Isa 13 | ZomZIV | STEP | Amoz tapa Isaiah in Babylon tawh kisai thusuak a muhna:

Isaiah 13

Babylon Langah Genkholhna

1 Amoz tapa Isaiah in Babylon tawh kisai thusuak a muhna: ^a

2 Mualdawn kui ah dialkhai khat khai inla, ^b
kongpi-ah uliante a lut nadingin
otsan-in
amaute khutvan un.
3 Ka misiangthote ka sawl khin hi;
ka thangpaihna a suahkhia dingin ^c
ka gualzawhna nuam a sa - ^d
ka galte ka sam khin hi.
4 Mualtunga mihon tampi gamlumna tawh
a kibang ngai dih un! ^e
Ngai un, kumpi-gamte laka kikona
minamte kikaikhawm tawh kibang veh! ^f
Thahatpen TOPA in gal sim dingin
galkap kaikhawm hi. ^g
5 Vante mong pan -
gamlapi-a gamte panin ^h
TOPA le ama thangpaihna galhiamte tawisa in ⁱ
gambuppi susia dingin amaute hong kuan uh hi. ^j
6 TOPA ni naita ahi manin kap vangvang un; ^k
Thahatpen ^{▼▼13.6 Hebrew ah Shaddai} pana suksiatna hong tung ding hi.
7 Hih thu hangin khut khempeuh zaw dinga ^m
mihing lungsim peuhmah tuisuak khin ding hi.
8 Lauthawngna in amaute man dinga, ⁿ
lunggimna le a na valval in amaute mekcip ding hi; ^o
amaute numei nausuahnat thuak a bang ding uh hi. ^p
Lamdang sa-in khat le khat kisal gega ding uh a,
a mai uh a san lela ding hi. ^q
9 En in, thangpai lua-a hehna tawh
leitung gamkhing suaksakin
a sunga om mawhneite a susia dingin TOPA ni -
a gilo ni hong tungta hi. ^r
10 Vantunga aksite le amau vuklamte
a tang kei ding uh hi.
Nisuak kimlai kimialsak dinga ^s
khapi zong a tang kei ding hi. ^t
11 Leitung-a tatsiatna hang le
migilote mawhna hangin dan ka thuaksak khawm ding hi. ^u
Mi kiphasakte’ ki-uatsakna beisakin, ^v
mi gamhtatte kisaktheihna ka niamkhiat ding hi. ^w
12 Keimah in kham citak sangin a ciimzaw, ^x
Ophir kham sangin a citawmzaw in mihingte ka bawl ding hi. ^y
13 Tua ahi ciangin Thahatpen TOPA thangpai a, ^z
ka hehna a kuan ciangin ^aa
vante ka lingsak dinga ^ab
leitung a omna munah a kilok ding hi. ^ac
14 A kidelh sanang bang le
a cing om lo tuu bangin mite, ^ad
amau mipihte kiangah ciah kik ciat ding uh a,
amau pianna gam ciatah a tai ding uh hi. ^ae
15 A kiman peuhmah kidawtlet dinga,
a kikhutmat peuhmah namsau-in a puk ding uh hi. ^af
16 A tangeekte uh amaute muhin kidengzan dinga;
a innte uh kiluhsakin a zite uh a kibuansak ding hi. ^ag
17 En un, amaute do dingin ngun a thudon lo,
kham a lungkimpih lo
Midia-te ka hanthawn ding hi. ^ah
18 A thalte un khangnote khatuk dinga; ^ai
naungeekte lainat loin naupangte ^aj
a khuatuah tuan kei ding uh hi.
19 Kumpi-gamte’ suangmanpha Babylon,
Babylon-te ^{▼▼13.19 Ahikeh Chaldea-te} kisaktheihpih minthanna,
Sodom le Gomorrah bangin
Pasian in a lawnthal ding hi.
20 Ama sungah kiteng ngei nawn loin
khang tawntung kuamah a teng kei ding hi;
Arabia-te in tua lai-ah a puanbuk uh lam loin, ^al
tua lai ah a tuu uh a khawlsak tuucing a om kei ding hi.
21 Ahi hangin sehnel gam ganhingte tua lai-ah lumin, ^am
se-al in a bu a dimsak ding hi;
tua lai-ah simbute giakin
sathakte a diang ding uh hi.
22 Gam-uite a kua muanhuai sunguah kual ding uh a, ^an
se-alte amau kumpi inn nuam sungah a kual ding uh hi. ^ao
Tuanu hun nai mahmah a, ^ap
ama nite a kisot nawn kei ding hi.