Isa 35 | ZomZIV | STEP | Sehnel-gam le gamgawtak a nuam ding hi; gamsimthamte lungnuamin a palhkhia ding uh hi. Mualheuh-pak bangin

Isaiah 35

Tatkhiatna hanga Lungnopna

1 Sehnel-gam le gamgawtak a nuam ding hi; ^a
gamsimthamte lungnuamin a palhkhia ding uh hi. ^b
Mualheuh-pak bangin 2 a pak uh kakhia dinga; ^c
nuam lua mahmah in lungdamin kiko ding uh hi. ^d
Lebanon minthanna kipia dinga, ^e
Carmel le Sharon thupina a kipia ding hi; ^f
amaute in TOPA’ minthanna le
Pasian thupina a mu ding uh hi. ^g
3 A thazaw khutte khauhsak unla,
a zaw khukte kipsak un; ^h
4 A lauthawng mite tungah, ⁱ
“Kihatsak un, lau kei un; ^j
na Pasian uh hong pai dinga
phula dingin hong kuanin
a siangtho dantuahsakna tawh
note hong hon ding hi,” ci un. ^k
5 Tua ciangin mittawte mit kihonsak dinga ^l
bengngongte’ bil a kivaksak ding hi. ^m
6 Tua ciangin khebaite sazuk bangin diang ding uh a, ⁿ
a pau thei lote lungdamin a awng ding uh hi. ^o
Gamsimtham ah tui phulkhia dinga
sehnel-gam ah lui a luang ding hi.
7 A sa mahmah sehnel, bualtui suak dinga,
leigawtakte ciktui phulna a suak ding hi. ^p
Khatvei lai-a ngiate lupna munah
lopa, pumpeng le mau a po ding hi. ^q
8 Tua lai-ah lam lianpi om dinga,
Sianthona lampi a kici ding hi. ^r
A sianglo mite in tua ^{▼▼35.8 Ahikeh mi melmawlte tua mun pan a gammang nawn kei ding uh hi.} tung tawn lo ding uh a; ^t
tua Lampi tawnte ading tua bang ahi ding hi;
a tatsia mihaite in tua tung a tawn kei ding uh hi.
9 Tua lai-ah humpinelkai om loin, ^u
tua tungah sasialne ganhing khatpeuh a pai kei ding hi; ^v
tua munah tuate a kimu kei ding hi.
Ahi hangin tatsate bek tua lai-ah pai ding uh a, ^w
10 TOPA in tatman a piaksate hong ciah kik ding uh hi. ^x
Amaute lasa kawmin Zion ah a lut ding uh hi;
amaute lutungah a tawntungin lungnopna khu ding uh hi. ^y
Nopsakna le kipahna tawh kidim ding uh a, ^z
dahna le khuisatna beimang ding hi. ^aa