Isa 31 | ZomZIV | STEP | Egypt huh nading deiha a paisukte, sakolte tungah kinga-in sakolleng tampite le a sakol-tuangte uh thahatna muanga Israel-te siangtho Pa en lo ahikeh TOPA tung pana huhna a zong lote tungah gimna tung ta hen.

Isaiah 31

Egypt Tunga Kingate’ Gimna

1 Egypt huh nading deiha a paisukte,
sakolte tungah kinga-in
sakolleng tampite le a sakol-tuangte uh thahatna muanga
Israel-te siangtho Pa en lo
ahikeh TOPA tung pana
huhna a zong lote tungah gimna tung ta hen. ^a
2 Tua hi napi amah zong pil a, gimna a tungsak thei hi; ^b
amah in a kammal a dokkik kei hi. ^c
A kheltatte innkuante le
migilote a huhte langah a pang ding hi.
3 Ahi hangin Egypt mite mihing hi-a, Pasian hi lo uh hi; ^d
amaute sakolte ci-le-sa hi-a, kha ahi kei hi. ^e
TOPA in a khut a zankhiat ciangin, ^f
a huhpa muktu dinga
a kihuhpa a puk ding hi;
a nih un a mangthangkhawm ding uh hi.

4 TOPA in kei tungah hong gen hih ahi hi:

“Humpinelkai humham in, ^g
humpinelkai lianpi a sa nek tungah bok a -
amah nawhkhia dingin tuucing buppi
a kikaihkhop uh hangin
amau otna in lausak loin,
amau husa in a nawngkaisak zawh loh bangin,
Zion Vumte le a sannate ah galdo dingin
Thahatpen TOPA hong kuansuk ding hi. ^h
5 Vasa a bu tung sanah a lamlam bangin
Thahatpen TOPA in Jerusalem a dal ding hi; ⁱ
amah in dalin hu dinga,
amah in ‘paisanin’ a suaktasak ding hi,” ^j

6 Nakpi taka a lehdo Israel mite aw, ama kiangah kileh kik un. 7 Ahang in, tua ni ciangin note khempeuh in mawhna tawh a dim khut in a bawlsa ngun le kham milimte na nial ding uh hi. ^k

8 “Assyria lah mi tawi loh namsau-in puk dinga,
mihing aa ahi lo namsau khat in a valhtum ding hi. ^l
Namsau mai-ah amaute tai ding uh a,
a tangvalte uh zawhtawh thu-in na kisemsak ding hi.
9 Amaute mun muanhuai launa hangin puk dinga
a galte uh dialkhai a muh uh ciangin a galkap mangte uh a tai ding uh hi.”
a meikuang Zion-a om pa
Jerusalem-a pummei neipa
TOPA in cikhia hi. ^m