Job 21

Job

1 Tua ciangin Job in dawng a:

2 “Ka kammalte limtakin ngai un;
hih pen kei nong hehnepna uh hisak un. ^a
3 Ka gen laitak na thuak keikai unla,
ka pau khit ciangin hong zahpih pan un. ^b
4 “Kei mawhsakna mihing khat tung ahi hiam? ^c
Bang hangin lungtom lo ding ka hi hiam? ^d
5 Kei hong en unla, lamdang sa un;
na khut pekun na kam uh hum un. ^e
6 Hih thu ka ngaihsut ciangin kei hong lausak a, ^f
hong pumlinsak hi.
7 Bang hangin migilote nungtata lai-in
khansau-a vanglian lailai uh ahi hiam? ^g
8 Amaute in a kim a pam-ua a tate uh a khantoh lam mu uh a,
a suan a khakte uh a mitun mu uh hi. ^h
9 A innte uh muanhuai-a launa a om kei hi; ⁱ
amaute in Pasian cianggolh a thuak kha kei uh hi. ^j
10 A bawngtalte uh lanlo ngei lo a;
a bawngpite un no nei denin tolh ngei lo hi. ^k
11 Amaute in a tate uh tuuhon bangin sawlkhia uh a; ^l
a tanote uh lam uh hi.
12 Amaute in khuangta le harp tumin la sa uh a;
tamngai aw tawh nuam sa uh hi. ^m
13 A nuntak sung uh cihtheihna-in zang uh a, ⁿ
a sih uh ciangin lungnuam ^{▼▼21.13 Ahikeh thakhatin}takin han ^{▼▼21.13 Hebrew ah Sheol} a zuan uh hi. ^q
14 Tua hi napi, Pasian tungah, ‘Ko hong nawngkaisak kei in! ^r
Na lampi thei nuam kei ung. ^s
15 A na ka sep dingun a Thahatpa kua ahi hiam?
Ama tungah thu ngen le ung bang ngah ding ka hi uh hiam?’ci uh hi. ^t
16 Ahi hangin amau cihtheihna amau khutah om lo hi;
tua ahi ciangin migilote ngaihsutna le kei aa kigamla hi.
17 “Tua hi napi migilopa’ meivak bangzah vei mit ta ahi hiam?
Amaute tungah tuahsiatna bangzah vei tung ta a, ^u
Pasian in ama hehna bangzah vei tuaksak ta hiam? ^v
18 Amaute bangzah vei huih mutleng buhtu bang a,
huihpi in a letmang buhsi bang uh ahi hiam? ^w
19 ‘Pasian in mi khat thuak ding, a tapate ading a kholsak hi,’ kici hi. ^x
Amah in a theih nadingin ama tung mah ah kithuk pah hen! ^y
20 Ama siatna ama mit mah in mu pah hen; ^z
Thahatpenpa thangpaihna amah kidawnsak pah hen. ^{▼▼21.17-20 tg. 17 le 18-te lamdang sakna in kila thei a, 19 le 20-te thu telgenna in kila thei hi.
,} ^ab
21 Ahang in, a kiciangtansaksa zahkhate a bei khit cianga ^ac
a nusiat a innkuanpihte bang awlmawh nawn ahi hiam? ^ad
22 “A sangpen thu nangawn a khen khit nungsang, ^ae
mi khatpeuh in Pasian tungah pilna hilh thei ahi hiam? ^af
23 Mi khat a thahat pen laitakin si a,
lungmuangtakin a tawlnga hi; ^ag
24 a pumpi ^{▼▼21.24 Hih kammal Hebrew in kician lo hi.} sadim phitphet a,
a guhte in guhtui a hau hi.
25 Midang khat khakham veisapi in si a, ^ai
hoih a kici khat beek a sinkha ngei kei hi.
26 Amaute a kibangin leivui lakah lumtuak uh a, ^aj
than in pumtuam tuak hi. ^ak
27 “Kei nong khialhsak nadingun na tupna uh,
na ngaihsutnate uh hoihtakin ka thei khin hi.
28 Note in, ‘Tu in miliante inn koi-ah om a, ^al
migilote tenna puanbuk koi-ah om ahi hiam?’ na ci uh hi. ^am
29 Khualzin mite dong ngei lo na hi uh hiam?
amau hong gen - tuahsiat hun ciangin migilote peng zawsop a, ^an
30 thangpaihna hun panin ^{▼▼21.30 Ahikeh mi khat tuahsiatna ni adingin kikoihkhol a / amah kihukhia} amah kihukhia hi, ^ap
ci-a hong gente uh thusim lo na hi uh hiam?
31 Kua in a mai-ah a gamtatna va langgen ahi hiam?
a gamtatsa a thuk kik kua ahi hiam? ^aq
32 Amah han lamah kipua a,
a hankhuk kicingsak hi. ^ar
33 Mualkuam a leihoih ama adingin khum a; ^as
mi khempeuh in amah zui-in,
ama mai-ah simzawh loh mihonpi pai khin ^{▼▼21.33 Ahikeh sim zawh loh mihonpi a pai bangin} hi. ^au
34 “Tua ahi ciangin thu gina lo peuhin kei hong hehnem zo ding na hi uh hiam?
Zuauthu longal nong dawn nading uh bangmah om nawn lo hi,” a ci hi.