Isa 18 | ZomZIV | STEP | Cush gunte dunga a khazap ging zuahzuah

Isaiah 18

Cush’ Langah Genkholhna

1 Cush ^{▼▼18.1 Tua in Nile khunglam kuam} gunte dunga
a khazap ^{▼▼18.1 Ahikeh kauphete} ging zuahzuah
2 tuipi tui tungah singteh gunkuang in
thupuaka a sawl gam in gimna thuak ta hen. ^c
Kamtaite aw, a tunsang a cinel mite,
a nai a gamla-a a kikihtate,
kam lamdang zanga galphuang minamte ^d
a gam uh gunte in a khenkhapte kiangah
manlangin va pai un. ^e
3 Leitung mite khempeuh,
leitunga tengte khempeuh aw,
mualtung ah dialkhai a kikhai ciangin ^f
na mu ding uh a,
pengkul a kimut ciangin
na za ding uh hi.
4 TOPA in kei tungah,
“Nitang sunga a lum hiuhiau bang le ^g
anlak nisa-a daitui a paii meii bangin dai dide in
ka tenna munah ka om ding hi,” hong ci hi. ^h
5 Ahang in, anlak hun ma a pakteng a pulh khit ciangin
a pak teng lenggah min a suah ciangin
singheuhna tem in a meng teng heuhkhia dinga,
phukin a hiang zaam teng a lakhiamang ding hi.
6 Mualtung vasate le gamsate an dingin
amaute kinusia dinga;
vasate in khuakhal sung ne in
gamsate in phalbi sung a ne ding uh hi.

7 Tua hun ciangin Thahatpen TOPA tungah letsong kipuak dinga,

a tunsang a cinel mite pan, ⁱ
a nai a gamla-a a kihtakte pan ^j
pautuam zang galphuang minam pan le
a gam uh gunte in a khenkhapte panin

Thahatpen TOPA min omna mun Zion Vum ah letsong a kipuak ding hi. ^k