Job 19

Job

1 Tua ciangin Job in dawng a:

2 “Bang tanvei hong bawlsia in kammal tawh
hong gawizan ding na hi uh hiam? ^a
3 Kei sawmvei nong simmawh ta uh hi; ^b
maizum het loin kei nong do uh hi.
4 A lamkhial takpi ka hileh zong,
ka khialhna kei guak tungah tusak mai un. ^c
5 Kei tungah no le no na kitawisang uh leh
ka thuaknate kei langah pangsak mai un;
6 tua ciangin Pasian in kei hong mawhsak a ^d
ka kimkotah thang hong siah ahilam thei un. ^e
7 “‘Mawh khin ta’ng ei! ci-in ka kiko zongin, kuama dawnna ka za kei hi; ^f
hong huh ding mi ka sap hangin thutanga khen a om kei hi. ^g
8 Ka paisuak theih loh nadingin ka lampi khaktan khin hi; ^h
amah in ka lampi khuamialin a tuamcip hi. ⁱ
9 Hong kipahtawina hong hawkkhiatsak a ^j
ka lu panin ka kumpi lukhu a lakhia hi. ^k
10 Ka manthan dong a munmun panin hong balkhia a; ^l
ka lametna singkung bangin a bulkalh hi. ^m
11 Amah kei tungah heh lua mahmah a,
ama galin hong sim hi. ⁿ
12 Kei sim dingin a galkapte hong kuan hi;
amaute in kei langah kulhkenbawlin hong umcih uh a ^o
ka puanbuk kimkot ah giahphual a sat uh hi. ^p
13 “Amah in ka sanggamte kei kiang panin pemkhiasaka, ^q
ka meltheih khempeuh kei aa in midangpi suakkhin kiuhkeuh hi. ^r
14 Ka tanaute paimang khin uh hi;
ka lawmte in hong mangngilh khin uh hi. ^s
15 Ka lenglate le ka nasem numeite in mikhual-in hong ngaihsun uh a, ^t
pemta bangin hong bawl uh hi.
16 Ka nasempa samin keima kamin thum taleng
hong dawng lo hi.
17 Ka zi in ka husan namsia sa-in,
ka sanggamte tektek adingin ka kihhuai hi. ^u
18 Naupangnote nangawn in hong simmawh uh a,
hong muh khak uh ciangin hong zahnuihsan uh hi. ^v
19 Ka kinaipih ka lawmte khempeuh in hong kih uh a, ^w
ka it teng ka langah pang khin uh hi. ^x
20 Kei bangmah hi loin guh le vun bek ka hi hi; ^y
ka hani ^{▼▼19.20 Ahikeh ka hanite bek} bek tawh ka suakta lai hi.
21 “Kei hong hehpih un lawmte aw, hong hehpih un; ^aa
Pasian khut kei tungah kinga zo hi. ^ab
22 Pasian hong hih bangin bang dia hong delh na hi uh hiam? ^ac
Ka sa khamzo nai lo na hi uh hiam? ^ad
23 “O, ka thugente kiciamteh henla,
tuate laizial tungah kigelh leh ^ae
24 tuate haknaw pek tungah ^{▼▼19.24 Ahikeh le} sikzumin kikhuakin ^ag
ahikeh a omden dingin suang tungah kigelh zen leh!
25 Kei hong Tanpa ^{▼▼19.25 Ahikeh a hupa} a nuntak lam ka thei a, ^ai
ni tawpni ciangin leitung ^{▼▼19.25 Ahikeh keima hankhuk tungah} ah a din ding zong ka thei hi.
26 “Ka vun khempeuh a kisiat khit ^{▼▼19.26 Ahikeh a kikhenkhiat khit} ciang
nangawnin ^{▼▼19.26 Ahikeh Tua teh ka khanlawh khit / hih pumpi a kisia khin zongin / tuaciangin} ka satakin Pasian ka mu ding hi; ^am
27 Kuamah dang ahi lo - kei mahmah in
ka mitin amah ka mu ding hi. ^an
Ka sunga ka lungsimin nak ngaklah lua si’ng! ^ao
28 “‘Ama sungah lunghimawhna zung a om nungsang
bang i ci mawhmat zo ding hiam?’ na cih uh leh ^{▼▼19.28 Hebrew khutgelh tampi, Septuagint fle Vulgate; Hebrew khutgelh tamzaw ah kei
,} ^aq
29 thangpaihna in namsau-a danpiakna hong tun ding ahi manin
no mahmah in namsau kihta un, ^ar
tua ciangin thukhenna ^{▼▼19.29 Ahikeh A Thahatpa na theihtheih nadingun} a om lam na thei pan ding uh hi,” a ci hi. ^at