Jer 45 | ZomZIV | STEP | Hih in Judah kumpi pa Josiah tapa Jehoiakim kumpi a suah zawh a kum lina kumin kamsangpa Jeremiah in Meriah tapa Baruch tungah gen a, Baruch in laizial tungah gelhin Jeremiah in sit a:

Jeremiah 45

Baruch tungah Thupuak

1 Hih in Judah kumpi pa Josiah tapa Jehoiakim kumpi a suah zawh a kum lina kumin kamsangpa Jeremiah in Meriah tapa Baruch tungah gen a, Baruch in laizial tungah gelhin Jeremiah in sit a: 2 “Baruch aw, TOPA Israel Pasian in nang tungah hong gen hih ahi hi: 3 Nang in, ‘Gimna ka thuak hi! TOPA in ka natna banah dahna hong behlap a; ka tautauna-in ka bah ngi-ingei a, ka tawlnga thei kei hi,’ na ci hi.

4 TOPA in, “Ama kiangah: “TOPA gen hih ahi hi: ‘Gam sung buppi a ka lamsate ka phelkhia dinga, ka suansate ka botkhia ding hi. 5 Nang in nangma ading na lianpi zong ding na hi hiam? Tuate zong kei in. Ahang in, mi khempeuh tungah gimna ka tungsak ding hi; TOPA in cikhia a, ahi hangin na paina peuhpeuh ah na nuntakna kong suaktasak ding hi,’ ci hi,” a ci hi.