Hos 5 | ZomZIV | STEP | “No siampite in hih thu za un! No Israel-te in thupi sim un! Kumpi innkuante aw, ngai un! Hih in no tunga thukhenna ahi hi. Mizpah ah thang khat na suak khin uh a, Tabor tungah len kizaak na suak uh hi.

Hosea 5

Israel Langah Thukhenna

1 “No siampite in hih thu za un!
No Israel-te in thupi sim un!
Kumpi innkuante aw, ngai un!
Hih in no tunga thukhenna ahi hi. ^a
Mizpah ah thang khat na suak khin uh a, ^b
Tabor tungah len kizaak na suak uh hi.
2 A lehdote mi nak thah mahmah uh hi. ^c
Amaute khempeuh ka sektat ding hi.
3 Ephraim thu khempeuh ka thei hi;
kei kiang panin Israel a kisel kei hi.
Ephraim, nang tu-in na kizuak khin hi;
Israel kisia gawp hi. ^d
4 “Amau gamtatnate in amaute
Pasian lamah a kihei ding uh phal lo hi.
Amaute lungsim ah kizuakna kha om hi; ^e
amaute in TOPA a phawkkha kei uh hi. ^f
5 Israel’ kisaktheihna in amaute langah teci pang hi; ^g
tua Israel-te, Ephraim-te nangawn amau mawhna-ah a muktu uh hi;
Judah zong amaute tawh a muktu khawm hi. ^h
6 TOPA zong dingin amaute a tuuhonte uh le
a bawnghonte uh tawh a kuan uh ciangin ⁱ
amah a mu kei ding uh hi;
amaute kiang panin amah nungkik zo hi. ^j
7 TOPA tungah amaute muanhuai lo uh a; ^k
zawlta a nei uh hi. ^l
Tu-in amau Kha Thak pawite in ^m
amaute le a lote uh a valhtum ding hi. ⁿ
8 “Gibeah ah pengkul mut unla, ^o
Ramah ah saki mut un, ^p
Beth Aven ^{▼▼5.8 Beth Aven pen gitlohna inn cihna (Bethel min khat hia, Pasian inn cihna hi)} ah galsimna aw gingsak unla ^r
Benjamin aw, mai nawt in.
9 Kisittel ni ciangin
Ephraim kisiagawp ding hi.
Israel behte lak ah
a hi ding lian ka tangko hi.
10 Judah makaite ahileh
kigisuang khinte tawh kibang uh hi.
Keimah in amaute tungah tuikhang bangin
ka thangpaihna ka sung khia ding hi. ^s
11 Ephraim kinuainet hi,
tuancilin thu kikhena,
Milimte ^{▼▼5.11 Hebrew in hih kammal khiatna kicianlo hi.} nung zuih sawm hi.
12 Ephraim ah ngetpi khat ka bang a,
Judah mite adingin muatna tawh ka kibang hi.
13 “Ephraim in a cinatna mu a, ^u
Judah in a meimate a muh ciangin
Assyria lamah Ephraim kihei a, ^v
a lian kumpipa kiangah huh ding a vai khak hi. ^w
Ahi hangin amah in nang hong damsak thei lo a,
na meimate a damsak thei kei hi.
14 Ahang in, Ephraim adingin humpinelkai lianpi khat ka bang ding a, ^x
Judah adingin humpinelkai lianpi khat ka bang ding hi.
Amaute balnenin ka paikhiamang ding hi; ^y
kuama hut lohin amaute ka puakhiamang ding hi;
15 Tua ciangin amaute in a khialhna uh
mawh a kisak matengun ka omna munah ka pai kik ding hi;
Tuateh amaute in ka maitang hong zong ding uh hi;
a gentheihna uah citakin kei hong zong ding uh hi,” a ci hi.