James 2
Deidanna Kikham
1Ka sanggamte aw, a minthang i Topa Jesu Christ sunga thu-umte na hi uh bangin angvan tuam nei kei un. 2Gentehna in note kikhopna sungah kham zungbuh bunin puan hoih silh khat hong lut a, mizawng puansia nemnam silh khat zong hong lut hi. 3Note in puan hoih silh pa tuam bawlin, “Hih lai-ah tutphah nuam om hi,” na ci uh a, ahi hangin mizawng pa tungah, “Hua lai-ah na ding in,” ahikeh, “Ka khephung sual tungah na tu in,” ci-a thudon tuam na neih uh leh 4mi deidan tuamin no le no sungah ngaihsutna hoih lo tawh thu a khen suak lo ding na hi uh hiam? a 5 Kong it ka sanggamte aw, ngai un: Pasian in upna ah ahau ding le amah a itte a kamciam, ama gam a luah dingin leitung mite muhna-a a zawngte teel hi lo ahi hiam? 6Ahi hangin note in a zawngte na zahlaksak uh hi. Note hong netum mihaute hi lo uh ahi hiam? Thukhenna mun hong tun amaute hi lo uh ahi hiam? 7Note hong nei, ama min thupi a gensia amaute hi lo uh ahi hiam? b 8 Laisiangtho sunga om: “Nang le nang na ki-it bangin na vengte it in,” ▼▼2.8 Sp. 19:18
a cih kumpi thukham na letkip takpi uh leh amaana gamta na hi uh hi. 9Ahi hangin angvantuam na neih uh leh a mawh na hi uh a, thukham palsatte mah bangin thukham in mawh hong tangsak hi. 10Ahang in, thukham a buppi-in zui napi, thu khat kia-a, a muktute a vekin a palsat khin a suak hi. 11Ahang in, “Angkawm kei in,” ▼▼2.11 Pk. 20:14; Tp. 5:18
hong ci pa in, “Tual that kei in,” ▼▼2.11 Pk. 20:13;Tp. 5:17
zong hong ci lai hi. Ang na kawm loh hangin, tual na thah leh, thukham a palsat mah na hi hi. f 12 Suahtakna a pia thukham in thu a khen ding mite bangin thugenin gamta un. 13Bang hang hiam cih leh lainatna a nei lo mi peuhmah tungah lainatna om loin thu a kikhen ding hi. Thukhenna tungah lainatna a gualzo hi. Upna le Gamtatna
14 Ka sanggamte aw, mi khat in upna ka nei hi, a cih hangin gamtatkhiatna a neih kei leh bang phatuam ahi hiam? Tua bang upna in amah honkhia thei ahi hiam? 15Gentehna in sanggampa khat ahikeh sanggamnu khat in puansilh le a nisim an nei loin om hi. 16Note khat in ama kiangah, “Nuamtakin om in, khualum inla, an kham in,” ci-in ahi hangin a kisapnate bangmah na hihsak kei leh bang phatuam ahi hiam? 17Tua mah tawh kibangin gamtatkhiatna in a zuih kei leh upna kia bek a si ahi hi. g 18 Ahi hangin mi khatpeuh in, “Nang upna na nei hi; ken gamtatna ka nei hi,” ci ding hi. Gamtatnate loin na upna hong lak in. Ken ka sepna-in ka upna kong lak ding hi. 19Pasian khat om hi, cih na um hi. Pha hi! Dawite nangawn in tua mah umin lau-in a ling uh hi. h 20 Nang mihaipa aw, gamtatna loin upna a kimanna om lo ▼▼2.20 Khutgelh masa pawlkhatah si
hi cih a kitelna na thei nuam hiam? 21I pu Abraham in a tapa Isaac biakna-tau tungah a piak ciangin ama nasepsa thumaanin kisimsak hi lo ahi hiam? 22Ama upna le a gamtatnate in semkhawm a, ama sepna in a upna bucingsak hi cih na thei hi. 23Tua hi a, Laisiangtho in, “Abraham in Pasian um a, tua ama upna ama thumaanna-in kisimsak hi,” ▼▼2.23 Pc. 15:16
a cih tangtunga, amah Pasian lawmpa kici hi. 24Mi khat a upna guak hi loin ama sepna in dik tangsak ahilam na thei hi. k 25 Tua mah tawh kibangin numei kizuak Rahab nangawn in thukansimte zin tungsak a, lampi tuam ah a khakkhiat ciangin ama gamtatnasa hangin thu maan suak hi lo ahi hiam? 26Kha a om lo pumpi a si ahi bangin gamtatna om lo upna a si ahi hi.
Copyright information for
ZomZIV