Isa 66 | ZomZIV | STEP | TOPA gen hih ahi hi: “Vantung ka tokhom hi a, leitung ka khe-ngakna ahi hi. Kei adingin na lam ding uh inn koi lai-ah om ahi hiam? Ka tawlngak nading mun koi lai ahi hiam?

“Vantung ka tokhom hi a,
leitung ka khe-ngakna ahi hi. ^a
Kei adingin na lam ding uh inn koi lai-ah om ahi hiam? ^b
Ka tawlngak nading mun koi lai ahi hiam?
2 Hih nate khempeuh ka khut in a bawlsa hi a, ^c
tua ciangin tuate na-a hong om hi lo ahi hiam?”

TOPA in ci hi.
“Ka thupi ngaihsut hih mipa ahi hi:
kiniamkhiatin a lungsimin kisika ^d
ka thu hanga a lingpa ahi hi.
3 Ahi hangin bawngtalin biakna a piapa
mi thatpa tawh kibanga,
tuuno khat go-a biakna a pia peuhmah
ui ngawngtanpa tawh kibang hi;
an-a biakna a pia peuhmah
vok sisan piapa tawh kibanga,
tuateh phawkna-a gimnamtui a hal peuhmah ^e
milim biapa tawh kibang ahi hi.
Amaute in amau deih zia le tong teel khin uh a, ^f
amaute hinna in a kihhuaite nuam sa uh hi;
4 tua ahi ciangin amaute ka bawlsiat nadingin haksatna ka teel dinga
amaute kihtak pen amau tungah ka tungsak ding hi. ^g
Ahang in, ka sap ciangin kuamah in hong dawng lo uh a, ^h
ka gen ciangin kuamah in a ngai kei uh hi.
Amaute in kei muhin gitlohna sem uh a,
kei hong lungkimsak lo nate a teel uh hi,” a ci hi. ⁱ
5 No ama thu hanga lingte aw,
TOPA kammal za un:
“Na sanggamte un keima min hangin
hong mudahin hong hawlkhia uh a,
‘Na lungnopna uh i muh theih nadingin
TOPA kiminthangsak hen!’ ci uh hi.
A tua cih uh hangin amaute a kimaizumsak ding hi. ^j
6 Khuapi pana husa za unla,
biakinnpi pana gamlumna za un!
Tua in, TOPA in a galte
amau thuak dinga kilawma a thuhna awging ahi hi. ^k
7 “Tua nu in nausuahnatna a thuak ma-in
nau suaka,
a tungah natna a tun ma-in
tapa khat a nei hi. ^l
8 Tua bang na kua in za ngei ahi hiam?
Tua bang na kua in mu ngei ahi hiam? ^m
Ni khatin gam khat suakkhia thei a,
tomkha sungin minam khat piangkhia thei ahi hiam?
Tua hi napi Zion inlah nausuahnatna a thuakphetin
a tate a suak pah hi. ⁿ
9 Ta suah hun tungsak napi
ta suaksak lo ka hi hiam?” TOPA in a ci hi. ^o
“Ka suahsak ding ciangin
a sul khakcip ka hi hiam?” note Pasian in a ci hi.
10 Jerusalem a it note khempeuh aw, amah tawh nuamsa unla,
ama hangin kipak un; ^p
ama hanga a thum note khempeuh aw,
amah tawh nuamsa khawm un.
11 Ahang in, ama angah
hehnepna nawi na teepteep ding uh a,
na gilvah ding uh hi;
a nawi gau mahmah nuam na sa ding uh hi,” a ci hi. ^q

12 Ahang in, hih in TOPA gen ahi hi:

“Gun bangin ama lungnopsakna ka khangsak dinga, ^r
minamte hauhna lui khang ka bangsak ding hi;
a khutin hong tawi-in a nawi na teep ding uh a,
a khuk tungah na diang ding uh hi. ^s
13 Nu khatin a ta a hehnep bangin,
nang kong hehnem dinga; ^t
Jerusalem tungtang thu ah nang hong kihehnem ding hi,” a ci hi.
14 Hih thu na muh uh ciangin na lungsim uh nuam dinga, ^u
lopa bangin na nosuak ding uh hi;
ama nasemte tungah TOPA khut kilang dinga ^v
ahi hangin a galte tungah a hehna a lak ding hi. ^w
15 En un, mei tawisa-in TOPA hong pai a, ^x
ama sakollengte pingpei tawh kibang hi. ^y
A hehna in a thangpaihna hong puaksuk dinga,
amah in meikuangin a taai ding hi. ^z
16 Ahang in, TOPA in mi khempeuh tungah
mei le namsau-a thahna tawh thu khen dinga, ^aa
TOPA thahsa mi tampi ahi ding hi. ^ab

17 “Huante sunga pai dingin amaute kisiansuah a, amau le amau a kisiangsakte, voksa, zusa le a kihhuai nate ne a, a laizang ^{▼▼66.17 Ahikeh na biakinnpi khat phaitam a huante le} pena a zuite - amaute a beimang khawm ding uh hi,” TOPA in cikhia hi.

18 “Tua hi-a amaute sepna le a ngaihsutnate uh hangin keimah hong pai-in ^{▼▼66.18 Hebrew ah hih laigual a khiatna kician lo} minamte khempeuh le pau khempeuh ka kaikhawm dinga, ka minthanna a mu ding uh hi. ^ae

19 “Amaute lakah lim khat ka omsak dinga a suakta lai pawlkhat minamte - Tarshish-te tung, Libya mite ^{▼▼66.19 Septuagint khutgelh pawlkhat ah Put (Libyans); Pul} tung le Lydia (thalkap siama minthang)-te tung, Tubal-te le Grecce-te tung le ka vang neihna le ka minthanna a za nai lo a gamla-a om tuikulhte tungah ka sawl ding hi. Amaute in minamte tungah ka minthanna a tangko ding uh hi. 20 Tuateh amaute in minamte khempeuh tung panin TOPA tunga biakna-in Jerusalem a ka mual siangtho ah sakol tung, sakolleng tung, leng tung, laa-sakol tung le kala-oh tungah na sanggamte khempeuh uh hong puak ding uh hi,” TOPA in a ci hi. “Israel-te in TOPA biakinnpi ah thukham ngeina-in a siangtho beelte in an-a biakna a puak bangun amaute in hong puak ding uh hi. 21 Tuateh amaute pawlkhat siampi ding le Levi-te dingin ka tengkhia ding hi,” TOPA in a ci hi. ^ag

22 “Ka bawl ding athak vante le lei thak ka mai-ah a kip den bangin, note le na suan na khakte uh min a kip ding hi,” TOPA in cikhia hi. 23 Kha Thak khat pan adang khatah, Sabbath khat pan adang khatah mihing khempeuh hong pai-in ka mai-ah a kun ding uh hi,” TOPA in ci hi. 24 Tuateh amaute paikhia-in kei hong lehdo misiate luang a en ding uh hi; amaute than a si kei dinga, amaute mei zong mit loin mihing khempeuh in a kih ding uh hi,” a ci hi.