Isa 8 | ZomZIV | STEP | TOPA in kei kiangah, “Laizial zapi khat la inla a tungah laikung mawkmawk khatin: Maher - Shalal

kIsa 4:17

mIsa 34:24

n Jer 6:4

o Job 5:12

Isaiah 8

TOPA’ Vanzat Assyria

1 TOPA in kei kiangah, “Laizial zapi khat la inla a tungah laikung mawkmawk khatin: Maher - Shalal - Hash-Baz ^{▼▼8.1 Mehar-Shalal-Hash-Baz pen mawk lak pah ding, suksiat pah ding cihna hi; tg.3 ah zong}; ci-in gelh in. 2 Ka teci muanhuai dingin siampi Uriah le Jeberekiah tapa Zechariah ka sam ding hi,” hong ci hi. ^b

3 Tuateh kamsangnu kiangah ka pai-a, amah gai-in tapa khat a nei hi. Tuateh TOPA in kei kiangah, “A min Maher-Shalal-Hash-Baz phuak in. 4 Naupang in, ‘Ka nu’ ahikeh ‘Ka pa’ a cih theih ma-in Damascus-te hauhna le Samaria-te neih a kisut vante Assyria kumpipa in a puakkhiatsak ding hi,” hong ci hi. ^c

5 TOPA in kei hong hopih kik a:

6 “Hih mite in damdama luangluang
Shiloah tuite nial uh a, ^d
Rezin le Remaliah tapa hangin
a lungdam uh hi;
7 tua hangin Topa in amaute a langpan dingin
a thahat Gun ^{▼▼8.7 Tua in, Euphrates} tui khangte - ^f
Assyria kumpite le a galkap honpi a puak ding hi. ^g
A hawkguam khempeuh dimlet dinga,
a piau khempeuh a luah ding hi. ^h
8 Judah nawt dinga a tungah kivialin ⁱ
ngawng ciang tumin a nawksuak ding hi.
Immanuel ^{▼▼8.8 Immanuel pen Eite tawh Pasian om khawm cihna} aw!
a kha zakin na gam a vailam tuam khin ding hi,” a ci hi. ^k
9 No minamte aw, gal phuangin awng ^{▼▼8.9 Ahikeh kisia dipdep un} un; kithehthang ngel nuteh! ^m
Gamlapi a om gamte khempeuh aw, ngai un.
Galsim dingin kiging unla kithehthang lel un! ⁿ
Galsim dingin kiging unla kitamzan un!
10 Thu vaihawm un, a mawkna hi lel ding hi; ^o
geelgeel un, na geelna uh a kip kei ding hi; ^p
ahang in, kote tawh Pasian om khawm hi. ^{▼▼8.10 Hebrew ah Immanuel
,} ^r

Pasian Kihta In

11 TOPA in a thahat ama khut ka tungah nga-in hih mite lampi ka zuih loh nadingin hong vauhilh hi. Amah in: ^s

12 “Hih mite in sawmsim a cih teng uh
sawmsim ^{▼▼8.12 Ahikeh Thukimna bawl dingin sam kei in / hih mite in a hunhunin thukimna a bawl uh hi.} cihpih kei in;
amau kihtakte kihta kei inla
laulua kei in. ^u
13 Thahatpen TOPA bek na siangthosak ding uh hi,
amah bek kihta-in
amah bek na lau ding uh a, ^v
14 amah biakbuk suakin ahi hangin
Israel innkuante adingin
mite kimuktukna suang le ^w
amaute kipalpukna suangtum a hi khawm ding hi. ^x
Tuateh Jerusalem mite adingin
thang le thangzak a suak ding hi.
15 Amaute tampi a muktu ding uh hi;
amaute tukin kitam ding uh a,
amaute thang kisiah ah awkin a kiman ding hi,” hong ci hi.
16 Hih thute tun inla
ka nungzuite lakah imcip in. ^y
17 Jacob innkuante pana a mai a selpa
TOPA ka ngak ding hi.
Amah ka muang ding h.

18 Hih lai-ah TOPA hong piak tate le kei ka om uh hi. Thahatpen TOPA Zion Vum a tengpa panin Israel-te sungah lim le ciamtehna kote ka hi uh hi. ^z

19 Mite in note kiangah a phun-suausuau, a humham daldal sikha hopihte le vankahte thu dong un. Mite in a Pasian uh thu a dot mah uh hi lo hiam? A hingte tangin misi dot ding ahi hiam? 20 Thukham le tecipannate bek ngai un. Amaute in hih kammalte tawh kizui-in a pau kei uh leh amau adingin phalvak khuavak a nei lo suak uh hi. 21 Amaute lungdongin gilkialpi-in gam sungah a vak kawikawi ding uh hi; a gilkial luat uh ciangin lungso ding uh a, vandakin a kumpipa uh le a Pasian uh a hamsiat ding uh hi. 22 Tua ciangin leilam enin, lungdonna, khuamial le a kihtakhuai khuamialpi mu ding uh a amaute khuamial ngeungau sungah a kisawngawp ding hi. ^aa