Isa 41 | ZomZIV | STEP | “No tuikulhte aw, ka mai-ah daitakin om un! Minamte a tha uh dimkiksak un! A mai-ah paisakin gensak un; thukhenna munah kei tawh ka kituak ding uh hi.

Isaiah 41

Israel’ Huhpa

1 “No tuikulhte aw, ka mai-ah daitakin om un! ^a
Minamte a tha uh dimkiksak un!
A mai-ah paisakin gensak un; ^b
thukhenna munah kei tawh ka kituak ding uh hi.
2 “Nasepna ^{▼▼41.2 Ahikeh kalsuan sima gualzopa}-a a thumaan mi kua in hanthawn a
nisuahna panin hong samkhia ahi hiam? ^d
Minamte ama khutah apin
ama mai-ah kumpite uksak hi.
Amah in a namsau tawh amaute leivui suaksak a, ^e
a thalin huih muta leng buhvai a bangsak hi. ^f
3 Amah in a khe uh tawh a pai nailohna uh munah amaute delh a,
bangmah a ci kei uh hi.
4 A tunga kipanin a khangkhangin samkhia a,
lam tawntunga a tonpih kua a hiam?
A tungin amaute a ompih keimah TOPA ka hi a -
a tawpna lah keimahmah ka hi hi.”
5 Tuikulhte in mu khinin lau uh a; ^g
leimongte a ling uh hi. ^h
Amaute kei lam manawhin hong pai-in
6 khat le khat kihuh ciat uh a,
a sanggampa kiangah, “Kihatsak in,” a ci uh hi. ⁱ
7 Khutsiampa in kham seekpa hanthawn a, ^j
sek neu-a a nelsakpa in sekpi-a
a hampi satpa a hanthawn hi.
Sumtui luanpa in, “Hoih hi,” ci-a a kilok lo dingin
siktukkilhin milim kilhcip hi. ^k
8 “Ahi hangin nang ka nasem Israel aw,
kong teelsa Jacob aw,
ka lawmpa Abraham suante aw, ^l
9 leimong panin note kong pikhia-a ^m
a gamlapen kiu panin kong sam hi.
‘Nang ka nasempa,’ kong ci-a
nang hong teel khinin kong nolh kei hi. ⁿ
10 Tua ahi ciangin lau kei un, note tawh ka omkhawm hi; ^o
Na tha uh hong dimsakin kong huh ding hi; ^p
note Pasian ka hi manin kilungneusak kei un.
a thumaan ka taklam khutin kong len gige ding hi.
11 “No tunga hehte khempeuh maizumin
a zahlak taktak ding uh hi; ^q
no hong langneihte bangmah hi loin ^r
a mangthang ding uh hi. ^s
12 Na galte na zon hangin
amaute na mu kei ding hi.
Note langa galphuang nuamte
bangmah lo bang hi ding uh hi.
13 Ahang in, keimah in TOPA note Pasian
na khut taklamun hong lena note kiangah, ^t
Lau kei un, kong huh ding hi,
hong cipa ka hi hi. ^u
14 Tangtel lel Jacob aw,
aneu Israel aw,
keimahmah in hong huh ding ka hi manin kihta kei in,” ^v
note Tanpa, Israel-te Siangtho Pa, TOPA in a cikhia hi. ^w
15 “En un, note a thak a hiam, ^x
ha tampi a nei buhcilna-in kong bawl ding hi.
Mual liante cilin na tuanvui ding uh a, ^y
mual neute buhvai na suah ding uh hi.
16 Na haih ding uh a, amaute huihin lenin
huihpi in a mutmang ding hi. ^z
Ahi hangin TOPA sungah note na lungnuam ding uh a,
Israel-te Siangtho Pa sungah na minthang ding uh hi. ^aa
17 “Mizawngte le a tasamte in tui a zon uh hangin
bangmah a om kei hi; ^ab
a dang uh taka a leii uh a keu hi.
Ahi hangin keimah TOPA in amaute ka dawng ding hi; ^ac
keimah Israel-te Pasian in ka nusia kei ding hi. ^ad
18 Keugawtak lak mualsang ah gunte ka luangsak dinga, ^ae
kuam sungah ciktui ka phulsak ding hi.
Sehnel-gam bualtui ka suaksak dinga, ^af
leikeu, ciktui ka suaksak ding hi. ^ag
19 Sehnel-gam ah tamtak, singkha, mui le olive-te
ka posak ding hi. ^ah
Gamtulte ah tak, hiangpa le taksan
ka posak khawm ding hi; ^ai
20 tua pen mihingte in
TOPA khut in hih bawl khin a, ^aj
Israel-te Siangtho Pa in a piansak ahi hi, ci-in mu a, ^ak
ngaihsun thei in a theihtel nading uh ahi hi. ^al
21 “TOPA in, “Na thu uh sung un,” a ci hi.
Jacob-te Kumpipa in, “Na deihna uh puak un,” a ci hi.
22 “Na milimte uh sungtum unla,
bang piang ding hiam, hong gensak un.
Kote in ngaihsun-a a tawpna ah
a piang ding ka theih nadingun
a beisa huna piangte hong gen uh hen.
Ahikeh kote in nang pasiante na hilam
23 ka theih nadingun a piang ding nate hong telgen unla ^am
mailama piang dingte hong gen uh hen. ^an
Kote lungneu a ka lau nadingun
a sia a pha khat teitei bawl dih un. ^ao
24 Note, bangmah ahi lote nuai-a na hi manun
na nasepte un kimanna a nei peuhmah kei hi;
note hong teelte a kihhuai uh hi. ^ap
25 “Leilu panin mi khat ka kithawisaka hong kuan zo hi -
kei min lo in nisuahtohna panin khat hong kuan hi.
Amah in leisan le leikang pawi bangin gam-ukte cilzan dinga, ^aq
beelseekpa in buan a cil bangin a cil ding hi.
26 Ka theih nadingun a tungin kua in hong gen a,
ahikeh ‘Amah thumaan hi’ ka cih theih nadingun kua in hong magen hiam?
Hih thu kuamah in gen lo,
kuamah in magen lo,
no kiang panin kuamah in kam khat beek a za kei hi. ^ar
27 Zion tungah a gen masapen keimah ka hi a, ‘En in, hih lai-ah amaute a om hi,’ ka ci hi.
Jerusalem a thu hoih a puak kamtaipa ka pia hi. ^{as
,} ^at
28 Ka et hangin khat beek om lo a -
amaute lakah ka thu hong kuppih ding khatbeek om loin, ^au
amaute lakah ka dot cianga hong dawng ding khatbeek a om kei hi.
29 En in, a vekpi un a khial khin uh hi!
Amaute in bangmah ahi lo na tampi a sem uh hi; ^av
a milim sunte uh huih le buaina bek ahi hi. ^aw