Jer 46 | ZomZIV | STEP | Hih in kamsangpa Jeremiah tungah minamte tawh kisai-a TOPA thu tung ahi hi.

Jeremiah 46

Egypt Thu Thupuak Khat

1 Hih in kamsangpa Jeremiah tungah minamte tawh kisai-a TOPA thu tung ahi hi. ^a

2 Egypt tawh kisai-in:

Hih in Judah kumpipa Josiah tapa Jehoiakim kumpi a suah zawh a kum lina kumin Babylon kumpipa Nebuchadnezzar in Euphrates Gun gei-a Carchemish ah Egypt kumpipa Pharaoh Neco galkapte sima a zawhsate tawh kisai thupuak ahi hi: ^b

3 “Na lumte uh aneu alian tawh kithawi unla, ^c
galsim dingin kuan un!
4 Sakol van vawh unla,
sakol tungtuangte aw, tuang ta un!
Sik lukhute khu-in
panmun la un!
Na teipite uh nawtngil unla, ^d
galvan kithuam un! ^e
5 Ka muh bang ahi hiam?
Amaute lau-in
nung kik uh a,
a galhangte uh kizo ta hi.
Amaute nunghei loin
nawhsatakin tai uh a, ^f
akim apam uh launa vive ahi hi,” ^g

TOPA in cikhia hi.
6 “Amanlangte taisim thei lo uh a, ^h
a thahatte a suakta tuan kei uh hi.
Leilu-lama Euphrates Gun gei-ah
kimuktu-in a puk uh hi. ⁱ
7 “Nile banga khang kua hi a,
guntui phulto abang kua ahi hiam?
8 Nile bangin Egypt khanga,
guntui phulto bang hi.
Tuanu in, ‘Khangin leitung khempeuh ka tuam dinga;
khuapite le a sunga teng mite ka susia ding hi,’ ci hi. ^j
9 Sakolte aw, mainawt un!
Sakolleng hawlte aw, lunghamsa-in nawh un! ^k
Galhangte -
Cush ^{▼▼46.9 Tua in Nile kuam tunglam} le Put mi lum tawite,
thal kamsa-a om Lydia mite aw, mainawt un. ^m
10 Ahi hangin tua ni Topa in a galte tunga phulak nading phulak ni hi a,
Thahatpen TOPA aa ahi hi. ⁿ
Namsau in a kham mateng valhin ^o
a dangtak a kap mateng a sisan dawn ding hi. ^p
Ahang in, Topa Thahatpen TOPA in
leilu-lam gam Euphrates Gun gei-ah kithoihna-in a nei ding hi. ^q
11 “Egypt Tanu Bit aw,
Gilead ah paito inla zatui la in.
Zatui tampi na zat hangin na dam tuan kei ding hi;
nang dam nading a om kei hi.
12 Na maizumna minamte in za ding uh a,
na kahna leitung a dim ding hi.
Galhangte khat le khat kipalkha ding uh a;
a nihun a tukkhawm ding uh hi,” a ci hi. ^r

13 Hih in Egypt sim dinga kuan Babylon kumpipa Nebuchadnezzar thu, kamsangpa Jeremiah tunga TOPA thupuak ahi hi: ^s

14 “Hih thu Egypt ah zasak unla, Migdol ah tangko un;
Memphis ^{▼▼46.14 Hebrew in Noph; tg.19 ah zong} le Tahpanhes ah zong tangko-in: ^u
‘Na kimkota mite namsau in valh ahi manin ^v
kigalging unla kithawi un,’ va ci un.
15 Bang hangin na galhangte uh kiniam koih ahi hiam?
TOPA in phutuk ahi manin amaute ding zo lo uh hi. ^w
16 Amaute kimuktutu ding uh a;
khat le khat a kiphupai ding uh hi.
Amaute in,’Tho un,
i mipihte kiang i leitangah ciah kik ni, ^x
hong nengniamte namsau panin kihem ni,’ ci ding uh hi. ^y
17 Tua lai-ah amaute in,
‘Egypt kumpipa Pharaoh a hupi bek hi;
ama hun hoih teng tan ta,’ ci ding uh hi. ^z
18 “A min Thahatpen TOPA kumpipa in, ^aa
“Ka nuntakna ka lawh inah”
mualliante lakah Tabor bang le tuipi gei-a Carmel bangin ^ab
khat hong kuan ding hi.
19 Memphis kinusiacip dinga,
kisia-in kuamah teng lo ding ahi manin,
Egypt a teng note aw,
salin hong kikai ding hi, na van uh guang un.
20 “Egypt in a melhoih bawngla ahi hi;
ahi hangin leilu-lam panin
ama langah cippi khat hong leng hi.
21 A galkap cial uliante
bawngno vakthau bang hi.
Amaute dan thuak hun hi-a,
amau tungah gimna tun hun ahi manin ^ac
amaute zong kihei-in lehtai khawm ding uh a,
amau leitang a dinpih tentan kei ding uh hi.
22 Galte mainawtin kuan uh a,
gulpi tai ging bangin Egypt a ging ding hi.
Amaute tuanu do dingin
singphukpa bangin hei kengin a kuan ding uh hi.
23 Tuanu gamphapi lak ahi hangin
amaute in a tulak a tennen ding uh hi,

TOPA in cikhia hi.
“Amaute kauphe hon sangin tamzaw tham uh a, ^ad
a kisim khin zo kei hi.
24 Egypt Tanu kimaizumsak dinga,
leilu-lam mite khutah kipia ding hi,” a ci hi. ^ae

25 Israel Pasian Thahatpen TOPA in a geninah: “Keimah in Thebes-te ^{▼▼46.25 Hebrew ah No} pasian Amon tung, Pharaoh tung, Egypt le a pasiante le a kumpite Pharaoh tunga kinga khempeuh tungah dan ka tuaksak ding hi. 26 Keimah in amaute a that nuam Babylon kumpipa Nebuchadnezzar le a galkap mangte tungah ka pia ding hi. Ahi ta zongin tua nung ciangin a beisa hun bangin Egypt ah mi a teng kik ding hi,” TOPA in cikhia hi. ^ag

27 “Ka nasempa Jacob aw, lau kei in; ^ah
Israel aw, lungneu kei in.
A gamla panin nang kong honkhia dinga,
nangma suante a saltanna panun ka honkhia taktak ding hi.
Jacob in lemna le ngaihmuanna ngah kik dinga,
kuamah in a lausak nawn kei ding hi.
28 Ka nasempa Jacob aw,
nang hong ompih ka hi manin lau kei in,” TOPA in cikhia hi. ^ai
“Note kong thehthangna
minamte khempeuh ka susiamang zongin, ^aj
nang kong susiamang kei ding hi.
Thutang bek tawh nang kong sek dinga,
dan thuaksak loin lah kong khahkhong sam kei ding hi,” a ci hi.