Isa 58 | ZomZIV | STEP | Na aw neih zah sit loin awng in. Pengkul bangin na aw ngaihsak in. Ka mite tungah amaute lehdona le Jacob innkuante tungah a mawhna uh genkhia in.

Isaiah 58

A Dik Antanna

1 Na aw neih zah sit loin awng in. ^a
Pengkul bangin na aw ngaihsak in. ^b
Ka mite tungah amaute lehdona le ^c
Jacob innkuante tungah a mawhna uh genkhia in. ^d
2 Amaute amaana gamta minam le
Pasian thupiak a mangngilh lo bang kekin
ni khat khit ni khat kei hong zongin ^e
ka lampi a thei nuam bangin a om uh hi.
Amaute in thutanga thukhensatna hong ngen uh a,
Pasian a kiangua pai ding a lawp tawh kibang uh hi. ^f
3 Amaute in, ‘Bang hangin nang muh lohin
an tang ka hi uh hiam? ^g
Nang theih lohin bang hangin
kote kiniamkhiat ka hi uh hiam?’ ci uh hi. ^h
“Tua hi napi na antan ni-un no nopsak bangin na na sem uh a,
na nasemte khempeuh uh na nuaisiah uh hi.
4 Na antanna uh kitotna le kilaina-in bei a, ⁱ
khat le khat khuttuma kitupna-in na zang uh hi.
Tuni-a bangin an na tang uh a,
a sangna-ah na aw uh hong kizak ding na lamen kei uh hi. ^j
5 Kei teel antanna in ^k
mi khat amah le amah ni khat sung kiniamkhiat lel ding ahi hiam? ^l
Pumpeng bangin a lu kun a ippi puan silhin
vut laka lup lel kei deih antan nam ahi hiam? ^m
TOPA san theih ding
ni khat sung antan na cih uh tua ahi hiam?
6 “Kei teel antan hih bang nam ahi hi: ⁿ
A thutang lo khainiangte kolsak nading le
hakkol khaute phel nading,
a kinengniamte khah nading le ^o
hakkol peuhmah suktan nading hi lo ahi hiam? ^p
7 Gilkial mite an vaka mizawng kawivakte omna guana ^q
guaktanga omte na muh uh ciangin puan guana, ^r
note si le sa taktak ahi mite
na kiheisan lohna uh hi lo ahi hiam? ^s
8 Tua ciangin na khuavak uh phalvak bangin suakkhia dinga,
na damsakna uh kilangkhia pah ding hi; ^t
tua ciangin na thumaanna ^{▼▼58.8 Ahikeh note thumaan Pa} uh na mai-uah pai dinga, ^v
TOPA minthanna in note nungah hong dal ding hi.
9 Tua ciangin TOPA na sam ding uh a amah’n hong dawng ding hi; ^w
huhna na ngen ding uh a, amah in: Hiah ka om hi, hong ci ding hi.
“A kinengniamte hakkol paih mangsak in,
khutme in mi kawk lo a, mi nat nading kampau loin ^x
10 gilkialte tangin nangmah kizang a,
a kinengniamte gil na vahsak leh ^y
tua ciangin khuamial lakah na khuavak tangin ^z
note zan hun sun tawh a kibang ding hi.
11 TOPA in hong makaih tawntung ding hi; ^aa
keugawgam ah na kisapna hong kicingsak dinga,
na guh na tang a khauhsak ding hi. ^ab
Kicingtaka tui a ngah huan tawh na kibang dinga, ^ac
tui a kang ngei lo ciktui na bang ding hi. ^ad
12 Na mite un, tanglai-a kisia khuapite lam kik ding uh a, ^ae
tangtawnga kisia bulkipte a zomto ding uh hi; ^af
Note, Kulh Kicimsa Puahkikte,
Ten nadinga Lampi Puahphate, hong kici ding hi. ^ag
13 “Sabbath palsat loh nadingin na khe na kep a,
ka ni siangtho ni nang nopsak bangin zang lo-a,
Sabbath ni a deihhuai ni le
a pahtawi huai TOPA ni siangtho hi ci a, ^ah
nang deih bang zui loin
nang nopsak bangin gamta lo a, na mot paupau kei leh
14 tua ciangin TOPA sungah lungnopna na mu dinga, ^ai
leitung a sangnate ah hong khaangto-in ^aj
na pa Jacob luahte-in kong vak ding hi,” ^ak

TOPA kam in cikhia khin hi.