Isa 28 | ZomZIV | STEP | Ephraim-a zukhamte kisaktheihpih a minthang a mel hoih lei hoihna kuam, lutunga kikhusak pakkual le - zudawnna hanga a khua uh a niamsakte tungah gimna tungta hen!

1 Ephraim-a zukhamte kisaktheihpih
a minthang a mel hoih lei hoihna kuam, ^a
lutunga kikhusak pakkual le - ^b
zudawnna hanga a khua uh a niamsakte tungah
gimna tungta hen!
2 En un, Topa in a vanglian a thahatpa khat a nei hi.
Amah in huihpi, gialpi le a mutsia thei huih bang, ^c
guahciin le tuikhang let bangin
leitung a denna suk ding hi.
3 Ephraim’ zukhamte kisaktheihpih pakkual,
khepek nuai-ah a kituancil ding hi.
4 Leihoihna kuam lutunga kikhusak tua a vul pak,
a mel hoih a minthanna,
anlak hun ma-a thei min tawh kibang ding a - ^d
mi khatpeuh in a muh phetin lo pahin
a valh pah tawh kibang ding hi.
5 Tua ni ciangin Thahatpen TOPA,
a baanglai a mite adingin
minthanna lukhu,
a melhoih pakkual hi ding hi. ^e
6 Amah in thukhen dinga tute tungah
amah thutang kha hi-in
kongpi-a galte a lehnawhte tungah
hatna bulpi hi ding hi. ^f
7 Hihte zong zu hangin pai buatbuat uh a, ^g
zucil hangin a hoihoi uh hi: ^h
Zucil hangin siampite le kamsangte pai buatbuat uh a, ⁱ
zu in haisakin
zucil a hoipih dangdang uh hi.
Mang a muh laitakun hi buatbuat uh a, ^j
thu a khensat ding uh ciangin a muktu uh hi.
8 Sabuai tung khempeuh luak dima, ^k
nin omlohna mun khat beek a om kei hi.
9 “Amah in hilh a sawm kua ahi hiam? ^l
Amah in a thupuak kua tungah telgen sawm ahi hiam? ^m
Ang tawh kikhen khin phet
nawi goih lai naupangnote tung ahi hiam? ⁿ
10 Ahang in, tua pen:
khat sep khit teh khat, khat sep khit teh khat,
uk khat tungah uk khat, ^{▼▼28.10 Hebrew /sav lasav lasav / kav lakav kav lakav (khiatna a nei lo awging hi kha ding hi; kamsangte kicinna kammal hi kha ding hi.) tg.13 ah zong} uk khat tungah uk khat
hih lai-ah tawm khat hua lai-ah tawm khat cih bang lel ahi hi,”
11 Tua ahileh hoih mahmah hi, gamdang mite muk le kamtuam dang tawh
Pasian in a mite hopih ding a, ^p
12 amaute tungah,
“Hih in khawlmun ahi hi, a gimte khawl ta hen,” ci a,
“Hih in tawlngakna mun ahi hi”
ci napi amaute in a ngai kei uh hi.
13 Tua ciangin TOPA kammal amaute tungah,
khat sep khit teh khat, khat sep khit teh khat
uk khat tungah uk khat, uk khat tungah uk khat;
hih lai-ah tawm khat hua lai-ah tawm khat
a cih suak lel a - amaute pai-in a tawtolh nading uh,
liamin thangah awka a kimat nading uh a suak hi. ^q
14 Tua ahi ciangin no Jerusalem a hih mite a uk mi simmawhte aw, ^r
TOPA kammal za un.
15 No mi kiphasakte in, “Sihna tawh thukhun khatah i lut khin a,
hankhuk ^{▼▼28.15 Hebrew in Sheol tg.18 ah zong} tawh thuciam i bawl khin hi.
Siatna tuihual in hong nawk ciangin
hong sukha lo ding hi,
ahang in zuauphuahna i beel a, ^t
zuauthu ^{▼▼28.15 Ahikeh zuau pasiante} ah i bu hi,” na ci uh hi. ^v

16 Tua ciangin Thupipen TOPA gen hih ahi hi:

“En un, a kizia-etsa,
inn bulpi dinga a muanhuai,
suang manpha suangtum khat Zion ah ka nga khin hi; ^w
a muang mi peuhmah a zahlaak ngei kei ding hi.
17 Keimah in thutanna khaukhai ka suaksak dinga, ^x
thumaanna saval-bawk ka suaksak ding hi; ^y
zuauphuaka na bukna uh gialpi in nuaimang dinga,
na bukna mun uh tui in a tuum ding hi.
18 Sihna tawh na thukhun uh a mawkna suak dinga;
hankhuk tawh na thuciam uh a kip kei ding hi.
Siatna tuihual in hong nawk ciangin ^z
note hong sattuk ding hi. ^aa
19 Hong nawk sialsialin note hong taimang ding hi; ^ab
zingsang khat khit zingsang khat sun le zanin
hong nawk den ding hi.”
Hih thupuak theihtelna in
lauthawngna ngentang hong tun ding hi.
20 Na khekhuan nadingin lupna tomlua dinga,
na kituam nadingin puanza neu lua ding hi. ^ac
21 Perazim Vum a, a hih bangin TOPA ding to dinga,
Gibeon Kuama a heh bangin amah heh in -
ama nasep, a nasep lamdang semin ama bawl, ^ad
a bawl a piandang a bawl ding hi.
22 Na ciamnuih bawlna na tawp kei leh
na sikkhainiang a gikzaw ding hi;
Topa, Thahatpen TOPA in gam buppi kisiat nading
thukhensat-na kei tungah hong gen khin hi.
23 Ngai inla ka aw za in:
limtak ngai-in ka thugen za in.
24 Lokhopa in ankungno suan nading lo a khawh ciangin kho zom denden ahi hiam? ^ae
A leikhalte velkhamin lei hoihte zelh niloh ahi hiam?
25 Lei maitang a maihtam khit ciangin caraway vawhin,
cummim theh hi lo ahi hiam?
Mangbuhte ama munah ^{▼▼28.25 Hebrew in hih kammal khiatna kician lo hi.} suanin
mangbuh-ham ama lei ^{▼▼28.25 Hebrew in hih kammal khiatna kician lo hi.} ah,
mangbuh-man a lo ah tuh hi lo ahi hiam? ^ah
26 A Pasian in lamlak a
thumaan lampi a hilh hi. ^ai
27 Buhcilna set-in caraway kicil lo a, ^aj
Cummin tungah lengpei a kihual kei hi;
ciangkang-in caraway kisatkhia a, ^ak
cianggolhin cummin kisatkhia hi.
28 Anlum-a bawl dingin antang kigawizan a
tuaci in kuamah in a cil denden kei hi.
Amah in ancilna lengpei a tungah a hawl hangin ^al
a sakolte in a gawi kei uh hi.
29 Hihte khempeuh zong Thahatpen TOPA pana pai hi in,
a lamlahna lamdangin a pilna thupi diak hi.