Isa 56 | ZomZIV | STEP | TOPA gen hih ahi hi: “Ka hotkhiatna nai mahmah ta a, ka thumaanna hong kilaak pah ding ahi manin thutang zang unla amaanin gamta un.

nMt 21:13*; Mk 11:17*

o Isa 11:12; Jn 10:16

p Jer 12:9

q Na 3:18

Isaiah 56

Midangte ading Hotkhiatna

1 TOPA gen hih ahi hi:

“Ka hotkhiatna nai mahmah ta a, ^a
ka thumaanna hong kilaak pah ding ahi manin ^b
thutang zang unla ^c
amaanin gamta un. ^d
2 Hih bangin gamta in hih thu lenkip a,
Sabbath siasak loin tang a, ^e
gitlohna bawl lo dingin a khut a kem zote
thupha ngah ahi hi,” a ci hi. ^f
3 Ama thu-a TOPA a pawl gamdang mipa in, ^g
“TOPA in a mite panin kei hong khenkhia taktak ding hi,” ci kei hen. ^h
Tuateh cilgeh khatpeuh in, ⁱ
“Kei singkungkeu hi lel ing,” ci-in phun kei hen.

4 Ahang in, TOPA gen hih ahi hi:

“Ka Sabbath tangin
ka lungkimna tel a,
ka thukhun a kiplet cilgehte - ^j
5 amaute tungah ka biakinnpi sung le a kawmte tungah
tanute le tapate sanga a hoihzaw
phawkdenna le minte ka pia ding hi.
Amaute tungah a mang nawn lo ding
a kip tawntung min ka pia ding hi.
6 Tua ciangin ama nasem ding, TOPA min a it ding,
amah a bia ding,
Sabbath tangin a siasak lo ding,
ka thukhun a kiplet,
TOPA pawlin
a beel gamdang mite - ^k
7 tuate ka mualsiangtho ah ka paipih dinga, ^l
ka thungetna inn sungah ka lungnuamsak ding hi.
Ka inn minam khempeuh thungetna inn
a kicih nadingin,
amaute meihal biakna le a biakpiaknate uh ^m
ka biakna-tau tungah a kisang ding hi,” a ci hi. ⁿ
8 Thupipen TOPA -
a kikhenthang Israel-te a kaikhawmpa in:
“A kikaikhawmsa banah a omlaite
amaute kiangah ka kaikhawm lai ding hi,” a ci hi. ^o

Migilote, Pasian’ Mawhsakna

9 Lo sunga om ganhing khempeuh hong pai un, ^p
tulaka om ganhing khempeuh hong pai unla nawmvalh un!
10 Israel galvilte a mit uh taw a,
amaute khempeuh in bangmah a thei kei uh hi;
amaute khempeuh a ham thei lo ui hi uh a,
a tawng thei kei uh hi;
lup bek si uh a,
mang manmanin ihmut nuamsa uh hi. ^q
11 An a hai mahmah uite hi uh a,
kham hun a nei kei uh hi.
Amaute, theihtelna a nei lo tuucingte ahi uh hi; ^r
a vekun amau tum ciatin pai uh a, ^s
amau met nading a zong ciat uh hi.
12 Amaute in, “Hong pai un, zu kong lup ding hi!
I gilpi dimin zucil dawn ni. ^t
Zing ciang pen tuni mah bang dinga ^u
nuamzaw lai tham ding hi,” ci uh hi.