Jeremiah 35
Recab-te
1Hih in Josiah tapa Judah kumpipa Jehoiakim kumpi a suah hun lai-a Jeremiah tunga tung TOPA thu ahi hi: 2“Recab innkuante kiangah pai inla, TOPA inndeite sung khatah samin paipih inla a dawn dingin zu pia in,” hong ci hi. a 3 Tua ciangin Habazziniah tapa Jeremiah tapa Jaazaniah le a sanggam pasalte le a tapate khempeuh - Recab mi buppi kiangah pai-in a va sam hi. 4TOPA inn sungah amaute ka tumpih a, Pasian mi Igdaliah tapa Hanan tapate inndei sungah ka lutpih hi. Tua mun uliante omna inndei zom kongkhak cingpa Shallum tapa Maaseiah tungsantak ahi hi. 5Tua ciangin zu kuang-uk dim khat le hai pawlkhat Recab innkuante mai-ah lui-in, “Zu na dawn uau,” ka ci hi. b 6 Ahi hangin amaute in, “Kote in zu ka dawn kei uh hi, bang hang hiam cih leh ka pu uh Recab tapa Jonadab in thu hong pia a: ‘No le na suante un zu na dawn ngei kei ding uh hi. 7Inn lam loin khaici na tuh kei ding uh a, lenggui na suan kei ding uh hi; hih nate khempeuh na nei kei ding uh a, tuipuan buk bekah na teng den ding uh hi. Tua hileh na pai kawikawina uh gamah sawtpi na om thei ding uh hi,’ hong ci hi. 8Kote in Recab tapa ka pu uh Jonadab hong thupiak khempeuh ka mang uh hi. Ko ka hi uh a, ka zite uh le ka tanu ka tapate uh ahi zongin zu ka dawn kei uh a, 9ten nading inn zong lam loin lenggui huan, lo le khaici zong ka nei kei uh hi. 10Puanbuk sungah ka teng uh a ka pu uh Jonadab hong thupiak khempeuh a vekin ka mang uh hi. 11Ahi hangin Babylon kumpipa Nebuchadnezzar in hih gam a sim ciangin, ‘Hong pai un, Babylon mite ▼▼35.11 Ahikeh Chaldea-te
le Aram galkapte pan i suahtak nadingin Jerusalem ah i pai kul ding hi,” ka kici uh hi. Tuaci-a Jerusalem a om lai ka hi uh hi,” a ci uh hi. d 12 Tua ciangin Jeremiah tungah TOPA thu tunga: 13“Hih in Israel Pasian Thahatpen TOPA gen ahi hi: Pai inla Judah mite le Jerusalem a mite tungah, ‘Ka thu hong mangin thu khat sin lo ding na hi uh hiam?’ TOPA in cikhia hi. 14Recab tapa Jonadab in a tapate zu dawn loh ding thu pia-a, hih thupiakna kimang hi. Amaute in tuni dong zu a dawn kei uh hi; bang hang hiam cih leh amaute in a pute uh thupiak a mang uh hi. Ahi hangin note tungah kong gen kikkik hangin tua nangawn nong mang nuam kei lailai uh hi. 15No kiangah ka nasem kamsangte khempeuh kong sawl kikkik hi. Amaute in, “Note na gitlohna uh panin kihei unla na gamtat uh kipuahpha un; pasian dangte zui kei unla, a na zong sem kei un. Tua hileh note le na pate uh tunga kong piaksa gamah na teng ding uh hi,” hong ci uh hi. Ahi hangin note in hong thusim loin ka thu na ngai kei uh hi. 16Recab tapa Jonadab suante in a pute uh thupiakte a tang tentan uh hi; ahi hangin hih mite in ka thu a mang kei uh hi,’ ci hi. e 17 “Tua ahi ciangin Israel Pasian TOPA, Thahatpen Pasian gen hih ahi hi: ‘Ngai un! Judah tung le Jerusalem a teng peuhmah tungah a tung dinga ka genkhiatsa gimnate ka tungsak ta ding hi. Amaute ka hopih hangin ngai lo uh a; amaute ka sap hangin hong dawng nuam kei uh hi,’ ci-in va gen in,” a ci hi. f 18 Tua ciangin Jeremiah in Recab innkuante tungah, “Hih in Israel Pasian Thahatpen TOPA gen ahi hi: ‘Note in na pu uh Jonadab thupiak na mang uh a, ama hong lamlah bangin zui-in hong sawl peuhmah na sem uh hi,’ ci hi. 19Tua ciangin hih in Israel Pasian Thahatpen TOPA gen ahi hi: Recab tapa Jonadab in ka nasem ding mi a kibansamsak ngei kei ding hi,’ ci hi, “a ci hi. g
Copyright information for
ZomZIV