammi ▼▼1.9 Lo-Ammi pen keima mite cihna
phuak in.” g 10 “Tua hi napi Israel-te a kiteh thei lo, a kisim thei lo tuipi gei-a sehnel a bang ding uh hi. Amaute tungah, ‘Note ka mi na hi kei uh hi,’ a kicihna munah a maute, ‘A nungta Pasian tate kici ding hi,’ ci hi. 11Judah mite le Israel mite kigawm kik ding uh a, amaute makai khat kisehin amau gam panin paikhia to ding uh ahi manin tua ni Jezreel ni lianpi ni hi ding hi.
Copyright information for
ZomZIV