Jer 9 | ZomZIV | STEP | Ka lutang tuinak hi thei henla, ka mitte khitui nak hi thei leh maw! A kithat ka mite adingin sun le zanin ka kapkap ding hi.

Jeremiah 9

1 Ka lutang tuinak hi thei henla,
ka mitte khitui nak hi thei leh maw! ^a
A kithat ka mite adingin
sun le zanin ka kapkap ding hi.
2 Ka mite a vekpi un angkawm hat,
a muanhuai lo mihonpite ahi manun
sehnel-gam ah
ka zintun buk ding mun khat nei-in
amaute nusia-in
taisan thei leng!
3 “Amaute in a leii uh
thalpeu bangin zuauthu lot nadingin zang uh a,
gam sungah a gualzawh ^{▼▼9.3 Ahikeh zuauphuak; amaute thutak ah a hangsan kei uh hi.} nadingun
thutak a zang kei uh hi.
Amaute in mawhna khat khit khat bawl uh a,
kei hong thei lo uh hi,” ^c

TOPA in cikhia hi.
4 “Na lawmte uh kidawm unla,
na sanggamte uh muang kei un.
Ahang in, sanggam peuhmah zuauphuak ^{▼▼9.4 Ahikeh Jacob khembawl} hi a, ^e
lawm peuhmah gensiat hat ahi hi.
5 Lawmpa in a lawmpa khem a, ^f
thutak gen khat beek a om kei hi.
Amaute in a lei uh zuau gen nadingin sinsak uh a, ^g
mawhna bawlbawlin amau le amau kigimsak uh hi.
6 Khemna lakah nang ^{▼▼9.6 Tua pen Jeremiah (Hebrew in khat genna)} na teng a; ⁱ
zuau phuakin kei hong theih ding uh a nial uh hi,”

TOPA in cikhia hi.

7 Tua ahi ciangin Thahatpen TOPA gen hih ahi hi:

“En un, amaute suangtui-in ka zia-et ding hi; ^j
ka mite mawhna hangin
tua lo bang hih thei lai ding ka hi hiam?
8 A leii uh sihna thaltang hi a,
zuauthu a gen hi.
A innvengte tungah a kampau uh a zol hangin, ^k
a lungsim sungah amah thang a siah hi. ^l
9 Hih thu hangin amaute dan tuaksak lo ding ka hi hiam?
TOPA in cikhia hi.
“Hici-a gamta minam khat tungah
kei mahmah in hih bangin phu la lo ding ka hi hiam?” a ci hi.
10 Mualliante adingin kapin ka tau dinga,
sehnel-gam lonona kahtapin ka taamlo ding hi.
Amaute kisusia-in khualzin om nawn lo dinga,
bawnghon ham a kiza nawn kei hi.
Huih lak vasate lengmang khin a,
gamsate a om nawn kei hi.
11 “Jerusalem vansia kholna le
se-alte gamtatna mun ka suaksak ding hi. ^m
Tua munah kuamah a ten theih loh nadingin
Judah khuapi gamval ka suaksak ding hi,” a ci hi. ⁿ

12 Hih thu a theitel ding mipil kua om ahi hiam? TOPA in kua lamlaka telgen thei ding ahi hiam? Bang hangin kuama kantan theih loh dingin hih gam kisia-in sehnel-gam bangin gamvalin kikoih ahi hiam? ^o

13 TOPA in, “Amaute mai-ah ka lah ka thukham taisanin ka thukham mang loin zong a zui kei uh hi. 14 Tua sangsikin amaute lungtang khauhna zui uh a; a pate uh hilhsa bangin Baal nung a zuih hang uh ahi hi,” a ci hi. 15 Tua ahi ciangin Israel-te Pasian Thahatpen TOPA gen hih ahi hi: “En un hih mite akhaa an ka nesak dinga, gu khahsa tui ka dawnsak ding hi. 16 Amaute theih loh a pate un zong a theih tuan loh uh minamte lakah ka thehthang dinga, amaute ka siatsak khit matengin namsau-in ka nungdelh ding hi,” a ci hi. ^p

17 Thahatpen TOPA gen hih ahi hi:

“Tu-in ngaihsun dih un! Sikah numeite sam un;
kah siam tata vaikhak un.
18 Amaute kinawhsak unla
i mitte ah khitui dimletin,
i mitkhu panin tui a phul matengin
eite hong kah uh hen. ^q
19 Zion panin kahna aw kiza a:
“Eite bangci siat tazen i hia! ^r
I mai zum na lawmlawm ei!
I inn teng kisia ta hiven,
i gam i nusiat kul ta ve!’ ci uh hi,” a ci hi.
20 Tu-in numeite aw, TOPA kammal za un;
ama muk pana kammalte na bil uh dawh un.
Na tanute uh kahzia ding hilh un;
khat le khat tamlawhna kihilh un.
21 I kongvangneute zui-in sihna hong kahto a,
i kulh muanhuaite sungah hong lut hi;
lamdung ah naupangte attan a,
mipi tual-awng ah khangnote a bantan hi. ^s

22 “TOPA cihkhiat hih ahi hi:

“‘Mihing siluangte gamlakah
ki-ek nusiat dinga,
anlate nunga ankung bangin
kuamah in amaute a khawm kei ding hi,’ ci un,” a ci hi.

23 TOPA gen hih ahi hi:

“Mipilte in a pilna uh kisaktheihpih kei uh henla, ^t
thahatte in a hatna uh kisaktheihpih loin ^u
a haute in a hauhna uh kisaktheihpih kei uh hen; ^v
24 ahi hangin a kisatheite in: ^w
keimah in leitungah migitna,
thutang le thumaanna zangin ^x
hihte ah nuam a sapa TOPA keimah ka hilam
hong telna le hong theihna kisaktheihpih hen,” ^y

TOPA in cikhia hi.

25 “TOPA in ci-le-sa beka vunatte - 26 Egypt, Judah, Edom, Ammon, Moab le gamlapi ^{▼▼9.26 Ahikeh a sam uh a taltang a khente} sehnel-gama tengte khempeuh dan a kituahsak hun hong tung ding hi. Ahang in, hih minamte khempeuh vunat taktak hi lo uh a, Israel innkuan buppi nangawn lungtanga vunat loh ahi uh hi,” a ci hi. ^aa