Isaiah 46
Babylon’ Pasiante
1Bel kunsuk a, Nebo a kulsuk hi; aamau milimte vangik ▼
▼46.1 Ahikeh gamsate le ganhonte in
pua ganhingte in a pua hi.A kipua milimte vangik mahmah a,
a gimte’ vangik a suak hi. c
2 Amaute kulsukin kunsuk uh a
amau le amau kivanzangsak thei loin
galmat a suak dingin a paikhia uh hi. d
3 “No Jacob innkuante, e
hong kipaii a kipan kong don a,
na suahua kipan kong puak no a omlai f
Israel innkuante khempeuh aw, ka thu ngai un. g
4 Tekin na sam kan dong nangawn keimah in amah ka hi a, h
nang hong pom dingpa ka hi hi. i
Nang kong bawl khina kong pua ding hi;
hong pomin kong hu ding hi. j
5 “Nang in kei kua tawh hong tehin ahikeh a kikimin hong seh na hi hiam?
Nong tehkak theih dingin kua tawh a kibangin hong seh na hi hiam? k
6 Pawlkhatte in ipte sung pan
kham sungkhia-in a tehna ah ngun teh uh a,
kham seekpa cialin pasianin bawlsak uh a, l
a mai-ah kunin a bia uh hi. m
7 A liangko-uah kisuanto-in pua uh hi; n
a omna munah koih uh a tua lai-ah a kitung hi.
Tua mun panin a tangkhia thei kei hi.
Khatpeuh in a sap hangin tua in dawng lo a; o
a haksatna panin a hon thei kei hi. p
8 “No a lehdote aw hih thu ciamteh un,
na lungsimuah belhsak unla na lungtanguah giaksak un.
9 Sawtpek lai-a a piangsa nate phawk un; q
keimah Pasian ka hi a, adang a om kei hi; r
keimah Pasian ka hi a, kei tawh kibang khat beek a om kei hi.
10 A kipat cil pan a tawpna dong ka gen khola,
tanglai huna kipan hong tung lai dingte ka genkhol hi. s
Keimah in: Ka ngimna kip dinga,
ka lungkimna khempeuh ka sem ding hi, ka ci hi.
11 Nisuahna panin sasial ne vasa khat ka sam a,
a gamlapi panin ka ngimna a tangtungsak ding mi khat ka sam hi.
Ka gen khitsa ka piangkhiasak dinga;
ka ngimsa ka sem ding hi. t
12 No lungsim khauhte thumaanna tawh kigamlate aw, u
ka thugen ngai un. v
13 Ka thumaanna note kiang nai-ah kong puak hi,
gamlapi-ah a om kei hi;
ka hotkhiatna a ziakai nawn kei ding hi. w
Hotkhiatna Zion tungah,
ka thupina Israel tungah ka pia ding hi. x
Copyright information for
ZomZIV